المساعد الشخصي الرقمي

مشاهدة النسخة كاملة : كلولولولوش (+_+) ياهلا بالمقبلين ( شاركونا )


بنت أبوي
17-01-2009, 09:28 PM
http://www.alahsaa.net/free/b.gif

:11:



:11:


مدخل

الساعة الواحدة صباحا

(( حالة العرس بعد زفة العروس )) اختنا في الله توها داخلة

تتعالى الأصوات -- زغاريد -- زفة
تصفيق -- تصفير -- حمااااااااااااااااس

والبنات مدهرين الله يحفظهم

فجأة

الطقاقة تقول :: تغطوا ياحريم (( المعرس وصل ))

كلولولولولولولولوووووش :8:

( الحديث الجانبي وسط القاعة : قبل مايدخل المعرس )

بنت تقول لأمها ::
يمه وين عباتي --
الأم
شوفيييييه تحت الطاولة أقول اسكتي مانيب حولس خليني أركز بملامح المعرس
( ونعم الأم )
البنت
وأنا بعد يمه أبي أشوفه حالي حالس :19: ياوييييييييلي
(( والله انها قوية عين -- وشتبين تشوفينه غير بلاغة الشف ))


الطقاقة ( ياهلا بالمقبلين -- عااااااشوا )

يؤ -- يؤ -- يؤ ( المعرس صاروا 10 رجاجيل )

بشوت ورزة وشغل عدل --

( الحريم )
كل وحدة تختار واحد فيهم وتقول انه المعرس

( فشييييييييييييييييلة )
طلعوا كلهم اخوان العروس وابوها

:15:
:15:

المهم -- دخلوا --

ركزوا معي (( دخلوا وسط قاعة الحريم ))

بعد الوصول للمسرح << سلموا على اختهم العروس

فجأة ماوعينا الا الأخوان في الله هزهم الطق وأطربهم الغناء
واشتغلوا :1:

والحش عند الحريم ( على كيف كيفكم )
1- مسكين خكري مايعرف يرقص
2- ليته يخلي الرقص لأهله
3- مصدق عمره
ووووو من هالحكي -- لما يطلعون والحكي ورارهم وراهم


آخر شي الطقاقة ( في أمان الله << عااااااشوا )

بعد ما طلعوا

الحريم ؛؛ على طول .. ماعندهم تفاهم
فكوا الغطا وسفطوا العباية
(( حررااام التسريحات والمكياج بالسعر الفلاني ماودهم يخترب --
تو الليل بادي :1: ))

الساعة الثانية صباحا

الطقاقة ( تغطوا ياحريم :: المعرس وصل )


الحريم (( يعيدون نفس الموال -- يمه وين عباتي --
عباتس بجيبي دوريها يامال الصلاح ))

هههههه ( البنت هذي أحس اني أعرفها :18: ههههه ))


الطقاقة ( ياهلا بالمقبلين ؛؛ عاااااشوا )


يدخل اخينا في الله ( المعرس ) وبجانبه أبوه
والصدمه <<<<<<

الصدمه <<<<<<

الصدمه <<<<<<

معه اخوانه <<< خير ان شاء الله ؛؛؛ وشتبون

مساكين أهل العروسة جابوا هالغطا الابيض وخلوا الخدامات يمسكونه
فوق راس العروس ( تخيلوا المنظر - ياحرااام :16: )

<< ماسوت عليها المسكينه -- هي اصلا مو بالدنيا -- ناقصة يكتمون انفاسها

بعد ماوسعوا الصدر اخواننا في الله (( اخوان المعرس )) وطلعوا اللي براسهم


الطقاقة << ( في أمان الله - عاااااشوا )

وأخيرا تو المعرس يشوف زوجته -- بعد ايش -- بعد ماطاحت الطرحة
وساح المكياج -- وهبطت التسريحة << ياقلبي عليها والله تكسر الخاطر

وياليته على كذا وبس -- هالمعرس يناظر يمين ويسار
والكارثة إذا لمح بنيه بالغلط أجمل من زوجته
(( يووووه -- أحس بيقول بخاطرة ياليتني ماستعجلت :15: ))

:19:
:19:
عاد ذيك الساعة أبروح أذذذذذبحه وأذبح زوجته اللي رضت له
يدخل بين النسوان
هذي طبختك يالرفله وذوقيها ---

بعد مايرزون عمرهم ساعة ويصورون ويقصون الكيك ووووو


الطقاقة < في أمان الله عااااشوا

الحريم ؛؛ أففففف وأخيرا افتكينا افتحي الغطا وأنا أمتس
وإياني وياتس تضيعينها مرة ثانية --
تولمي بنتعشى وبنمشي أبوتس خرش الجوال -
<< وأختنا في الله سافطته >>
(( خوووش بدال مايدعون لهم -- يقولون افففف ))

الساعة ثلاثة صباحا

الطقاقة (( تفضلوا على العشا ياجماعة ))

بالله مين بيشتهي ياكل هالحزة

الساعة الرابعة صباحا

في السيارة الحريم راجعين البيت

(( الحش على أصوله ))

يووووووووه الله ياجعلنا مانطيح بلسان المعازيم
صحيح ارضاء الناس غاية لاتدرك

العروس ماتوفقت بمكياجها
فستانها عادي
المعرس احلا منها
كلهم عاديين
الزفة قديييييمة
العشا بارد
الطقاقة لو كلاس ماتحمس
شفتي فلانة وش لابسة -- الله لابلانا
شفتي ام الأصفر مكررة فستانها ثلاث مرات
عاد من حلاته
وذي ماتغير شكلها
كل مرة نفس الديزاين
(( وشتبونها تسوي بعمرها ))

وووووووو
( كل شي يطرى على بالكم )

---------------------------------------------------------------------
بصراحة هذا الواقع -- ويتكرر مع كثير من العوائل ( صح أو مو صح ) ؟؟؟

بعد ماعرفنا مايصير في كواليس قاعات النساء

ودي أعرف آراء الجميع في هذا الوضع ؟؟؟ .....
النساء -- أظن الكل يعرف الأوضاع اللي تصير ؟؟

والرجال بعضهم اللي كان لهم نصيب الدخول لديه خبره
حتى اللي مايعرف من الرجال ماذا يحصل
فقد شرحت في بداية الموضوع مايحصل باختصار

لذلك ياليت الكل يبدي رأيه ؟؟

------------------------------
مارأيكم بالرجال الذين يقبلون على أنفسهم ان يدخلوا في قاعات النساء ؟؟

مارأيكم بالمعرس الذي يتميلح لعروسه أمام النساء ؟؟

مارأيكم بالرجال الذين يرقصون أمام النساء ؟؟ (( بالله وش الهدف ))
فيه شي اسمه عرضات رجالية ( ارقصوا فيها )

هل جميع شبابنا الآن يؤيدون ذلك ؟؟ لماذا ؟؟

أنت كمعرس جديد ليه تدخل أمام النساء ؟؟

أنتي ايتها العروسة لماذا تصرين على زوجك ان يدخل ؟؟

برأيكم ماهي آثار دخول الرجال لقاعة النساء ؟؟

ماعلاقة العين والحسد بذلك ؟؟

ماشعورك أنتي كمدعوة -- ودخل العرس رجال ووجب عليك الغطاء ووو ؟؟
بالله ماراح تنقهرين على الكشخة والتكلفة

((على كذا بلبس عباتي وبحضر العرس وبوفر على التعب والمخاسير المالية والوقتية ))
مارأيكم بهذه المقوله ؟؟

هل دخول الرجال على النساء يهز من مكانتهم وهيبتهم واحترامهم ؟؟
( بالنسبة لي نعم وألف نعم -- اكره الرجال السطحيين -- والثقل والعقل زينه ))

مارأيكم بالرجال اللي يفرون عيونهم يمين ويسار إذا دخلوا ؟؟

ما رأيكم بالنساء اللواتي يكتفون بالشال لأن يستتروا به ؟؟

مارأيكم بالدخول المتأخر للعروسة ؟؟

هل تعتقدون ان الساعة الثالثة هو الوقت المناسب للعشاء ؟؟
حيث أن بعض الأعراس يكون عشاءها الرابعة تقريبا

كيف نحاول أن نحمي أعراسنا من كلام الناس ؟؟
طبعا شي صعب بس ودي اشوف بعض الحلول

هل تتوقعون كل العروس راح تجي عليها تعليقات ؟؟
طيب ليه ؟؟

وووووو هناك الكثير والكثير من الأمور
أرجو أفادتنا بما لديكم

وبجد لا بد من وضع حد لهذا التمادي بالعروس

العرس اسمه (( دعوة نسائية ))

أنا بآخر الأيام إذا جتني دعوة أسأل
بيدخل العرس رجاجيل -- إذا الجواب ايه
اهون -- أو اروح وبعد زفة العروس مباشرة أطلع
لأني يصكني راسي -- وايش راح استفيد اذا شفتهم

لااااا شيء

الغرض من الدعو اجابتها - واذا تمت الإجابة - وصلنا إلى الهدف


(( غير منقول ))

بانتظاااااااار تفاعلكم

العنــsmileــود
20-01-2009, 03:16 AM
والله طرح اكثرررررررررر من راااااائع ...
بس وش اقول وش اخلي يالغلااااا ...
هذاا وااقعنا بصراااحة ...
انا مررة رحت زوااج
تقريييبا ماذكر اني شلت عبايتي من علي .. :21:
طبعاا هذا غير الزفّات اللي فيهاا تصوير وهذاا اكيد بس الرجال داخلين وطالعين
تقولين قآعة الرجال انتقلت لقاعة النسااء ..
انا بصرااحة أأيد بس المعرس يدخل يااخذ عروسته ويطلع .. وانتهى الموضوع ...
واخوانها يدخلون يسلمون ويطلعوون وانتهى .. >> ادري مابقى احد ..
بس بجد اهوون بكثيييييييييييييييييييييييييييييييير من الزوااج اللي رحته وللأسف من اهلي ..
وربي خوالها وعمانها واخوانها وعياال اخوانها وخواتها اذا فيه ...
ماااااابقى احد .. دفعات يدخلوووون ... ما شاء الله تبارك الله ..
رجعت البيت وانا ضاااربة من العصبية ..
>> كشختي راااحت ع الفاضي :6:

انا قلت لكمـ رآآيي بكل صرااحة ..
ليـه ؟!!
فرحة آختي في زوآجها لما دخل اخوي وزفها لزوجها تسوى كل الدنياا
>> بحكمـ ان الوالد ( الله يرحمه ) ..
فالعرووسة تبي يدخل ابوها او أخوها تحس ان معها احد
>> ترتز فيه او تكشخ فيه على قولتهم :6:

بالنسبة لموعد دخول العروسة حلوو يكوون الساعة 11 او 12 .. غيرهـ متأخر ..
العشآء يكون الساعة 1 كذا اووكي ..
طبعا الرجال اللي يطالع يمين ويسار في القاعة بقصد انا مآ أعدهـ رجال ..

ما رأيكم بالنساء اللواتي يكتفون بالشال لأن يستتروا به ؟؟
هذا الله يستر علينا وعليهم وما اقول الا لا حول ولا قوة الا بالله ..
ودامها بتحط الشال بس .. انا اقول لا تحطه مرة وحدة اريح لهاا
لأن اثنينهم في الهواا سواا ..

كيف نحاول أن نحمي أعراسنا من كلام الناس ؟؟
طبعا شي صعب بس ودي اشوف بعض الحلول
هل تتوقعون كل العروس راح تجي عليها تعليقات ؟؟
طيب ليه ؟؟
بصرااحة مستحيييييييل نحمي الزواجات من التعليقات وكلاام الناس
اي قااعة عرس واي زوااج لااااااااابد فيه تعليق وكلام سوااء بالزين او بالشين ..
" رضا الناس غاية لا تدرك " " ما يعجبهم العجب ولا الصيام في رجب " >> وهلمـ جرااا ..
فبالنسبة لي هذا الشي مستحييل يصير .. لأن الزواجات مكان لتجمع الناس من مختلف الطبقات
من مختلف الاذوااق .. من مختلف الشخصياات والعقول .. اذا سكتت وحدة او خمس .. ماراح تسكت 300 او اكثر منهم ..


هذا الرد اللي عندي ...
واعذريني ياا بنت ابوك رديت بشكل عامـ وما رديت على كل سؤال ..
لأني رديت على الشي اللي عندي له رد ..
وعذراا على الحووسة والله يعينك :6: >> فيهاا النومـ بس ماتبي تنامـ ..
>> مع اني بصرااحة ما كنت رااح ارد بس علشاانك

مشكووووووووووورة ع الطرح الاكثر من رااائع ..
و موفقة ان شااء الله ...