مجلس الثانويه الثانيه [الأرشيف] - #منتدى_الأحساء

طيف الإيمان

12-10-2007, 11:08 PM

بسم الله الرحمن الرحيم
السلام عليكم ورحمة الله وبركاته

حياكم الله يامن شرفتم موضوعي
ونورتوا صفحتي بزيارتكم

عندي فكره أتمنى أنها تعجبكم
وهي فكرة مجلس الثانويه الثانيه

وهي تكون مكان يسولف فيه الداخلين
أو المتواجدون حاليا بدال الرسائل الخاصه

لاني الصراحه عانيب منها واجد
صندوق رسايلي امتلاء حده 3 مرات

خخخخخخخخخخخخخخخخ >>>>>> أنا نيه أفكر في نفسي

وأنا حبيت أسميه مجلس أحسن من دردشه
وشرااااااااااااااااااااااااااااااااااااااااااااااا اااااايكم

أتمنى أن الفكره أعجبتكم مثل ماعجبتكم

تحياتي لكم وللجميع وكل يوم وأنتوا بخير
أختكم :"طيف الإيمان":

منـــsmileـــور

13-10-2007, 12:10 AM

هلا طيف الإيمان أنا معك بس عندي اقتراح صغييييييير

ياليت تكون السواااااالف نقاااااش في موضوع يهمنا مانبغى سوالف خربطة

وكل مرة على وحدة تحدد الموضوع اللي راح نتكلم فيه

ونرفع شعار الإختلااااااف في الاراء لايفسد للود قضية

دمت بخييييييييييييييييييير

العنــsmileــود

13-10-2007, 01:18 AM

فكــــــــــــرتك حلووووووة يا طيــــــــــــــف ... وانـــــــــــــا مع منــــــــــــــوري ان يكــــــــــــــون النقــــــــــــاش في موضـــــــــــــوع جــــــــــــــاد ومهــــــــــــــــم .. حتـــــــــــى لو كـــــــــان اســـــــــاس الموضــــــــوع مسلـــــــــي ولكــــــــن الهـــــــــــدف منــــــــــه ان نخــــــــــــرج بفائــــــــــــدة ...
وانـــــــــــــــا وحــــــــــــــــدة احـــــــــــب المناقشــــــــــــــات ...
اختـــــــــــــــــلاف الــــــــــــــرأي لا يفســـــــــــــد للـــــــــــود قضيــــــــــــة
ودمتــــــــــــوا بحـــــــــــــب الرحمــــــــــــــن وطاعتـــــــــــــــــه ....

احساس طفلة

13-10-2007, 01:19 AM

وانا اضم صوتي لصوتكم وراح اتابع مواضيعكم وسواليفكم اول باول

الملكه دلع

13-10-2007, 02:33 AM

اممممم فكرة مرة حلوة
بس الصراحه ماودى نتكلم عن مواضيع ونقشات
ودى كل وحدة تكتب شى عن حياتها ويعنى نسولف سوالف بنات
هذا من وجهت نظرى
وش رايك ياطيف الإيمان ؟؟؟

طيف الإيمان

13-10-2007, 12:10 PM

الصرحه أنا كنت حاطته مثل ماقلت أختي الملكه دلع للسوالف
بس إذا كنتوا تبون موضوع للنقاش ماعندي مانع
وهي فكره أكيد سديده الله يوفقنا فيها
يلا حطوا موضوع نتناقش فيه لان عقلي الصراحه
مقفل بمفتاح والمفتاح ضيعته يعني بالمختصر مخي مسكر
ماعندي فكره ولا موضوع
يلا أتحفونا يامبدعات بالمواضيع والنقاشات

miss math

13-10-2007, 12:31 PM

بسم الله الرحمن الرحيم
السلام عليكم ورحمة الله وبركاته

أفكاركم ....حركاااات ....
الله يعطيتش العافيه طيف و اللله فكره حركات و عسل و
اسمحي لي أطرح أول سالفه ..

في سؤال محيرني و أمنيتي أن كل مشاهديه يردون عليه ..
و هو س1| هل انتِ راضيه عن نفسك فيما قدمتيه في شهر رمضان ؟؟

و هذه إجابتي و راح انتظر إجابتكم ..

في بعض الأشياء نعم و لكن في بعضها الآخر لا .. لا .. لا
يعني أحس أن نهار رمضان بالنسبه لي ما استغليته حق استغلاله
إلا من قرآءة قرآن( أجزاء بسيطه ) أو نوم ..

يمكن موضوعي الجدي في فترة أعياد و فرحه ... لكن إذا ما حاسبنا أنفسنا الآن متى نحاسبها **

:8::8::8::8::8:

طيف الإيمان

13-10-2007, 12:52 PM

أأأأأأأأأأأأأأأأأأأه منك ياmiss math
أول شي وينك من زمان ماشفتك عساك بخير
ثاني شي مشكوره على المرور وجزاكي الله كل خير عليه
ثالث شي لا والله ماني راضيه والله أني أحس قصرة حيل حيل فيه والله العظيم
ياليت رمضان يرجع علشان أقوم بواجبه على أكمل وجه
والله أحس أني مقصره فيه كثر كثير كثير كثير
والله يقدرني إن شاء الله وأعوظه في الإيام الجايه
حتي إذا ماكان في رمضان
فالله موجود في كل مكان وزمان
مشكوره ياmiss math على الموضوع ألي فتحتيه لنقاش وكل يوم وأنتي بخير وصحه وسلامه

cherries

13-10-2007, 04:12 PM

اللأسف لالالالالالالالالالا
كنت مقصره كثيييييييييييييير راح رمضان كله فى النوم والأكل والتلفزيون
الله يااااااااارب أهدينى يااااااارب سااامحنى (( ادعولى يابنات ))

نبراس المعرفه

13-10-2007, 08:06 PM

السلام عليكم ورحمة الله وبركاته
كيف حالكم بنات
وكل عام وانتوا بالف خير
اما بالنسبه لسؤالك يالغلا
وانا بعد هالسنه احسه راح رمضان بس ماكنت راضيه عن اللي قدمته
ويااااااااارب اكون من الحييين واعطي رمضان الجاي حقه ان شاءالله
وربي يعطيك الف عافيه ياطيوفه
على هالافكار الحلوه
تسلمي حبيبتي

العنــsmileــود

14-10-2007, 07:54 AM

السلام عليكم ورحمة الله وبركاته ....
بالنسبة لاقتراحك ياطيف انو الموضوع يكون سوااالف وتسلية .. انا عن نفسي ماعندي مانع وسوالف البنات اكيد راح تجر نقاشات جادة ومهمة للبنات .. وما يمنع نطرح الفكرتين هنا .. او نضع صفحة خاصة للمناقشات .. وفي الأول والأخير ياطيف القرار يرجع لك لأنه موضوعك وفكرتك ..
وبالنسبة لسؤالك يا miss math ... الإنسان مهما يعمل يحس انه مقصر .. خاصة لما تكون هذه الأعمال محبوبة عنده .. فما بالك بالأعمال في رمضان .. اللي اجرها راح يكون عظييييييييييم عند الله سبحانه بإذنه ..
الأنسان داااائما لديه طموحات كبيييرة .. ودائما يطمح الى الإرتقاء والعلو .. ونحن نطمح بأن نقدم الأعمال العظيييمة في رمضان بما ترضي الله سبحانه .. فنشعر اننا مقصرين .. وانا بصراااااحة احس اني مقصرة خااااصة رمضان هذه السنة والسنة اللي مضت .. اتوقع لسبب افضل ان احفظه في داخلي .. ولكن ادعوا الله سبحانه وتعالى ان يبلغنا رمضان القادم واللي بعده لنقدم افضل الأعمال والطاعات ياااااااااااااارب .. اجمعين ..

مشكووووووووووورة يا طيف ويا miss math ويعطيكم العافية ..
أختكـــــــــــــم ... العنــsmileـــود

الملكه دلع

14-10-2007, 11:32 PM

ذهب شهر الرحمه ذهب شهر العتق من النار ذهب شهر الكرم ذهب ذهـــــــــــــــــــــــــــــــــــــــب
رجـــــــــــــــــــع الشيــــــــــــــــطان إلى الإنسان
ام السوال فسمحيلى لا تعليق
ثانكس طيوووف
ويلا نبى سوال ثانى فى إنتظارك أكييد

منـــsmileـــور

14-10-2007, 11:57 PM

هلا تيووووووفي

أنا تعليقي رمضااااااان انتهى وماقصرنا فيه فيمكننا ان نتداركه لأن من كنا نعبده في رمضان موجووووووود الى الان

«®°·.¸.•°°·.¸¸.•°°·.¸.•°®»يقبل التوبة فشمروا واقبلوا «®°·.¸.•°°·.¸¸.•°°·.¸.•°®»

ويلااااااااااااااااا على قولة الملكة دلع جيبوا لنا سؤال ثاني ( لو سمحتم )000

احساس طفلة

15-10-2007, 02:32 AM

للاسف لااااااااااااااا
لان وقت الدوام يضيع وحنا مانقراء الا جزء قليل من القران ومانقدر ناخذ راحتنا بالسنن بس الحمدالله وربي يقدرنا نعوض ذا التقصير ...
واعتبروني وحدة منكم وفيكم لان مجلس الثانوية الثانوية وانا متطفلة عندكم؟؟؟؟؟؟؟؟؟؟

cherries

17-10-2007, 01:30 AM

هههههه تصدقين أحساس طفله تونى ادرى انك مو من الثنويه الثاني حياك الله
انا راح أكتب سوال ونبى نتناقش فيه

س: ماعلاقتك بأمك
وليه أغلبيه البنات علاقتهم بأمهم سطحيه جدااااا
ويفضلون التكلم والشكوى مع صديقاتهم عن أمهاتهم
عشان يمكن أمهاتهم كبيرا ت فى سن ؟ او عشان امهاتهم مايفهمونهم ؟ او عشان أمهاتهم زى مايقلون من الطراز القديم
يلا نبى تفاعل اوكى
صديقتكم ::cherries

احساس طفلة

17-10-2007, 02:35 AM

الله يحييك انا علاقتي بامي ولله الحمد رووووعة بس في اشياء مااقدر اتكلم فيها ولو لفترة بسيطة لامي لانهم مايتفهمون على طووووووووووول تفكر في جانب ثاني بس ارجع لها في النهاية شورها وهداية الله ربي يخليييييييييييها لي

بس ياقلبي انا اقول اللي امها مو موجودة فحياتها قولي لنا من اللي هي بمثابة امك وش علاقتك معهااا؟؟؟

منـــsmileـــور

17-10-2007, 02:41 AM

^&)§¤°^°§°^°¤§(&^مشكووووووووووووووووووووورة cherriesطررررررررررح راااااااائع جدا ^&)§¤°^°§°^°¤§(&^

أنا عن نفسي علااااااااااااااااقتي بأمي مررررة حلووووووووووووووووة
كل سوالفي وحركاتي وبلاهتي عندها لأنها بصرررررراحة عندها نظرة في الأمور تعجبني كثيييييير

تخيلي أن البنات إذا كانوا بيقلون لي سالفة مايقلون لاتعلمين أحد لا يقولون لاتعلمين أمك 00لأني بنت أمي كل شي لازم يوصل لها 000

بس الله يهداها هاليومين ماأدري وش فيها صايرة عصبية 000بس لما تروووق ترجع تتناقش و تتقبل وجهة نظري

المهم أن بهاالمناسبة راح أهديها أنشودة بصوتي الجميييييييل

أمي ربت بيت أمي ماأحلاها كيف البيت يكون لا أعرف لولاها

أنسى حتى نفسي لكن لااااأنساها وكما هي ترعاني الله سيرعاها

وش رايكم صوتي حلوووووووو صح ؟؟؟؟؟
:30::30::30::30::30::30::30::30::30::30::30::30:
ا

miss math

17-10-2007, 02:33 PM

السلام عليكم ورحمة الله وبركاته

أحب أمي موووووووووت
و احب اسولف وياها
و أشكي لها و اصيح عندها
و سمعوا ساالفتي :
مره ابوي سافر فتره طويييله و كانت هي أمنا و ابونا
انا و الثلاثي المرح اللي وراي حبينا نسوي لها شي تحبه و اتمنى تجربونه
رحنا و تدربنا على انشودة أمي لأسامه الصافي (تدريب سرري )
و استنيناها تروق بعدين لبسنا قديم (الأولاد ثوب و دقله و البنات ثياب نشل و شعر مفتل )
و رحنا صفينا في وجهه و نشدنا الأنشوده .. ونااسه و انبسطت كثير كثير ***

و هذ ه هي الأنشودة..
http://epda3.net/iv/clip-1434.html

:8::8::8::8::8:

طيف الإيمان

18-10-2007, 03:03 AM

أول شي أبي أقول حقcherries
مشكوره على السؤال بس ماأتوقع أن كل الناس يردون على هذا السؤال
بصراحه خصوصا إذا كانت علاقتهم سيئه بأمهم
ويمكن يكون ردي أجرء رد
ممكن أحد يرده على هذا السؤال .............................((حيل وااااااااثقه))
أنا الصراحه علاقتي مع أمي عاديه
يعني ماأقول لها كل شي ولاأخش عنها كل شي
بس الصراحه في شي مضايقني منها
ماهي راضيه أقص شعري ولاهي راضيه تقنع أبوي
ياجمااااااااااعة الخير أبي أقص شعري بس أهلي موراضين
وش أسوي في حالي

منـــsmileـــور

18-10-2007, 03:54 AM

هلا طيف أمك تبي مصلحتك تدرين ليييييييييييييييييه؟؟؟

عشان إذا جا يوم زواجك تقدر الكوافيرة تسوي لك تسريحة لأن شعرك طويل بس لو كان قصير ماراح تقدر000

شفتي كيف أمك تفكر بمستقبلك وأنت ولا هامك0000

وألحييييييين روحي حبي راس أمك وقولي لها لن أقص شعري إلا بعد زواجي يا ماما سامحيني فأنا لم أعرف مصلحتي00

:14::14::14::15::15::15::14::14::14::15::15::15::1 4::14::14::15::15::15:

العنــsmileــود

18-10-2007, 07:53 AM

أمـــــــــــــــــــــي بالنسبــــــــــــة لي هي الشي الوحيــــــــــــد الحلـــــــــــو اللي بقالــــــــــــي في هالكــــــون .. هي أمــــي وأبـــــــوي وكل حاااااااجة .. وبالنسبــــــــــة لعلاقتـــــــــــي بأمــــي عاديـــــــــة .. ومشكلتـــــــــــي إنـــــي مو من النـــوع اللـــــــي ( يفضفــــــــض ) أنــــــــا كتوووووووووومة وأستحـــــــــي وأتمنـــــــــى إنـــــــي أقول لهـــا اللي بخاطـــــــري بس ماقــــــــدر ...وهذا ســـــــر بينــــــــي وبينكـــــــم لا يطلـــــــع بره المنتــــــــدى :7:

مشكوووووووووورة cherries فكـــرتك وسؤالك الرااائع ..
أقوول طيــــف موتــــــــي قهـــررررر ترانــــــي قصيـــــــت شعــــــــــري :15: :14:
أمـــا تحليلـــــــــــــك للموضــــــوع يامنووووور خياااااااااااااااال :4:

طيف الإيمان

18-10-2007, 02:28 PM

ههههههههههههههههههههههههههههههههههههههههه
طيب وإذا ماتزوجت إلا بعد عشرين سنه
يعني أجلس بحسرتي كل هذه السنوات
بس الصرااحه موتيني ضحك
موقادره أسكت
ههههههههههههههههههههههه
حراااااااام عليك
العنود
شكرا على مواساتك لي ماتقصرين

Life trip

18-10-2007, 03:04 PM

علاقتي بأمي قوية هي الوحيدة اللي تفهمني من تصرفاتي و أفعالي
و تعرف وش الشيء اللي أبغاه من دون أتكلم "" أحياناً ""
نسولف مع بعض و نتناقش في مواضيع كثيرة
و أحياناً "" نطيح الميانه ""
لكن نادر ما أفضفض لها عن همومي و أسراري
لأني ما أفضل أن أي شخص حتى لو كان أمي أغلى الناس عندي
انه يطلع على أسراري >>> سر بيني و بين نفسي <<<
تحــــــــــــــياتي

الملكه دلع

18-10-2007, 07:15 PM

الله يهديك ياطيف الإيمان
عندك أخت مثل **الملكه دلع **
وتقعدين بحسرتك لا والله
ولا يهمك اليوم أجهز المقص
وأدخل معك الغرفه وأرتب شعرك وأصبقا بعد إذا تبين
بس مالى دخل إذا خرب خخخخ
بسوى عملتى وأنحاش
الشعر الطويل سر جمال المراء
يـــــــــــــــاليت والله شعرى طويل
لاحقا ياماما على القص والأستشوار
إذا تخرجتى من ثالث وانتى سالمه أحلقيه
النصيحه بجمل

طيف الإيمان

19-10-2007, 02:05 PM

شكرا ياأختي الكوفيره على هذه النصيحه القيمه
بعدين شلون تنصحيني بشعر الطويل وشكرك قصيرأبي أفهم شلوووووووون
بعدين كأنكم تركتوا المحور الرئيسي والسؤال الأساسي
وصرت أنا وشعري بدالهم

cherries

19-10-2007, 06:13 PM

الله يهديك ياطيوفه
خليتى البنات ينسون السوال
ويفكرون فى شعرك
احسن لكم جاوبو مفهوم ولا ترى كف
جاوبو ولا السوال مو حلو ولا كلام طيف صحيح أغلبيه البنات
مراح يجاوبون
صديقتكم ^^ cherries ^^

miss math

19-10-2007, 06:16 PM

ايه يا طيف انت شخصيه مهمه
بالمنتدى و شعرك يهمنا
اذا قعدتي بحسرتك على قولتك
احنا شنو نسوي بلاياتش:21:
:8:

cherries

20-10-2007, 02:09 PM

بمأنا الكل يدخل ويعلق على شعرطيف الإيمان
وش رايكم نغير السوال من ماعلقتك بأمك ؟؟
إلى
مرايك فى تدخل الأهل بشعر البنت فى قصه وصبقه ^^والحركات هذى ^^
؟؟؟؟؟؟ ؟؟؟؟؟؟؟؟؟؟ ؟؟؟؟؟؟؟؟ ؟؟؟
نبى تفاعل مو نوم كالعادة طيب ولا ترى كف

منـــsmileـــور

20-10-2007, 10:44 PM

اهلين كروزة الحلوة اللي راح تعطيني كف (على فكرة أحترميني أنا أكبرمنك)

هههههههههههههههههه

أنا ولله الحمد ما أعاني من هالمشكلة عااااااااااادي ممكن أختي بالموت قصت شعرها وإلا أنا أروح المشغل عشان استشور وأرجع وأنا قاصته 0000

حرررررررررررررررره ياتيوفة 000

العنــsmileــود

21-10-2007, 03:08 AM

ههههههههههههههههه حلووووووووة يامنوووووووور
وانا مثلك لما قصيت شعري بصراحة ماستشرت احد .. ولما قلت لهم مو عشان استشيرهم لا .. بس اعطيهم خبر اني بقص .. ولله الحمد ما واجهت اي رفض ولا اعاني من هالمشكلة عانو منها خواتي اللي قبلي بس .. اقصد اللي اكبر مني .
سلااااموووووووو

طيف الإيمان

21-10-2007, 02:00 PM

منير وعنيد((عذار فأنتم بمثابة خواتي )) وش قصدكم تقهروني يعني
برجع بعدين أرد على سؤال كروزه
لاني تعبانه وأبي أنام
يلا مع السلامه
هههههههههههههههههههههه

نبراس المعرفه

21-10-2007, 03:08 PM

ههههههههههههههههه <<<جايه متاخره ههههههههه
السلام عليكم كيف حالكم بنات
انا بس حابه اقول لطيوف
لاتقصينه نصيحه في الله اذا بتقصينه انا اقصه لك <,,ناويه عليها

اما سؤالكم عن العلاقه بين الام والبنت
انا علاقتي بامي حلوه وربي احسه مثل اختي نسولف مع بعض ونمزح مع بعض
بس يمكن ابوي يفهمني ويعرف طريقة تفكيري اكثر من امي ...ويمكن اغلب البنات يستغربون من علاقة اب ببنته
بجد وربي علاقت الاب وبنته مرررره حلوه :4:
لدرجه انه يمزح معي ونسولف وبعض الاوقات نلعب مع بعض هههههه
قولوا ماشاءالله لايقلب علي :19:

ومن ناحية القص انا ماعمري شفت شكل المشغل من داخل هههههههه:6:

بس الحمدلله بعد مشقه طويله وجهدا" جهيد رضوا اهلي اني اقصه بس مو بالمشغل بلبيت ومن ناحية الصبغ انا مااحب الصبغات لانها تخرب الشعر واغلب اللي يصبغون احسه بس بالبدايه حلو اما لما تبتدي تروح الصبغه الشعر يصير ملاهي
انا استعمل خلطات طبيعيه ولااحلى من هيك:18::1:

والف شكر لكل اللي سالونا
وطيوفه مثل ماقالت منور موتي حره :15::14:<<<بتتسطر هع :6:

طيف الإيمان

22-10-2007, 03:02 PM

مشكوره يانبراس واسمحي لي أقولك كم شغله
1(شكرا على هذه النصيحه وماقصرتي)
2(بايعه عمري أنا أحط شعري تحت يدك)
3(أنا أشهد أن علاقة نبراس بأبوها قويه ودليل دايم تسولف لنا عنه )
4(ياحظك أن كنت ماشفتي شكل المشغل من داخل)
5(أنتضريني بكره في الفسحه عند المقصف) .......................ناويتلك على نيه بس أنت أصبري على أشويه
6(مع السلامه تعبت وأنا أكتب)
7(تحياتي للجميع)
8(طيف الإيمان)

احساس طفلة

23-10-2007, 02:22 AM

وش ذااااااااا التطورات

اول شي اخباركم <<مشتاقة لسواليفكم <<مبدعين هنا وين دراستكم مااعلمتك انا من اوصل البيت الى اليوم الثاني نوووووووووووووووم
>>ههههههههههههه

انا بالنسبة لي اول مرة قصيته ابوي بس اللي رافض وذاك اليوم كنت زعلانة ونسيت اني جاااالسة يم ابوي وانا حااااشة الشعر وامي معصبة وتقوولي رفعيه لالاتتسببين فييينا

المهم والنكتة ان ابوي عشان يراضني قال ياحلااااااااة القص على وجهك والله وطلع وجهك انا من الفرحة ان ابوي سكت نسييييييت اني زعلانة

ومن بعدهاا كل مااطفشت من الشعر حشيته من غير مااشااور احدددددددددددددد

ياطيف ترى جد الشعر الطويل حلوووووووو

انا اول مرة شفت شعر منوووور مفتوح بعد العيد والا طوول العام تخيلوااااا مرفوووع<<هههههههههههه

عيدت فيييييييييه وبقصتها الجديدة

نبراس المعرفه

24-10-2007, 05:15 PM

مشكوره يانبراس واسمحي لي أقولك كم شغله
1(شكرا على هذه النصيحه وماقصرتي)
2(بايعه عمري أنا أحط شعري تحت يدك)
هههههههههههههههه هو حاصل لك اصلا" هههههههههههه امزح معك لاتتوعدين فيني بالمدرسه :3:
3(أنا أشهد أن علاقة نبراس بأبوها قويه ودليل دايم تسولف لنا عنه )
مشكوره على الشهاده هههههههههه وعارفه نيتك هههههه:6:
4(ياحظك أن كنت ماشفتي شكل المشغل من داخل)
5(أنتضريني بكره في الفسحه عند المقصف) .......................ناويتلك على نيه بس أنت أصبري على أشويه
هههههههههههههههههه اوك بس احمد ربي اني ماشفت رد الا يوم الاربعاء وبكره مافيه مدرسه:15:
6(مع السلامه تعبت وأنا أكتب)
7(تحياتي للجميع)
8(طيف الإيمان)

مهما سويتي بتضلين غاليه
ربي يوفقك وافتك منك السنه الجايه ههههههههههههههه

miss math

25-10-2007, 02:41 PM

السلام عليكم ورحمة الله وبركاته

بصراحه مزعج شوي تدخل الأهل في قص الشعر
و صبغه (أنا زي نبراس ما احب الصبغه)..
و بالدليل الحاله اللي قدامنا طيوفه أم شعر طويل
(شرايكم نصكها بعين علشان تقصه) ههههههههه
_هذا املك الوحيد يا طيف نصكك بعين_ و امي الله يهداها تقول ما تقصينه إلا بعد 6 شهور
الله يعيني على الخمسه الباقين

الملكه دلع

25-10-2007, 03:39 PM

لا بالنسه لى عادى لو أحلقا والد
بس أحس انه الشعر الطويل أحلى بكثير
والصراحه المفرض الأهل مايتدخلون فى الشعر البنت شى خاصه فيها

شكرا كــــــــــــــــــــرزة

الملكه دلع

25-10-2007, 03:47 PM

عندى فكرة وأتمنا تعجبكم
المطلوب كل وحدة تدخل تكتب لما تخرجت من المتوسط
وين كانت تبى تروح ولماجات الثنويه الثانيه كيف كان شعورها
وهل هى كانت مقصوبه إنها تسجل فى الثانويه الثانيه
ولالا وهل أنبسطت فى المدرسه ولا إى الأن مقصوبه وتبى تنقل (( مثل حالتى ))
** الملكه دلع **

احساس طفلة

25-10-2007, 04:48 PM

هههههههههههه حسافة انا ماكنت اعرف المدرسة خير شر ابد بس اتمنى اعرف ردودكم.......

miss math

25-10-2007, 08:05 PM

السلام عليكم ورحمة الله وبركاته

الله يهداك ياربي يا ملكه دلع فعلا دلع
و اقولك انا من اول ما دخلت المتوسطه الثانيه
و سمعت عن الثانويه الثانيه و انا ابغى ادخلها
و حبيتها من اول يوم و من اول اجتماع مع امي بثينه
و كل يوم قاعده احبها اكثر من قبل بس انا ما ادري
ليش انت مقصوبه شنو تنتظرون من مدرستنا تسوي
لكم علشان تحبونها .. آآآآآآآآآآخ من سنه أولى صج بزران

شفتي يا احساس شيسون فينا هذا و الاداره موسعه عليهم
و مضيقه على ثوالث و كل يوم ناقله وحده و مخربطه شغل
أ.ج .م و سجلات متابعة المعلمات ..
يلا قولوا شنوا مو عاجبكم في المدرسه
:20::20::20::20::20:

mashael

25-10-2007, 08:55 PM

هدي اعصابك يا تغريد

cherries

25-10-2007, 10:55 PM

شكرا الملكه دلع على طرح الفكرة
وانا بعد والله كنت مقصوبه أهلى يقلون كل أهلك هناك وانت رافعاخشمك
والله أنا ماعندى أى أعتراض على المعلمات يهبلون يكفى انهم صابرين علينا الله يأجرهم
بس الصراحه المشكله العضمى هى الــــــــــــمــــــــــــــــبـــــــــــــ ــناء
وخاصه بعد ماسكرو الساحه صارت نتفه مافى مكان نستنشق هواء وعداد البنيات كبير الله يحفظهم
والكل يعرف إنى المبناء له تأثير كبير على نفسيه الطالبات(( هذا مو كلامى هذا نتيجه الأبحاث ))
أدرى مبناء المدرسه أحس من غير بس انامأدرى ليه مو قادرة أتأقلم معا
اتمنا لو يقدرون ينقلون مبناء ثانى مو لزم أرامكو بس يكون شوى ها شوىأحسن
أدرى الأمر هذا موفى يدى الإيدارة الله يحفظها من كل سوء
فقط للمعلوميه ترانى بديت أقتنع شوى
تغريد تغريد
لا تزعلين من بنات أو ل ثانوى والله متغير علينا الجو
وأحنا ماضيقتا على بنات ثوالث بالعكس انا ودى يوزعون البنات ويفضون لهم فصل ثانى اسفه على

الإطاله

احساس طفلة

26-10-2007, 06:13 AM

هدي اعصابك سنة اولى لازم يتدلعون يامس ماث<<تغريد والا انا غلطاااااااااانة
اكيد حبوها انا من غير اي شيء حبيتها وهؤلاء البنات ...........

لالالالالالالا انا متاكدة انهم حبوهاااااا الا عشقوها ومو متخيلين يودعونها بعد.........
وهدي وروقي ياقلبي

طيف الإيمان

26-10-2007, 01:02 PM

الصراحه وبدون زعل حتى انا كنت ماأبي أروح الثانيه و حيل مصره
على قراري وأبي أروح الثالثه خصوصا أن أغلب بنات العيله هناك
وكلمة أمي وبالموت وافقة وراحة كلمت مديره الثالثه وهي قالت لها خليها تداوم كم يوم تاخذ الكتب وتجينا
أنا طبعا سمعة الكلام ورحة داومت وألي خلاني شبه مقتنعه فيها كلام المدير معانا
خلاني أقتنع بالمدرسه رجعة البيت وسألوني كيف أول يوم
قلت لهم الصراحه المديره التجنن ورعه لكن المبنى لا ماعجبني ((خصوصا أني توني طالعه من مبنى أرمكو))
قالت لي أمي يعني أنقلك ولالا قلت لها خليني أفكر
((خصوصا أنهم كانوا معاملينا أحسن معامله وحاطينا في فصل مميزمراح أشوف مثله في الثالثه))
فكرت ثم فكرة ثم فكرة
وفي الأخير قررة
قلت لها لا بجلس في المدرسه أهي طبعا أعجبتها الفكره وقالت خلاص وإذا ماعجبتك نقلتك الترم الثاني
وهذا أنا جالسه فيها إلا ذلحين والله يعني كيف بفارقها
&*(وتوتا توتا فرقة الحتوتا حلوه يابنتوا)*&
ولاتعصبيت ياتغريد على البنات ((مع أنهم يستاهلون))لانهم مابعد يعرفون قيمة المدرسه
والله يهديه إن شاءالله ويشرح صدرهم لها لانهم مراح يشفون مثلها ولو دارو العالم كله

آآآآآآآآآآآآآآآآآآآآآآآآآآآه تعبة وأنا أكتب وأخيرا خلصت

منـــsmileـــور

26-10-2007, 08:05 PM

أهليييييييييييييين بنووووووووووتاااااااااات أنا مع miss math المدرسة روووووووووعة وعندي ولاء غييييييير طبيييييييييييعي لها 0000ويلا فضوها سيرة وجيبوا سؤال ثاني لو سمحتم 0000(اااسفة عصبت عليكم )000بس أحس ماله داعي نذكر اللي مو عاجبنا في البداية لأنه دليل على تسرعنا في الحكم 000

لا تزعلوووووووووووووووون مني لأني بكل بسااااااااااااااطة أحبكم

العنــsmileــود

27-10-2007, 04:10 AM

احم احم
كأنـــــــي سمعـت كـــــــلام عن الثانويـــــــــة الثانيــــــــــة :21:
الملكــة دلــع & كـــرزة .. باعتبـــر نفســـي ماقريـــت كلامكـــــــم ..
ولو سمحتــــــوا لا تحكمــــــــون وانتـــــــــو لســـــــه داخليــــــــن فيهــــــــــا ..
انـــــا دخلــــــت الثانويــــــة الثانيــــــــة عن قناعـــــــــة تاااااااااامة .. صحيـــح انــــي
في البدايـــــة ما تأقلمـــــــت فيهــــا .. لكـــن هـــذا مو لأنــــي مارتحـــت في المدرســـة ..
بل لأنـــي كنـــت مفارقــــة عزيـــزات على قلبــــي .. وكــــل حاجــــة لا بــــد لهــــا فتــــرة
عشـــان نرتــــاح ونتعــــرف عليهــــا اكثــــر ... وثانويتنـــــا مااااااااااااااافي ارررررررروع
منهــــــا ...
تستاهلـــــــون .. انتـــــوا تكلمتــــــوا بوســــط انصـــــــار الثانويــــــة الثانيــــــة وبشـــــدة
فتحملـــــــوا ما سيأتيكـــــــم .. و تأهبـــــــــــوا .. واستعـــــــــــدوا ..
>>>>>>
>>>>>>
>>>>>>
نحـــــــــن أعلنــــــــــا الحــــــــــــــــرب ...
>>>>>
>>>>>
>>>>>
>>>>>
>>>>
واطـــــــــلاق القذااائف
>>>>>>
>>>>>
والصواااريخ
>>>>>>
>>>>>>
>>>>>>
والمداااااااااااافع
>>>>>>>>
>>>>>>>>
>>>>>
استعـــــــــــــــــــــدووووووووووووووووووووا
>>>>>>>>>>>>>>>>>
>>>>>>>>>>>>>>>>
>>>>>>>>>>>>>>>
اطلااااااااااااااااااااااااااااااااااااااااااااااا اااااااااااااااااااااااق
>>>>>>>>>>>>>>>>>>>>>
>>>>>>>>>>>>>>>>>>>>>
دعوة من الله سبحانه بان يريح قلوبكم ويثبتها ويعلقها بالثانوية الثانية فقط لاااااااااااغير
وش راايكم بالصاروخ اللي جاكم ؟؟! :14: دعااء حلو صح ؟؟ :14:
:14::15: سلاااموووووووووو :15::14::15:

احساس طفلة

27-10-2007, 05:25 AM

ياحليلك ياعنــــــــــــــــــــــــــــــودة

صــــــــــــــــــــــــاروخ ولا اروع ....... حطم جدران مسامـــــــــــــــــــعي ............ ههههههههه كثري من هالدعــــــــــــوات والصواريــــــــــــخ

الملكه دلع

27-10-2007, 02:51 PM

ليه تنرفزتو ؟؟؟؟؟
انا ما قلت شى
وإذا على السوال ترى كان قصدى انه كل وحدة تكتب كيف دخلت المدرسه
وش شعورها لما دخلت
وانا كنت أبى أنقل مو عشان المدرسه شينه
كنت أبى أروح مع بنت عمى وأهلى طبعا مافقو قالوروحى مع أختك
وإلا المدرسه مايعيبها شى أبدااااا
تغريد أدرى أنك تحبين المدرسه وتعتبرينها جنتك فى الدنيا
وأنا بعد بديت أحس فى كذا
ولا تعصبون على كروزة مفهوم (( قدرو ظروفها))
الملكه المجروحــــــــــه منكم

cherries

27-10-2007, 03:19 PM

وش فيكم ماقلت شى
بسم الله على وصلت فيكم المواصيل تفجرونى
يمه يمه يمه
إى والله صدق ألى قال من الحب ماقتل
انتم جلستم فى الثانويه 3 سنوات
بس انا تونى ماكملت 3شهور
انامتأكدة إنه راح يجى يوم وأحبها
مأدرى متى يجى هذا اليوم
يلا كثرو من الدعاء للملكه المجروحه
والكرزة المنصدمه منكم
تغريد الله يوفقك لا تعصبين
راح أرجع واقوا فراق المتوسط صعب مرررة

رووح الغلا

27-10-2007, 07:02 PM

مرحبا........كيف الحال ياطيف الايمان ؟؟؟؟؟؟؟
بصراحة اعجبتني فكرة المجلس فكرةرررررررروعة ......
بس للاسف احس انك مومتقبلتني وخصوصا بعد الي صار اول مرة ...ادري اني غلطانة بس انااحب اتغشمر.......هه ههااااااااهاهااااااااااااهه
خلاص اتمنى تقبلين صلحي من خلال هذا المجلس....... والابعتبر نفسي مو مقبولة وبطلع ......
وانتي بكيفك....

منـــsmileـــور

28-10-2007, 04:30 PM

أهلين دلوعتي لا تزعلين ولا تتضايقين واعتبري السالفة انتهت بس أنا مثل ماقلت لك اللي مو عاجبنا دليل على تسرعنا 0000

ويا أحلى كرزة ياعمري إن شاء الله يجي اليوم اللي تقولين صرت أموووووت بالثانوية ماودي الصباح ينتهي وصرت ما أحب الخميس والجمعة (أدري إنها مبالغة بس يلا مشي السالفة)00

رووح الغلا وحتى أنا عصبت عليك عالسالفة !!!000الموضوع انتهى يالغالية ولا تاخذين بخاطرك ونيابة عن تيوفي حياااااك معنا لأن المجلس اليوم في بيتنا وإن شاء بكرة يكون في بيتكم (على فكرة أنا أحب حلاوة باتشي) !!فهمتي المغزى وإلا!![/
]

[COLOR="SeaGreen"]ويابناااااااااااااااات أنا اااااااااااااسفة 0000

رووح الغلا

28-10-2007, 04:56 PM

ياربي وش فيكم علي انا ماحب احد يعصب مني ويزعل
وااااااااااااااااااااااااكرر اسفي منك ومن تيوفي.......

واااااااااااااااااااااو حلوة هذي المجلس في بيتكم .....زين اني ادله .......بس انا احب ايسكريم كراميل من باسكن روبنز..........

وعلى العموم حياك الله في بيتي ,,,وابشري بالباتشي الي على كيف كيفك

وبصراحه اناودي بكرة يكون المجلس عندي عندي موضوع محيرني

بس اول حاجه ترضى عني تيوووووووووووووووووفي

احساس طفلة

29-10-2007, 04:31 PM

اقووول تعالوا تركوا الزعل عنكم وتعالوا ندخل بموضوع جديد يخص المدرسة

طييييييييييييييييب اول شي ابي كل وحدة تكتب وين كانت تحب تجلس بالمدرسة وراء والا باول صف وبعدين ليييييييييييييه تجلس بالمكان ذااااااااا؟؟؟؟؟؟؟

واللي قداام انتي دااااايم عليك مسح السبورة والا ؟؟؟ وتمسحينهااا عشان تطلعين تغسلييييين ايدك والا رافاة بحال المعلمة التعبانة ؟؟
اعترفوا خلوا استاذة بيادر الشرق واستاذة بثينة تعرف بلاويكم

ابي حماااااااااااااس

mashael

29-10-2007, 04:46 PM

ههههههههههههههههههههههههه

حلو موضوعك يااحساس طفله وسؤالك وجيه مسويه مثقفه خخ

انا جالسه ورى اخر شي

تدرون طولي زايد واخاف اللي قدامي ما يشوف مني كثري منها

احساس طفلة

29-10-2007, 05:58 PM

بس تعلييق عالحووووووار لكم هذي الصورة
http://up.qatarw.com/uploads/097a57fadb.jpg

طيف الإيمان

29-10-2007, 08:45 PM

روح الغلا
لاوالله ماني زعلانه منك ولابينا شي
بعدين سوري بس مو أستعباط بس من تاثير الأختبارات
وش السالفه ألي تقصدينها أنت ومنور
وحياك الله معانا في الموقع والمجلس والمدرسه بعد
أحساس طفله
سؤال يجنن ووصور تجنن اكثر من شخصيه تدخل مستشفى المجاني من كثر ماتجنن
بنسبه لي أنا دااااااااااااااايم في الفرقه الوسطيه وأول كرسي
إلا هذه السنه بالعناد صايره الرابعه في الفرقه الثانيه
والصراحه الكلام ألي في نهاية الصبوره تحت يلا أشوفه
والمشكله أن ألي جنبي نضرها يمشي حالها
وفكرة التوير حيل أنصفتنا
جزى الله كل خير من فكر فيها ونفذها

gorgeous

29-10-2007, 10:17 PM

أحب أجلس قدااااااااام أول شي أو ثاني شي لأني ماأطاع زين وماحب ألبس النظارة تألمني عيوني بس ألبسهم ومن ناحية اني اصير مركزة اكثر مع الاستاذة واصير انشط واشارك اكثر وحتى السمع مو لهناك عشان كذا احب قدام عشان اسمع بشكل اوضح" و لله الحمد على كل نعمه سبحانه " أحسن من ناس كثير...الحمدلله المهم وترى انا الي امسح السبورة في كل حصة ولامرة فكرت أقول للأستاذة ممكن اروح التويلت واغسل يديني ( لأني ماحب اضيع وقت الحصة)هههه حريصة.. وابي راحة الاستاذة....(شرايكم فيني.....""""

تفاحة

29-10-2007, 10:51 PM

السلام عليكم ورحمة الله وبركاته
أختي طيف الإيمان الفكرة مرة حلوة الله يعطيك العافية
اختك تفاحة...

cherries

30-10-2007, 04:37 PM

انا مش عارفه ليه الموضوع مخربط جايه الردود بعدين الموضوع والصفحات مدرى وش فيها
الردود الأخيرة صايرة أول وش السالفه ؟؟؟؟؟
ولا بس فى جهازى

العنــsmileــود

31-10-2007, 12:22 AM

انا ماعندي مكان محدد .. يعني مثلا في صف اول ثانوي وثاني كنت بالاول .. وفي ثالث كنت بالاخير .. على حسب المزاج ..
بس احس اني احب الاخير اكثر .. مادري ليه يمكن لاني طويلة هههههههههههه
وبالنسبة لمسح السبورة بصراحة ماااااااااحب بس على المزاج .. >>>>>> فضييييييييحة ههههههه
مشكووووووووورة احساس على موضوعك

طيف الإيمان

01-11-2007, 07:54 AM

طيب موضوع ثاني للنقاش
ماسبب دخولك للقسم علمي أوأدبي
وإن لم تدخلي ماذا ستدخلين ولماذا
وهل يحق للوالدين التحكم في هذا المواضوع
وهل يجب طاعتهم فيه
أنتضر ردودكم

منـــsmileـــور

01-11-2007, 11:52 AM

أنا دخلت علمي فرارا من التاريخ والخغرافيا (طالعة فيها أتكلم لغة عربية فصحى ) من يوم أنا في متوسط وأنا ما أبغى الأدبي عشان هالشي 000ولما رحنا للثانوية اجتمعت فينا أستاذة بثينة وقالت لازم تحددون أهدافكم والشي اللي تبونه لما تكبرون؟؟؟؟

طبعا أهلي ماكانوا معارضين أي شي أبغاه من حقي أدخله (طبيعي لأني أنا اللي بدرس مش هم )

وبعد تفكير عميق (رجعت للغة العربية )قررت أدخل طب أريد أن أغير وجهة نظر المجتمع عن الطبيبة وكنت أطمح لتكوين مستشفى نسائي **أعمل فيه بكل إخلاص وجد** (ههههههه مصدقة نفسي )ولكن للأسف طااااااارت أحلاااااااامي في أدراج الرياح 000
(ياشييييييييييين التفلسف والهذرة )

المهم مشكوووووووووووورة ياتيوفي خليتيني أفضفض باللغة العربية 000

mashael

01-11-2007, 04:09 PM

حلو الموضوع

انا دخلت علمي لاني مااحب الحفظ وانسى الذاكرة رايحه فيها

واكرة الجغرافيا والتاريخ

على شان كذا دخلت علمي

باتشينووو

01-11-2007, 06:05 PM

:14:
أنا ضيفه جديده.....وأيدالجميع في هذه الفكره الحلوه

باتشينووو

01-11-2007, 06:13 PM

أنادخلت علمي عشان أحقق طموحي وأصير دكتورة[/color[color=#3366FF]]....قولوآمين

mashael

01-11-2007, 06:30 PM

امين

بس لا تنسيني معك تكفين خخخ

cherries

03-11-2007, 04:23 PM

اةةةةة اةةةةةةةة
انا مأحب المواد العلميه
وأكرة المواد الأدبيه
وصديقاتى يستغربون لما يدرون أنى نجحت وجبت إمتياز
والصراحه بعد أبوى متدخل ويقول روحى علمى أحس لك قصب يعنى
بس انا متورطه مدرى أرضى بابا ولا لا
وانا أتوقع إنى مراح أفلح فى المواد العلميه
الله يستر لا أروح فيها وأجيب العيد
انتم وش رايكم شورو على

احساس طفلة

03-11-2007, 09:09 PM

انا حاالي حال منور فرااارا من التاريخ مو الجغرافيااااااااااا ههههههههههههههه ولاني احب الرياضيااااااااااااااااات بصراحة كان طموحي واتمنى مااخذل طموحي

miss math

06-11-2007, 07:34 PM

دايما تطيحين في يديني يا كرزة
بس هالمره ما راح أرد ( ما عندي شي أقوله )
انا دخلت علمي لأني احس اني منتميه إلى الرياضيات و الأحياء
و الكيمياء و الفيزياء (بعض الشيء)
خبركم انا miss math
و في كلمه مره قالتها لي life trip
المواد الأدبية ممكن أقرأها في اي وقت و استفيد منها
اما المواد العلمية احتاج إلى من يعلمني إياها
و لكن في طالبات حددوا مستقبلهم و كان الأدبي من نصيبهم

تقبلوا إطالتي

العنــsmileــود

07-11-2007, 08:12 PM

السلام عليكم ورحمة الله وبركاته
أنا دخلـــــــــت العلمـــــــــــــي لأن أحــــــــب المـــــــــواد العلميـــــــــــة وبالـــــــــذات الرياضيـــــــــات .. ولأن كـــــــــااااان لــــــــي طمــــــــوح وهـــــــــــدف بس للأســــــــــــف ما تحـــــــــــقق .. الحمـــــــداللـــه على كــــــــل حــــــــال ..
ولسبـــــــــب هامشــــــــــــي وهو هروبــــــــا من المـــــــواد الإجتماعيــــــــــــة ومن الجغرافيـــــــــــا خاااااااااااااااااصة ...
ثــــــــــــــــــاااااااااااااااااااااانكيوووووو ووووووووووو

mashael

12-11-2007, 03:13 PM

موضوعي هو سؤال

هل تعتبر الطالبه اللي تناقش باالحصه ونشيطه هذارة ومشاكسه !؟

العنــsmileــود

13-11-2007, 02:46 AM

لا طبعــــا ...
بما انهـــا تتناقــــش بأسلـــوب وبجــــد ... وبهـــدف الإستفـــادة .. فليـــه يطلـــق عليهـــا هـــذارة ؟؟
طبعـــا في بعضهـــم يتناقشـــون وهـــم مالهـــم في المناقشـــة ولا من جنبهــــا بعــــد ... يعنــــي اهـــم شي يتكلمـــون ويضيعـــون وقــت الحصــــة .. فيطـــلق عليهـــم هـــذارات ومشاكســــات ..
والبعــــض هـــــدفهم الإستــــفادة .. وعلـــى فكـــــرة , المناقشــــة الجـــــادة لهــــا دور في المعرفــــة وحفــــظ المعلومـــــات ...

mashael

15-11-2007, 02:02 PM

فعلا كلام رائع وفي محله

cherries

15-11-2007, 02:04 PM

أأيد كلام عنوووودة

رووح الغلا

16-11-2007, 09:07 PM

Hi.........................صبايابفتح لكم اليوم موضوع غير...
i hope ..... i hopeأقرأ آرائكم سواء كانت إيجابية أو سلبية
it is ok for meأتقبل أي شيء
عن حصة يوم الأربعاء 4/11
الحصة السابعة اللغة الإنجليزية..
عن ماقمت به نهلة وتغريد وزملائهم.
من تفعيل الحصة إلى حصة conversationأرجو من حضر ومن سمع..... إبداء آرائهم......

mashael

17-11-2007, 09:15 PM

انا سمعت انهم سوو شوبنق

كنت بتسوق فيه بس ما جبت فلوس كفايه

sokr banat

18-11-2007, 02:46 PM

فااااااااااااتك الشوبينق يامشاعل
كان مررررره كول شوبينق راااااقي يجننننننننن
اوكانت الاسعار مررررررره غاليه
وماشاءالله عليهم نهله وتغريد منطلقين في الانجليزي
حــــتـــى حنـــــــا
وكانت الحصه كلها ضحك في ضحك على تغريد عليها حركااااااااااااااات تجنننننننننننننننن هالبنت
فياليت كل اسبوع يخلون حصه كذا
انا شريت للعيد وخلصت من الشوبينق اللي بالفصل

بهمتي أرتقي بأمتي

18-11-2007, 02:59 PM

انا ماحضرت بس كل شيء من نهلة حلووو <<< طبعا لأني مجربتها

نبراس المعرفه

18-11-2007, 07:22 PM

الصراحه هالشي مو غريبه على البنات وخاصه نهله وتغريد
انا ماانسى الحصه اللي كانت العام ولما قلبنا الحصه لعب ووناسه وربي ماانساها
بجد كانت ايام ولااحلى ...وماشاءالله عليها ابدعت نهله بجد بشكل مره حلو
اتمنى من الله انا يوفقها وتعطي اكثر
ونفس الكلام لااختى تغريد
انا مامره درست معها بس ماشاءالله دايم اسمع عنها
اتمنى انكم تستمروا
وربي يوفقكم ان شاءالله
ونشوفكم مدرسات
ونقول لكم
استاذه تغريد
واستاذه نهله هههههه
الف شكر لك اختي روح الغلا

اخت اخوها

18-11-2007, 11:59 PM

انا راح اكلمكم عن الحصه للي ماحضروا
بصراحه كانت الحصه اكثر من رائعه
وبالفعل كانوا تغريد ونهله مبدعين
بالحصه والبنا بعد الي شاركوا معاهم
والمداخلات من البنات الي كانوا جالسين
كانت الحصه ممتعه وخوصا لما كانت لطيفه السعد
تحرض البنت الي كانت تبيع برفع السعر
تقولها وتوصيها خليهم ينصدمون
والشوبنق كان رائع من كل شي تبغين
تعالي اشتري
بجد الله يعطيهم العافيه ونسونا ومرة الحصه بسرعه
تحيااااااااااااتي

احساس طفلة

19-11-2007, 06:30 PM

بصراااااااااااااااااحة حركة جناااااااااااان انا شفتها بس خلف الكواليس ههههههههههههههه

ياحلو افكاركم المفروض كنتوا تصورونه وتنزلونه بالمنتدى

شعلة

21-11-2007, 12:02 AM

السلام عليكم ورحمة الله وبركاته
كيف الحال بنات أخباركم أيه؟؟
أنا جديدة عليكم وصحيح وأتمنى ترحيب من miss math
وأحب أشكر نهولة الحلوة على الحصة الخيال اللي تعلمت فيها كثير عن shooping
وأقولها كل عام وأنتي بخير ,العمر كله أن شاْالله>>>ترى أنا أول وحدة تهنيك
ومشكورة مرة ثانية

mashael

21-11-2007, 01:05 AM

وعليكم السلام ورحمة الله وبركاته

حياك الله معنا

اخت اخوها

21-11-2007, 09:23 PM

العمر كله يانهله و عائشه
اليوم الأربعاء الموافق 11/11
يوافق ميلاد خواتنا نهله وعائشه
بفصل 2ع/2
العمر كله ان شاءالله
هذا انا باركت لكم واذا جى يوم ميلادي
وماباركتولي ياويلكم هههههههه<<<<<< طراره وتتشرط

اخت اخوها

21-11-2007, 09:24 PM

حياك الله شعله بينا

mashael

21-11-2007, 09:52 PM

اقول انا في صفر 14\ 2 لاتنسون

اخت اخوها

22-11-2007, 10:54 AM

يؤ شعول حتى انا في شهر 2
22/2
خلاص ياويلهم ان ماباركوا لنا

sokr banat

22-11-2007, 12:00 PM

حركاااااااات يامشاعل انتي قمر 14
مو بس انتي قمر 14 حتى انا بس انا مو شهر 2

mashael

22-11-2007, 12:22 PM

ههههههههههههههههههههههههههه

اجل في اي شهر

miss math

22-11-2007, 12:31 PM

حياك الله شعله
انت في قلوبنا قبل صفحات المنتدى
و اتوقع منك مشاركات حلوه
(لأن شخصيتك كثير كثير حلوه )
أختك و زميلتك و محبتك : تغريد
:8::8::8::8::8:

miss math

22-11-2007, 12:33 PM

بنات عندي فكه حلوه كهديه ممكن تقدمينها
لزميلتك اللي تبغى هدية يوم ميلاده
شرايكم صديقاتها كلللهم يصومون و يدعون لها دعوة عند الإفطار
و بعد ركعة الوتر بالليل
( و اللي تقدر تسأل عن الحكم الشرعي جزاها الله خير)

:8::8::8::8:

sokr banat

22-11-2007, 12:39 PM

اقووووولك بأي شهر بس بشرررررررررررررط
تسوين لي بااارتي في المنتدى وفي المدرسه
وتجيبين لي هديه كبييييييييييييييييييييره

غنووووجه

22-11-2007, 05:51 PM

اووووووووووكي سكر بنات
مو مشكلــــــــــــــه تقولين لي انا
من غير شروط هههههههههههههه

sokr banat

22-11-2007, 09:42 PM

شكل مشاعل مو موافقه ع الشروط
اووووووووكي غنووووجه ولا يهمك انتي بقووولك من غير شرووووط
بس بعدين مو الحين

miss math

23-11-2007, 08:10 AM

:10: :21:
يؤ يؤ يؤ عسى تكلمتوا عن حصة الenglish:17:
صج اني مهستره على قولة أ. هند
يعطيكم العافية شعوله و سكر بنات و نبراس المعرفه و بروره و اخت اخوها
و شعله و احساس طفله ..
انتوا الأروع و الله أحرجتوني :18:
و اتمنى تكونون (يا اللي حضرتوا الحصة) استانستونا و استفدتوا كلمات و عبارا للمحادثه
(علشان ترطنون مع الselman) و ما يصير لكم الموقف اللي صار لي (قلته بالحصة)
أما قصة نسويها كل ربوع هذا جاري البحث و التدقيق..

يعطيكم ألف عافيه..

احساس طفلة

08-12-2007, 03:51 PM

طيييييييييب
بنااااااات وش فيكم قطعتووا المجلس....
عندي موضووع للنقااش
هل حصل يووووم وسويتي شيء وندمتي عليييييه بشكل مو طبيعي ؟؟؟
ابي تفاعل

طيف الإيمان

14-12-2007, 11:45 AM

إي صح بنات ليه قطعتوا المجلس
أما بنسبه لسؤال حس حس
الصراااحه إي
وأهي في الأغلبيه كلمات
إهي أكيد مو سب لاني مأحب أسب أو أغلط على أحد
الصراحه أهي كلمات قلتها وكانت نيتي فيها زينه
بس الناس وماأدراكي ماناس الله يسامحم
يفهمون الكلام على كيفهم
ويحكمون على طول بدون مايفهمون
وبس