فوزية مبارك
05-10-2007, 12:04 PM
الكل منا يحن للقديم وزمان أول ففيه بداياته وله ذكريات جميله فيه وفي ذلك يقول الشاعر:
نقّل فؤادك حيث شئت من الهوى
مالحب الا للحبيب الأول
كم منزل في الأرض يسكنه الفتى
وحنينه أبدا لأول منزل
ويقول الشاعر علي القحطاني :
صحيح ان دنيانا لها كل يومٍ حال
وكلٍ يقول احلى زماني هو الماضي
وفي هذا الموضوع أحببت أن أشارككم بقصيدة بعنون ( زمان اول )
زمان اول جميل بكل معنى
لذيذ الطعم والنكهة عجيبة
صحيح انه بدون ايّة تطور
ولكنه حوى دنيا رهيبه
بيوت الطين فيه احلى وأغلى
وسيعه لو غدت كبر الحقيبه
تضم الأب والأبناء فيها
مع الأحفاد في دور رحيبه
يحب الوالد اولاده ويعطف
على احفاده ويسأل عن قريبه
تشوف الجار ينشد عن قصيره
يراعي خاطره يرسل نصيبه
سكيكه عامره بالناس تمشي
تحيي كل منهو تلتقي به
به الأطفال مالين الحواري
وناسه ولعب كلٍ مهتني به
ولايمكن تشوف الناس تطلع
بعد وقت العشا هذي مصيبه
ولامن طر نور الفجر ناظر
ترى الباني بصخينه وهيبه
وهذاك المزارع شق دربه
يروح بشوق للأرض الخصيبه
يجيب اللوز والرمان منها
وتوت ولومي وأحلى رطيبه
ومشموم وعنب وترنج أصفر
وبوبي ياهني اللي حظي به
وتين وبمبر وكنار حالي
وبطيخ مع ذيك الجذيبه
ورجال بذا الدكان جالس
جميع اللي تبي الحاره يجيبه
وذا رجال يحمل مابغيته
على القاري يوصلها بطيبه
وكم رجال في رجال طالع
يدور الرزق في الأرض الحبيبه
ولامن غادر الرجال بيته
يحفظ الكل للرجال غيبه
ولامنه دخل بيته لقى اهله
فالاستقبال بشواقٍ وهيبه
تسره حرمته لامن نظرها
وتشفي جروح في قلبه عطيبه
سلام الله على الأول ووقته
ومن عاشه بلا شكٍ وريبه
وصلى الله على الهادي محمد
ومن سار بطريقه يقتدي به
والسلام عليكم ورحمة الله وبركاته
منقوووووووووووووووول
نقّل فؤادك حيث شئت من الهوى
مالحب الا للحبيب الأول
كم منزل في الأرض يسكنه الفتى
وحنينه أبدا لأول منزل
ويقول الشاعر علي القحطاني :
صحيح ان دنيانا لها كل يومٍ حال
وكلٍ يقول احلى زماني هو الماضي
وفي هذا الموضوع أحببت أن أشارككم بقصيدة بعنون ( زمان اول )
زمان اول جميل بكل معنى
لذيذ الطعم والنكهة عجيبة
صحيح انه بدون ايّة تطور
ولكنه حوى دنيا رهيبه
بيوت الطين فيه احلى وأغلى
وسيعه لو غدت كبر الحقيبه
تضم الأب والأبناء فيها
مع الأحفاد في دور رحيبه
يحب الوالد اولاده ويعطف
على احفاده ويسأل عن قريبه
تشوف الجار ينشد عن قصيره
يراعي خاطره يرسل نصيبه
سكيكه عامره بالناس تمشي
تحيي كل منهو تلتقي به
به الأطفال مالين الحواري
وناسه ولعب كلٍ مهتني به
ولايمكن تشوف الناس تطلع
بعد وقت العشا هذي مصيبه
ولامن طر نور الفجر ناظر
ترى الباني بصخينه وهيبه
وهذاك المزارع شق دربه
يروح بشوق للأرض الخصيبه
يجيب اللوز والرمان منها
وتوت ولومي وأحلى رطيبه
ومشموم وعنب وترنج أصفر
وبوبي ياهني اللي حظي به
وتين وبمبر وكنار حالي
وبطيخ مع ذيك الجذيبه
ورجال بذا الدكان جالس
جميع اللي تبي الحاره يجيبه
وذا رجال يحمل مابغيته
على القاري يوصلها بطيبه
وكم رجال في رجال طالع
يدور الرزق في الأرض الحبيبه
ولامن غادر الرجال بيته
يحفظ الكل للرجال غيبه
ولامنه دخل بيته لقى اهله
فالاستقبال بشواقٍ وهيبه
تسره حرمته لامن نظرها
وتشفي جروح في قلبه عطيبه
سلام الله على الأول ووقته
ومن عاشه بلا شكٍ وريبه
وصلى الله على الهادي محمد
ومن سار بطريقه يقتدي به
والسلام عليكم ورحمة الله وبركاته
منقوووووووووووووووول