[9بياض الثلج9]

السلام عليكم ورحمة الله وبركاته

اخباركم ياعسل ..؟؟

ان شاء الله بخير ....؟؟

طيب ادخل في الموضوع بلا مقدمات

انا اشوف كثير من البنات مايحبون الاذاعة ..!!

مع إن انا اول ماجيت المدرسه احس ان الاذاعه اللي في مدرستنا كثير مميزه

بس مايحيونها ولا يستمعون لها .. صحيح ان مو كل المواضيع مميزه بس الاغلبيه ..

طيب من حق المدرسه علينا ان نقدم اذاعه والكل يستمع لها ..

الكل يتفاعل معها ..

نبيها تكون مميزه بالحيل .. تفيدنا حنا

طيب انا عندي كذا موضوع اذا انتوا توافقوني عليهم ..
نسوي اذاعه عن
المكياج ..
الشعر..
العناية بالبشره ..
عن النجاح ..
تكون اذاعه كلها عن القصص..
اذاعه كلها شعر ..
اذاعه كلها عن اخر صيحات الموضه بس اللي تناسب دينا ..
ونقدم في نهاية كل اذاعه معلومه علمية مفيده ..
والنشيد الوطني مهم جدا جدا جدا ..

وش ذا الوطنية اللي الوحده تستحي انها تقوله ..

انا مره حكتلي صديقتي هي من السودان اوكي ..
تقولن بنات الثانوية وهم في المدرسه يوصل صوتهم لبيتنا .. وبيتهم ماهو قريب يعني فرق في يمكن شارعين تقريبا بس ان يسمعونه ..

وحنا اللهم لك الحمد ..

ابي اعرف ليه البنات يستحون ..

انا شخصيا اللي اعتبر اللي ماتقوله ماتستحق انها تعيش في ذا الوطن ..

لان الشئ الوحيد اللي نقدمه له يوميا بخيلين فيه ..

نبي ولايوم يمشئ بدون نشيد الوطني ..

الابتدائي احسن منا ..

انا اختي تحكيلي تقول ::
يسوون اذاعه ويخلون بنت تقول انشوده من الطوابير هي تطلع من نفسها وتنشد وبعد ماتخلص يقولون كذا ذكر من اذكار الصباح والنشيد الوطني ..

حتى اختي من تفاعلها تقولي الدعاء .. بعدين تقول النشيد الوطني
وجهها يصير احمر من كذا ماهي توصفلي ان الصوت يكون واطي ..

وحنا اللي عطانا وطنا اكثر من كذا نبخل عليه بنشيد وطني ..

والله مااحلى كلماته ..

ووو بس ياليت تعطوني افكار علشان انا اعطيها لأستاذة سـ.........

اوكي ..

ابي افكار كذا حلوه رهيبه ..

بانتظار ردودكم ..

ساعد في نشر والارتقاء بنا عبر مشاركة رأيك في الفيس بوك