طاح الحطب...وحلوة الحياة

[ساروونه]

تحيه طيبه للجميع بعد الغيبه لازم نجيب شي يحوز على استحسانكم و رضاكم
.................................................. ............................
المشهد الاول
وحدة مزيونه بالحيـــــــــــل .....و حبيبه .....
بس تخوون |||
وش اسوي بجمالها ؟؟
بياخذها الزمان و تبقى عجوز .......
عادي .... طاح الحطب ...... وحلوة الحياة



المشهد الثاني
ملتزم .......
يصلي كل الفروض.........
و اذا تعب ......فوت صلاة الفجر
و اذا شبع راحت صلاة العصر .......
و عنده ستلايت ..... و يكذب كثير .....
و اذا صحى الصبح مشط اللحيه .........
عادي .... طاح الحطب .... و حلوة الحياة


المشهد الثالث
غني و ظالم ......يطرد المساكين و يستغل الضعووف
مغرور و فاسق ........
و مجلسه عامر ......
كلن يبهر له .....
و مع ذلك يجمع حسنات ..... من اللي يسبونه ...
عادي ...... طاح الحطب .... و حلوة الحياة


المشهد الرابع
يكد يدرس و يشتغل........
لاجل يبني مستقبله .........
تزوج جاب عيال ......ثم تقاعد
صار يسكن في مكان ....... وام عياله في مكان
و السبب العيال .......
صار بيتهم يتيم .........
عادي .... طاح الحطب ....وحلوة الحياة


المشهد الخامس
تغازل و تاخذ ارقام ..........
و تطلع مع هذا ........ و تواعد هذاك ....
و يوم طاح الفاس بالراس ......
بكت ...... و راحت تشتكي غدر الزمان لأمها.......
طبطبت عليها امها...... وقالت ولا يهمك.....
سفره لمصر ....... و شويت سيوله
((و يتصلح اللي انكسر))
عادي ..... طاح الحطب ..... و حلوه الحياة


المشهد السادس
مرفوع الكفن ابيض..........
وصاحبه وسط البياض........
بعضهم يبكي ........و بعضهم عادي
دفنوه..... تبكبكوا شوي
و اخر الليل سكرى ..........
عادي ......طاح الحطب ....وحلوة الحياة


المشهد السابع
سيارة مسرعة ............
و تدعس لها واحد .............
مسكين هندي...............
و العسكري خوي الطايش ................
و الخطا نصه على الهندي ..........
و الباقي على ابو الطايش ............
و في الليل الطايش ............يلعب بلوت
عادي .........طاح الحطب ....وحلوة الحياة


المشهد الثامن
قارورة مويه............
ما تضره............طايحه في السيارة
يناظر بغضب ............زعلان منها
و يفتح الدريشة........... ويرميها وسط الشارع
و اذا اجتمع مع الشباب قال :
متـــــــــــــــــــى نتحضر ؟؟؟
عادي .......طاح الحطب .......وحلوة الحياة


المشهد التاسع
اهم شي الثوب نظيف .... و الشماغ مكوي....
و القلم ماركة........و الساعة تضوي
و الجزمة جلد ..........و السيارة عجب
و جواله ما يسكت .........
اما بنات.......
او البنوك تبي فلوسها........
عادي ....طاح الحطب ....و الحياة حلوة


المشهد العاشر
مغرورة.......و سطحية.......
غبية .....ومتكبرة......و ياليتها حلوة......
تبي زوج مواصفاات........
ما يقول لا......... و يكره الاستراحات.....
لازم وسيم ...انيق...متعلم....ودخله ممتاز $$
و يحب السفر...............
و بعدين تلاقي نفسها في الانترنت ............
تدور واحد يقبل بها ...........
عادي .....طاح الحطب.....وحلوة الحياة



المشهد الحادي عشر
فتح الاب توب..........
دخل المنتدى......و كلامه ما يتعدى ان الموضوع روعة و رهيب
وهو ما قراه و لا يعرف كاتبه ...............
بس يبي يزيد المواضيع موضوع..............
ويزيد همومنا هم ...........
علشان يصير صاحب الألف موضوع ...........
ويتميز..........
و المشكلة انه يتميز ...........
عادي .....طاح الحطب ......وحلوة الحياة


المشهد الاخيـــــــــــــــــر
الكذب اثم ............ومع ذلك نستخدمه
و ندري انه حرام ........و مع ذلك نجربه
نتذكر السهرة و الفرح و السفر...........
و ننسى الجالسين فوق كتوفنا.............
و نتناسى ان معهم كتاب يسجل افعالنا و نياتنا....
كل شي محسوب.............
نسينا ان ورانا يوم......علاماته قربت
و مع ذلك كلنا ناسين........
ان بقيت على حالك تتناسى ................
لازم تعرف ,,,
ان هذاك اليوم مهوب عادي .............
و انت الحطب ,,,,
و ماااااابه حيااة

ودمتم لي
ساروونه

ساعد في نشر والارتقاء بنا عبر مشاركة رأيك في الفيس بوك

[فاتحة خيريارب]

[صدى الأحزان]

الله الله صراحة موضوعك مررررررة حلو
تسلم الايادي يارب
ودمتي للي يحبونك
تحياتي
صدى

[رهينة خيال]

عــــــادي طـــــاح الحـــطـــب وحـــلـــوة الــحــيـــاة

بصراااحه تشكرين على هيك موضوووع بجد حلو

[جمالي باخلاقي]

تسلم الايادي موضوع مميز

[ساروونه]

اشكر تواجدكم الذي اناااار متصفحي

جميعكم رائعوووون