براءة الطفوله
21-01-2010, 10:17 AM
:31:مرحبا باحلى اعضاء
حبيت انزلكم هذه الروايه الجديده الاولى لكاتبتها ,,,نظرة امل,,,
انشالله تعجبكم بس منتظره ردودكم عليها
[(:بسم الله الرحمن الرحيم:)
أتمني لك من يقرأ قصتي الاستمتاع
للكاتبه:::سراااsاااب
ربما تكون قصتي في نظركم خياليه لكن في هذا الزمن ربما يضعنا في موقف هذه القصه
هذا الزمن أصبحت الماده ضروريه فلا تتوقعون أن القصه خياليه ربما تصبح من الواقع
(الجزء الاول)
(* قسوة زمن*)
((ملاك))
عمرها ٢٠ سنه داخله ٢١
حلوه وجذابه لاأقدر سوى أن اقول أسم على مسمى فقيره لها أخوين الكبير: فيصل يدرس برى والاوسط: بندر صايع وضايع أتعب أهله معه وهي أصغرهم لهاأخت متزوجه وبديره بعيده و زوجها مانعها ماتزورهم الا بسنه مره
(معلومه) أبوهم مقعد (مشلول)
القصه
يالله قومي دبريلي فلوس والا والله لأقلب البيت فوق تحت
ملاك:والله يابندر مامعي ولاريال بندر تكفى عشان خاطري قصرصوتك لايسمعك أبوي وامي
بندر: أقول أذلفي عن وجهي
ويدفها وتطيح على السرير
وبندر ماتأثرأبد بدموع أخته اللي تبكي نكت غرفتها من فوق لتحت وجاءلمهاويناظر بلسواره الذهب اللي بيدها
بندر: أقول عطيني اللي بيدك أتوقع محد شافه ولاستفدنا منها
ملاك تبكي : لايابندر إلا هذا هذي هدية أبوي وغاليه علي إلاهذي
بندر:أقول هاتيها
ويسحبها من يدها وأوجعها فيها لدرجه صب دم من قوته
وطلع
قعدت تبكي وتندم على حظها الاي في سني عايش وفرحان الاهي ليش ليش
الا بيد تنحط على ظهرها
أرفعت راسها الا أمها
أمها: وشفيك يابعد عمري
ملاك:مافيني شي يمه (وتمسح أدموعها)وتبتسم
أمها: وشلون مافيك شي وصوتك أنتي وخوك الله يهديه واصل لبر وأدموع في عينك يابنتي تراني أحس فيك أنا أم واحس بلي فيكم
(أنهارت ملاك وقعدت تبكي في حضن أمها اللي بكت وهي أتشوف حال بنتها اللي ماعاشت حياتها مثل اللي بسنها وكيف ذبلانها ومافيها حياة بس عايشه لغيرها )
*اليوم التالي*
صباح الخير لاحلا أبو واحلا أم وحبة راسهم
أمها وأبوها:صباح النور
أمها : ها يمه نمتي زين
ملاك وهي ترجع خصله من شعرها ورا أذنهاوتناظر في أمها مبتسمه: الحمدلله نمت زين
ملاك وهي تناظربصحنهاوتحرك رجلينها بتوتر
يمه يبه أبي أقول شي بس لاتعصبون
أبوها: قولي يابنتي نسمعك
ملاك: أناأمس قاعده أفكر وقررت(كانت تقولها ومتردده) أبي أدور على أي شغله أن شاءالله أشتغل شغاله
ابوها عصب: لالا وشيلي الفكره من راسك أنتي فاهمه
ولف كرسيه وهو معصب
ناظرت في أمها لقت في نظراتها لوم وعتب أزعلت ملاك وراحت لامهاوقالت
يمه أبيك تفهميني البيت يبي من يصرف عليه وأبوي مايقدر لحالحه أبيك تفهميني يايمه
بكت أمها: المفروض أخوك اللي ماأدري وينه للحين هواللي يدور الشغل
أبتسمت ملاك عشان تخفف عن امها: طيب أنا وشفيهالوأشتغلت
أخير وافق أبوملاك أنها تدور على شغل وهي مخلت مكان الاراحتله
اليوم الثاني
طق طق طق
كانت ملاك منسدحه على رجل أمهاوتلعب بشعرها
أمها:ملاك يمه أفتحي الباب تلقينها أم خالد جارتنا
ملاك: طيب يمه (أرفعت شعرها بهمال وراحت)
ملاك: هلا ياخالتي تفضلي
أم خالد: زاد فضلك يابنتي
وتدخل أم خالد وتسلم على أم ملاك أمها:وشلونك يأم خالد
أم خالد: الحمدلله أنتي وشلونك
وأخذتهم السوالف لمادخلت ملاك بصينية القهوه
أم خالد: أناسمعت أنك أتدورين على شغل
ملاك: أي والله ياخالتي بس مالقيت
أم خالد وكنهاجاده: وأنتي في بالك شغله معينه والا أي شغله
ملاك :لاياخالتي أبي أي شغله ماخليت مكان الارحت بس ماالله كتب
أم خالد تبي تساعدهم :طيب أناأختي أم فارس جارتها بتسافر شغالتها تشوف أهلهاو...
أم ملاك عصبت: وقفي يأم خالد بنتي ماتشتغل شغاله عند أحد
أستحت أم خالد: أنا أسفه ياوخيتي بس حبيت أساعدكم
أزعلت أم ملاك من اللي يصير
بعد هدوءوصمت ارجعوا للسوالف الا وحده كان تفكيرها بلكلام اللي قالته أم خالد
أم خالد: يالله أنا بستأذن أبي اروح
أم ملاك: مسرعك توك مامدانا أستانسنا
أم خالد: مره ثانيه أنشاالله مع السلامه
ملاك وامها :مع السلامه
(كانت تحرك قصتها وتفكر )
نادتها أمها:ملاك يمه وش فيك سرحانه
ملاك وخايفه من رد أمها: يمه أبي أشتغل شغاله مافيها شي
ماردت أمهاوأكتفت بلبكي من القهر وماتدري وش تسوي بنتها عنيده وراسها يابس وأذابغت شي تسويه
(كلمت ملاك أم خالد وأخذت رقم اللي بتشتغل عندهم وطلع بيت رجل أعمال معروف أمها وابوها رفضوا بسبت الاولاد لان عندهم ثلاث اولاد وبنت وحده كبرها بس هم واثقين فيهاوبتربيتهم)
مرت الايام وجا يوم وداع أمها وابوها طبع راح كله بكي
ملاك : خلاص يمه راح أجيكم كل خميس وتشوفيني
(طبعاأم جابر اللي بتشتغل عندهم ملاك أرفضت بس أقنعتها ملاك وحالهم الصعب فوافقه تجيهم الخميس وترجع الجمعه فوافقة )
كانت بسياره تبكي على حالها اللي وصلها للي هي فيه شغاله ياملاك٠شغاله
وصلت للبيت أوالقصر
أنفتحت البوابه ورفعت عينها وشافت اللي كانت تحلم تشوفه(كانوايقولون حلو وكبير بس ماتوقعته كذا هذا في الاحلام بنسبه لها طبعنا) بوابه كبيره معتقه بذهبي والحديقه كبيره كلها أشجاروورود٠ اللي واقفه قدامه شي من الخيال (مسكينه ماقد شافت بيت غيربيت أم خالد)
دخلت البيت وستقبلتها شغاله٠قالت في قلبها هذولي كم يبون شغاله صدق ماشفت خير
نادتها أم جابر وانبهرت ملاك منها كانت لابسه جلابيه فخمه وحاطه ميك أب ملاك: نعم
أم جابر:أسمعي أنتي الحين تشتغلين عندي يعني الاوامر اللي على الخدم الباقي تنطبق عليك٠مفهوم
ابلعت الغصه ملاك:مفهوم
أم جابر:وأكيدبماأنك وافقتي تشتغلين عندي أكيد ماراح تشتغلين وأنتي متغطيه أكشفي خليني أشوف
صارخت ملاك:لاالغطوه مراح أنزلها
وقفت أم جابر معصبه: وترفعين صوتك علي شغالات أخر زمن وبستهزاء والله أنتي اللي بتشتغلين عندي نزلي أشوف
أنقهرت ملاك وكانت تبي ترد بس رضت لانها هي اللي جابتهالنفسهاتشتغل شغاله وأكشفت
أنبهرت أم جابر يوم شافت ملاك ماكانت تتوقعهاكذا هذي المفروض ملكه موشغاله كانت ملاك المسكينه متزينه عشانهاأول مره تطلع كانت حاطه كحل وروج زهر كانت ملامحه ناعمه عيونهاوسيعه وحواجبهامقوسه وخشمه طويل وفمه صغيربس أذا ضحكت تطلع أسنانها وغمازاتها ضحتهاوأبتسامتها جذابه أنقهرت أم جابرمن اللي تشوفه وقالت
انتي متأكده أنك جايه تشتغلين
أرفعت راسهاملاك: مافهمت أكيد جايه أشتغل
ظحكت أم جابر:واللي جاي يشتغل يحط كحل وروج ويدري أن فلبيت عيال
أنصدمت ملاك وانقهرت وقالت:ماكنت أدري أني بوطي الغطوه
أم جابربصرامه :مالك شغل عندي روحي دوري على غيري
أرفعت راسهاملاك من الصدمه والدموع تجمعت في عينهاوقالت:لاالله يخليك قولي وش أسوي وأسوي حنا حالنا صعبه وأنتي أكيدتعرفينها والالوالزمن ماحدني ماجيت وأشتغلت تكفين لاتطردين
(كانت فيه عيون تناظر في المنظرالمؤثر ومتعجب من الي يشوفه)
أم جابربجبروتها:قلت أنقلعي ماأبيك تشتغلين عندي
ملاك ودموعهاتنزل شلالات :تكفين ماأبي أخيب أمل أهلي هم حاطين أملهم فيني تكفين حياتنا صعبه ولولا وسخ الدنيا(الفلوس)ماجيت لازم أصرف على أهلي قولي وش أسوي وأسوي تكفين لاتطردين
أم جابر كنها حنت على الضعيفه اللي تبكي قدامها ورفعة يدها: أجل أسمعي كحل ماأبي روج ماأبي أحجابك ماينزل من راسك أنتي فاهمه
ابتسمت ملاك: شكرا من جد شكراوماراح أنسى معروفك معي
وبدت ملاك تشتغل لها الحين يوم مارتاحت في نومتها يمكن ماتعودت برى بيتها بس طبقت كلام أم جابرلاكحل ولاشي والطرحه عليها
أدخلت عليها مها
(خلونا نعرفكم على عايلة أم جابر لهاثلاث أولاد الكبير جابرمتزوج وله أولادعمره ٢٦
وطلال المتوسط يشتغل في شركة أبوه و عمره٢٣
وحمد اخرالاولاد عمر ١٩صايع يحب البنات وبنت وحيده ومدلعه وجميله أحلامن ملاك عمرها٢٠ كبر ملاك نرجع للقصه)
أدخلت مها المطبخ وشافت ملاك
مها:أنتي الشغاله الجديده
أبتسمت ملاك: أيه أناالجديده
صارخت مهاونقزت أعيونها: سعوديه ماصدق أنامن شفت وجهك قلت في شي غلط
أضحكت ملاك من ردت فعلها: لاحبيبتي صدقي في هزمن توقعي أي شي
مها:طيب وش اللي حدك تصيرين شغاله
ملاك حزنت:موقلت الزمن يحد الناس على أشيامانبيها
مهامنصته ودها تعرف وش قصتها:طيب ليش الزمن حدك ممكن تقوليلي قصتك
ملاك أبتسمت وارتاحت لمها تحسهاطيبه عكس أمها: ممكن
أنا بنت ماعشت زي كل البنات أنابنت عشت على الهم
من يوم سافر أخوي فيصل اللي كان شايل البيت فوق راسه وماخلانا بحاجت شي
قاطعتهامها:ليش هووين سافر
ملاك :لاتقاطعيني(هزت راسهامهابخلاص وابتسمت)جته بعثه من الحكومه يكمل دراسته برى بلبدايه رفض وقال من يهتم فيكم ويشوف متطلباتكم بس أبوي هاوشه وقال هذا مستقبلك وحنانعرف ندبرأنفسناراح ومن يوم راح والبيت كل يوم فيه هوشه بسبت أخوي الله يهديه أكبر مني بسنه يصيح ويصارخ يبي فلوس وإذا أخذها ماعادأنشوفه أمي تعبت وابوي كذامرينخفض عنده الضعط بسببه وبلامبالاه(وتوريها أثرالجرح اللي بيده)هذي أخر مره أخذ من أسواره ذهب كانت هديه من أبوي رفضت بس هوسحبهامني وجرحني كل يوم فليل أبكي على الحال اللي فيها وأخوي اللي مايدري عنا تخيلي البيت يجلس يوم يومين مافيه أكل كذامره يشترولنا الجيران معهم
أكره الذل بس الحاجه لوأنا لحالي كان أموت ولاأخذت بس أنا عندي أم وابو لازم ياكلون وأهتم بصحتهم (وتمسح دموعها) وهذي هي قصتي والزمن اللي خلى سعوديه تشتغل شغاله
مهاماسكه بكيتها:ماشاالله ياملاك وللحين صابره لوأنا بمكانك كان مت
أبتسمت ملاك: أحمدي ربك على النعمه
مها:بصراح أرتحت لك كم عمرك
ملاك مستانسه :حتى أنا أرتحت لك عمري ٢٠داخله ٢١
أنقزت مها وجلست جنبهاورجعت شعرها ورى :يعني كبري ياسلام أنامن زمان كان نفسي عندي أخت واااااي وناسه
أضحكت ملاك على حركاتها:حتى أنا تمنيت يكون عندي أخت
مهامبتسمه:خلاص صرنا خوات من اليوم طيب قوليلي أخوك وش يدرس قلتيلي أيش أسمه
ملاك رجعت لها الحياه :فيصل يدرس طب لانه ممتاز مشاالله عليه
مها:وانتي تدرسين
ملاك نزلت راسها:كنت أدرس لين خلصت الثنوي وجلست فلبيت
مها معصبه:طيب ليش ماكملتي واهملتي مستقبلك
ملاك وكن الدموع بتنزل:كنت ناويه أكمل بس لماأبوي تعب وانشل صعب علي أخلي أمي لحالهابلبدايه عصب فيصل بس يعرف أني عنيده واستسلم
مهامستحيه: تصدقين ودي أشوف فيصل
أضحكت ملاك: هههههههه وش تبين فيه
مها أستحت:بس أحس طيب وحنون طيب قوليلي هو ليش ماجاء يأدب أخوه ويشوف حالكم
نزلت راسه ملاك وزينت الطرحه:أبوي حلف عليه مايجي لين يخلص دراسته وبشغلي تراه مايدري عنه وذاتبين تشوفين صورته أناجايبه صورنامع بعض
مها أنقزت:واي وناسه يالله تعالي وريني صوركم وتسحب ملاك وقاموا
(البنات ماكانوا يدرون عن اللي قاعد يسمع سوالفهم )
في غرفة ملاك
كانت ملاك منزله الطرحه ورافعه شعرها بأهمال كانت كيوت حتي مها أنهبلت عليها
ملاك:هذا أخوي فصولي حبيب قلبي(فيصل أكبر من ملاك ب٤سنين وسيم بمعني الكلمه )
أنهبلت مهامن يوم شافته يوم ملاك تتكلم عنه تبي تشوفه ويوم شافته أنهبلت عليه
مها:مشاالله حلو تصدقين فيه شبه منك
ملاك مستانسه: فديته أخوي٠
مهاوهي ترفه شعرها الي طاح علي عيونه:شكلك تحبينه
ملاك :موأحبه الا أموت فيه
مها بأهتمام:طيب يكلمكم
ملاك بعفويه:أيه يكلمني ويسأل عن ماماوبابا ويسولف معي لين ينقطع الخط بيني وبينه
وفجأه دق جوال ملاك وأنقزت تجيبه ولتفتت لمهاوعلى وجهها أبتسامه وقالت:الذيب عند ذكره
أنجنت أنهبلت داقات قلبهاتدق لماأسمعت صوته الخشن اللي فيه رجوله وتقول في نفسها أثقلي يابنت تراك توك تعرفينه(لان ملاك حاطه عسبيكر)(الميكروفون)
ملاك:فيصل كيف أختباراتك أنشاالله حليت زين
فيصل: يوه ياملاك أناداق عشان أنسى الاختبارات وتذكريني فيها
ملاك:أبيك تشد حيلك عشان تجينا تعالي مهاوين رايحه(مهاقامت ماتدري وش فيهااول مره تحس بشي غريب ماتقدر تستحمل)
فيصل:ملاك مين تكلمين منهي مها
مها أول ماسمعته ينطق أسمها قالت في نفسها يازين أسمي من فمك أثقلي يابنت وشفيك أنجنيتي (حديث النفس)
مهابهمس عشان مايسمعها:لاحبيبتي أخليكم على راحتكم وطلعت منا ولغرفتهاعلى طول تحاسب نفسها على اللي يصير
فيصل:ملاك أنتي معي والا اسكر
ملاك مبتسمه:لالامعك
فيصل معصب: وشفيك ساكته طيب ومنهي مها هذي
ملاك وهي تطيح على السرير: هذي وحده من صديقاتي مسيره علي يوم كلمتني طلعت
وقعد يسولفون لين أنقطع الخط
مراليوم عادي وهادي على ملاك اللي فقدت مها بعدماستانست فيها فتوقعت ملاك أنهاماهي فاضيه لشغاله مثلي تقابلها اربعه وعشرين ساعه ماتدري أن البنت رايحه فيها
مراسبوع وجاء يوم الخميس
لبست عبايتها وطلعت من غرفتها ركظ صادفها طلال قال:على وين انشاالله(وهو يلوح يده)
كان طلال حلو وجميل بمعنى الكلمه بس معطت لجماله ووسامته مجال قالت ورافعه حاجب:أتوقع هذا مو شغلك
وتروح وتخليه ودعت مهافي طريقها وراحت
وصلت لبيت اللي ضمها وحضنها بفرحها وحزنها شافت أمها وابوها يستقبلونها ركضت لمهم وحضنتهم وقعدت تبكي وتقول :واشتقت لكم أشتقت لكم
لوالزمن يرحم
ومايقسى علينا
كان الهنا والفرح موجود
والذل مبعد(ن)عنا
مر شهر على ملاك وهي تشتغل في بيت أبوجابر علاقتهامع مها حلوه وتضايقت كثير من حمد وكلامه وحركاته بس ماعلمت أحد
أنتي جيبي فطوري بصاله
ملاك منقهره من أسلوبه:طيب وتكلم نفسها شغالتك أنت وجهك
سمع كلامها وقال: وش قلتي وبعدين أذابتقولين شي قوليه بوجهي فاهمه(ويأشربيده)
لفت ملاك معصبه:فاهمه أخ طلال أوامر ثانيه
طلال:لاترفعين صوتك علي تراك تشتغلين عندي
بدت الدموع تنزل على خدها: أدري أني أشتغل عندك أنت وش تبي فيني (وتصارخ)الله ياخذني وارتاح من الذل اللي أنا فيه
وتطلع من المطبخ بتروح تبكي بغرفتها وسط ذهول طلال اللي ماتوقع ردت فعلها
طلال:أناماقلت شي اظاهر بحط فطوري بنفسي
في غرفة ملاك
يارب يارب ساعدني بلي أنا فيه تعبت والله تعبت
ساعات أحس أن الزمن قاسي....ولايمكن يلين
وساعات أحس أن الفرح محال.... ولايمكن يحين
هذا اللي شفته بدنيتي
كل مامضالي من سنين
يامن يعلمني الفرح
ويفرح القلب الحزين
ويفرح القلب الحزين
ملااااااااااااااااااااااااااااك
صحت ملاك مفزوعه من دوامة الحزن اللي فيها وأخذت طرحتها ولفتها بسرعه وطلعت ركض
ملاك:نعم خالتي
أم جابر معصبه وطالعه عيونها:تخلخلت أعضامك أناماني خالتك وتقرب يم ملاك وتمسك شعرها وقالت:هذا أيش هاتكلمي مطلعه شعرك(وتجرشعرهابقوه) لمن قولي ياحيوانه
ملاك تصارخ من الوجع في راسها سمع الصراخ طلال لانه كان يفطروطلع وشاف المنظر
أم جابرتكمل ماهتمت فلي ماسكتهاومعذبتها لين جت مها وشافتهم
مهاخايفه :يمه حرام فكي البنت
أم جابر:هذي بنت الاحيوانه وقليلت أدب
ودف ملاك على الارض وتصعد فوق
ملاك تبكي على الارض: حرام عليكم حرام أناموعبده أناجايه أدور رزقي وتقوم واقفه وتمسح دموعها أنابنت أهلي مربيني أحسن تربيه ومعلمين الصح من الغلط واثقين فيني وأنا عند ثقتهم
وراحت وخلت مها اللي ماتدري وش ترد عليها
دخلت ملاك المطبخ ومانتبهت لطلال لان دموعها معميتها
طلال: أحم أحم
ملاك أنقزت ودخلت شعرهافاطرحه ولفت لمه وقالت:أنت هنا من متى(وتمسح دموعها بظهريدها كانت بريه)
طلال من يوم أدخلت رحمها:من يوم رحتي سويت فطوري بنفسي وشوفي حالتي
ألتفت ملاك وشافت الدنيا منكته والصحون طالعه أبتسمت بعدين أضحكت من شكله:ههههههههههههه
م ا أقدر أسفه هههه وتمسك بطنها
أما طلال يناظر فيها منصدم ويقول أكيد البنت أنجنت بس حلوه وش التفكير هذا ياطلال توك تشوفها أيه أول مره أشوفه تضحك ويناظر فيهاوالابتسامه شاقه وجهه
ملاك أمسكت نفسها غصب ورجعت خصل شعرها ورا الحجاب: أنا أسفه ماكان قصدي أضحك عليك معليه راح أخلص هذا كله بس أنت أكلت
طلال يناظر فيها غريبه البنت توظاربتها أمي مسرع نست بعدين رجع يفكريوم أطلعت ملاك وش سوا
طلال:طيب أنا أعلمك وشلون تصارخين علي ومسويه نفسك زعلانه
وهنا قلب المطبخ فوق تحت كله عشانها
ملاك :أخ طلال وين رحت
طلال قام من الكرسي:لامارحت أنا هنا وبعدين أنا أكلت والحمد لله وطلع ماخلى لملاك فرصه
دق تلفون طلال: هلا ببو خالد
أبوخالد(جابر):هلافيك وشلونك وشلون الاهل عساهم بخير
طلال: لاأبشرك كلهم بخير وسلمون عليك
ابو خالد: أجل أسمع اليوم أنا عازمكم فالمزرعه
طلال: وش عندك عازمنا
أبو خالد: أبد طال عمرك ملينا من البيوت والجدران نروح لمزرعه ونسابق بلخيول ونسمر فيها
طلال:والله حمستني مشتاق لسباقاتنا
أبو خالد:أجل حاول فيهم
طلال واثق: خلها علي يالله فمان الله
أبوخالد:فمان الله
ويركب طلال لأمه اللي كانت جالسه بصاله فوق طلال: يمه ليش جالسه هنا كان جلستي تحت
أم جابر بقرف:مبي أشوف الشيفه اللي تحت
سرح طلال فيها وبضحكتهاوبلي سواه
أم جابر:طلال يمه وش فيك
طلال صحى على نفسه:معلينامنها أبيك بسالفه
أم جابر بأهتمام:خيريمه
طلال:يمه بصراحه طفشنا من الروتين نبي نغير جو بنروح للمزرعه وش قلتي
أبتسمت أم جابر:أنت تدري ماعندي مانع (وكشرت) بس ذي الشيفه ماتروح
طلال بأستغراب:منهي
أم جابر بقرف:من غيرها ملاك
طلال انقهر:لا يمه حرام نخليهالحالهامسكينه
أم جابر: مسكينه الا حيه
طلال:يمه الله يهديك أنتي وش عليك منها أنتي بطريق وهي بطريق هاوش قلتي
أم جابر:اللي تشوفونه
نظفت ملاك المطبخ وجلست تناظرفالحديقه عشان ترتاح وماأمداها الامها:ببببوووووووووووووم
أنقزت ملاك من مكانها:الله يقطع بليسك يامهاخوفتيني
مها جلست على الكراسي:لانك جبانه
ملاك :أناموجبانه بعدين قوليلي وينك من اليوم
مها أستحت:بصراحه مستحيه منك
ملاك بستغراب:مستحيه مني ليش
ناظرت فيها مها:من اللي صار اليوم
أبتسمت ملاك بطيبت قلب وحطت يدهافوق يد مها:مهما صاريامها أنتي مالك شغل حطي هذا في بالك
هزت مهاراسه وفجأه دخل طلال :ياالله قوموا رتبو لوازم الرحله
أنقزت مها:رحله أحلفه
طلال يتطنز: أحلف (بجد) يالله جهزوا كل شي ومع أذان العصر بنطلع
مها راحت لملاك:ياي ياملاك أخير راح أعرفك على بنات عمي
ملاك:بس أنا ماراح أروح
رجع خطوه طلال ولف عليها وقال:حنا ماعندنا بنات يجلسون لحالهم وطلع وخلاهم
ناظرت مهافي ملاك:خير أن شاالله بتجلسين احسن يوم طلال هاوشك
ملاك منزله راسه ماأمداها تقول حرف الا أم جابر تقول: أنتي(تاشر بيدها لملاك) قومي جهزي الاغراض بسرعه وانتي(تأشريدها لمها) أطلعي
مها:لايمه بساعد ملاك بتجهيزات
عصبت أم جابر:أقول أطلعي وتناظرفي ملاك حتى عيالي صاروا يكسرون كلمتي
ملاك:خلاص يامها أطلعي والاراح أخلي الشغل عليك كله
مها: أناماأدري ليش أمي تعاملك كذا
ملاك: ربك كريم روحي جهزي نفسك
مها:وانتي
ملاك: أناوش عندي ماعندي شي
مها بنظرات تخوف: طيب وطلعت
ملاك:هذي وش فيها
رتبت ملاك كل شي حتى سوت كيك وحلى وجت تبي تطلع صادفهاطلال ناظرت فيه وهوبعد يناظرفيها لانهم قريبين من بعض نزلت عيونهاوبعدت وقالت:طلال أبي أطلب طلب
أنبله طلال ماعاد يعرف وش يقول:وش تبين
ملاك:إذابتروحون للمزرعه نزلوني عند أهلي وروحوا
عصب طلال:انا إذا قلت لا يعني لا بتروحين معنا جهزتوا
ملاك:أيه خلصنا
ومشى داخل المطبخ وشاف صينيت الحلا والكيك وقال :هذا أيش
خافت ملاك:مثل منت شايف
حلاوكيك
طلال:ادري انه حلا وكيك من اللي مسويه
ملاك :أنا ومنزله راسه
أبتسم طلال من حركتها وقال معصب:وليش تسوينه حناماندري أيش مسويه فيه
أرفعت راسها معصبه :تدري وش حاطه فيه سم عشان تاكله وأرتاح منك اوف
وطلعت عشان تتجهز
طلال: غبي ياطلال ليش غبي بطقاق اللي يطقها دلوعه وأخذا الاغراض واركبوا كلهم السياره متجهين للمزرعه طبعا أم جابر ماركبت مع طلال أركبت مع حمد عشان ماتبي ملاك معها
كانت سيارة طلال هدوء
طفشت مهامن الهدوء: طلول شغل المسجل
طلال:أختاري السديه وشغليه
فتشت مها في الدرج ومالقت اللي تبيه لفت يمه وقالت:ماعندك للوسمي
طلال: أيه ماعندي لاني ماحبه
مها:فيه أحد مايحب الوسمي(وتلتفت لملاك)صح ملاك
ملاك: تبين الصراحه
مها:أكيد
ملاك: عادي عندي كل المغنين متشابهين
مها:أقول انطمي أحس وش عرفك بزين
ويشغل طلال شريط من عنده
خلك بجنبي لاتخليني
محتاج قربك يانظر عيني
يفداك عمري باقي السنيني
خل الزعل يازين خاف الله
كانت ملاك تطالع فشوارع والسيارات من زمن ماشافتهم وينك يافيصل تشوف حالنامن بعدك وماكانت تدري مين اللي يناظرفيهامن الامرايه ويتاملها
في هالوقت دق جوال ملاك طلعته من الشنطه وشافت الاسم أستانست
وقالت: معليش تقصرفي الصوت
لفت مها:مين اللي يتصل خرب جونا
ملاك مو رايقه له ماتشوف قدامه الافيصل وبس ردت
الو
فيصل: حياالله هالصوت
ملاك: الله يحيك وشلونك وش أخبارك
أعرفت مها ان ملاك تكلم فيصل وقعد قلبها يدق أطبول معلومه مها مسميه فيصل الحب الغريب لانه ماتدري وشلون دخل قلبهابس ماعلمت أحد وأكتفت بقول يمكن أعجاب وموحب حقيقي فأنصتت
فيصل : أنا الحمد لله تمام أنتم وشلونكم وامي أبوي وبندر
ملاك: كلهم طيبيب بس ينتظرونك تجي وتفرحنا بشوفتك
فيصل: خلاص أجل ابي أقولك شي
ملاك: قول وسرك في بير
فيصل: راح أجي الشهرالجاي أخذت أجازه أسبوع وراح أقضيهاعندكم لاتعلمين أحد
ملاك طايره من الوناسه:أحلف يافيصل
فيصل:والله يالله ياملاك أكلمك بعدين مع السلامه
ملاك:مع السلامه
لفت مها تستهبل: مين
ملاك واعيونها تلمع:فيصل
طلال:ومن فيصل هذا
لفت ملاك يمه: أخوي الكبير وقصرت صوتها فديته
ماقدرت مها تمسك عمرها:وش يبي
ملاك:أبدا مشتاق لي عندك مانع
أستحت مها وتكلمت ملاك: أذاوصلت راح أقولك
وصلوللمزرعه ونزلو الاغراض ودخلتهم ملاك داخل وماقصرت مها
مها: يالله ماتبين تقوليلي
ملاك بستغراب: وش أقول
مها تتأفأف:أف يعني أنتي وش قلتيلي بسياره
تذكرت ملاك بس سوت نفسها ماتذكرت: نسيت ذكريني
مها بنفاذ صبر: فيصل وش قال
ملاك:أها توتذكرت مشاالله عليك يامها مانسيتي مع طول المسافه
قالت مهافي نفسها بلاك ماتدرين قاعده على نار
مها:قولي مشاالله
ملاك أبتسمت ابتسامه أول مره تشوفها مها وقالت: فيصل بيجي الشهر الجاي عنده اجازه ماتدرين قد أيش مستانسه
مها طيرت عيونها ماهي مصدقه حبيبهابيجي
سمعوا حمد ينادي ملاك وطلعت عشان تجيب باقي الاغراض
مها فرحانه: ماصدق حبيبي بيجي وقفت كلامها ماتدري كيف أطلعت من فمهاهالكلمه شالت فكرت أنها تحبه بس قالت أذا أناماحبه ليش مهتمه فيه ليش أبي طاريه ليش
ملاك أدخلت ولقت البنت سرحانه: مها حبيبتي وش فيك
مها: لاحبيبتي مافيني شي بس أحس راسي يوجعني
وقامت عشان تروح لغرفتها
أستغربت ملاك يوم نجي كانت فرحانه والحين (أرفعت أكتوفها )مدري عنها بس خلني أرتب الاغراض
صلوا العصر فالمزرعه وجوا الاعمام وعيالهم في البدايه خافت ملاك بس سمت وتوكلت على الله
دخلو شغالاتهم كانوا ثلاث شغالات وقعدوا يناظرون في ملاك خافت المسكينه لانهم يتكلمون وماتدري وش يقولون
لين دخل حمد وشاف ملاك كيف خايفه ناظرفاشغالات وقال: جهزوا القهوه والشاهي مفهوم بصراحه رحم ملاك
طلع حمد من المطبخ متوجهه لشباب اللي جالسين عند الخيول
ها وين رحت يابوالشباب
حمد:رحت أقول حطوا القهوه والشاهي بس أكسرت خاطري
ياسر:ومن اللي أكسرت خاطرك لايكون شغاله ههههههه
لين جاء ولد عمهم طارق:أقول حمد مين جاي معكم
حمديناظر فيه:محد
طارق بأصرار:الا في أحد جاي معكم أناشفت وحده تشتغل فاالمطبخ
وقف طلال اللي كان راكب الخيل يوم سمع الكلام
حمد: أيه هذي شغالتنا
طارق منقز أعيونه:شغالتكم أنت من صدقك هذي شغاله
حمد:شفت عاد
جاء طلال وقف عندهم
ألتفت طارق يم طلال يبايتأكد
:صدق ياطلال هالبنت شغالتكم
طلال:ايه فيها شي
طارق: طيب ملامحه موأندنوسيه كنها خليجيه
حمد ضحك: ههههه موخلجيه وأنت الصادق الاسعوديه شفت وشلون حلوه(ويغمزلطارق)
طارق ببتسامه جانبيه: مو حلوه الاجميله
أنقهر طلال ومايدري ليش منقهر بس قال: أتوقع أن البنت جايه تدور رزقها مو مثل البنات اللي تبغون
ياسريناظرفي حمد:لايكون هذي اللي كاسره خاطرك ياحمد نفسي أشوفها
حمد:أي والله يوم دخلت كانت خايفه
طلال في نفسه ياليتي وديتها لهلها راح وخلاهم يكملون سوالفهم
فالمطبخ جت مها لملاك:ملاك
تعالي أعرفك على البنات
ملاك خايفه:بس يامها أمك بتزعل أناشغاله
مها قربت لملاك :ماراح تزعل بعدين شوفي فيه شغالات يسدون مكانك
ملاك مصره: لا يامها مابي أطلع من المطبخ (وبظحكه)والاتبينها تخفخني
هنا دخل طلال بعد ماسمع كلامهم وقال: أنتم وش تسون هنا
مها كنهالقت الفرج: أشو أنك جيت ياطلال
طلال: خير ويطالع في ملاك اللي منزله راسها صدق ماشفت فيها شي غلط بنت محترمه ولسانهاطويل
مها: أقولها تعالي أعرفك على البنات تقول لا
طلال يناظر فيها: وليش لا ياملاك
ملاك جاهابرود فضيع أول مره ينطق أسمي حتى هو مايدري شلون نطق أسمها أنتبهت لنفسها وقالت:لاني مابي مشاكل
رفع حاجب:مشاكل من مين
ماردت ملاك وقالت
مها: من أمي بس أناقلت أمي ماراح تدري عنها وبعدين في شغالات يسدون مكانك
طلال بجد: خلاص بتروحين مع مها وأتوقع الحين مافيه شغل وكل الشغالات بغرفتهن واكيد أنتي مو جالسه عندهن
مها بنفاذ صبر: ياالله عاد وش قلتي ياملاك صرتي شغاله مدلعه
ملاك تضحك: أي والله مدلعه بس أذا ظربتني أمك ياويلك
ضحك طلال وقال: أضربيها وأنا بساعدك
أستحت ملاك ماتدري وش فيها
مها زعلانه: يوه حتى أنت ياخوي معها أثنين على واحد مايصير
قربت ملاك من مها وتمسح على ظهرها :خلاص حبيبتي راح أخلي طلال يظربك خفيف وش قلتي بس لاتزعلين
مها: خلاص ومشوا قدام أنظار طلال اللي مايدري وش فيه أول مره يشعر بشعور حلو ودافى أناأحبها هز راسه بلا وش فيك ياطلال تراها شغاله ماهي من مستواك شيل التفكيرمن بالك
وطلع من المطبخ بعد ماشرب مويه
أتمني من قرء الجزء الاول ان يكون أستمتع وأنتظروا الجزء الثاني لان راح تشوفون أحداث جديده تواجه ملاك وقصة حب مستحيله وهوالجزء الاخير
كل الخير لكم ..
حبيت انزلكم هذه الروايه الجديده الاولى لكاتبتها ,,,نظرة امل,,,
انشالله تعجبكم بس منتظره ردودكم عليها
[(:بسم الله الرحمن الرحيم:)
أتمني لك من يقرأ قصتي الاستمتاع
للكاتبه:::سراااsاااب
ربما تكون قصتي في نظركم خياليه لكن في هذا الزمن ربما يضعنا في موقف هذه القصه
هذا الزمن أصبحت الماده ضروريه فلا تتوقعون أن القصه خياليه ربما تصبح من الواقع
(الجزء الاول)
(* قسوة زمن*)
((ملاك))
عمرها ٢٠ سنه داخله ٢١
حلوه وجذابه لاأقدر سوى أن اقول أسم على مسمى فقيره لها أخوين الكبير: فيصل يدرس برى والاوسط: بندر صايع وضايع أتعب أهله معه وهي أصغرهم لهاأخت متزوجه وبديره بعيده و زوجها مانعها ماتزورهم الا بسنه مره
(معلومه) أبوهم مقعد (مشلول)
القصه
يالله قومي دبريلي فلوس والا والله لأقلب البيت فوق تحت
ملاك:والله يابندر مامعي ولاريال بندر تكفى عشان خاطري قصرصوتك لايسمعك أبوي وامي
بندر: أقول أذلفي عن وجهي
ويدفها وتطيح على السرير
وبندر ماتأثرأبد بدموع أخته اللي تبكي نكت غرفتها من فوق لتحت وجاءلمهاويناظر بلسواره الذهب اللي بيدها
بندر: أقول عطيني اللي بيدك أتوقع محد شافه ولاستفدنا منها
ملاك تبكي : لايابندر إلا هذا هذي هدية أبوي وغاليه علي إلاهذي
بندر:أقول هاتيها
ويسحبها من يدها وأوجعها فيها لدرجه صب دم من قوته
وطلع
قعدت تبكي وتندم على حظها الاي في سني عايش وفرحان الاهي ليش ليش
الا بيد تنحط على ظهرها
أرفعت راسها الا أمها
أمها: وشفيك يابعد عمري
ملاك:مافيني شي يمه (وتمسح أدموعها)وتبتسم
أمها: وشلون مافيك شي وصوتك أنتي وخوك الله يهديه واصل لبر وأدموع في عينك يابنتي تراني أحس فيك أنا أم واحس بلي فيكم
(أنهارت ملاك وقعدت تبكي في حضن أمها اللي بكت وهي أتشوف حال بنتها اللي ماعاشت حياتها مثل اللي بسنها وكيف ذبلانها ومافيها حياة بس عايشه لغيرها )
*اليوم التالي*
صباح الخير لاحلا أبو واحلا أم وحبة راسهم
أمها وأبوها:صباح النور
أمها : ها يمه نمتي زين
ملاك وهي ترجع خصله من شعرها ورا أذنهاوتناظر في أمها مبتسمه: الحمدلله نمت زين
ملاك وهي تناظربصحنهاوتحرك رجلينها بتوتر
يمه يبه أبي أقول شي بس لاتعصبون
أبوها: قولي يابنتي نسمعك
ملاك: أناأمس قاعده أفكر وقررت(كانت تقولها ومتردده) أبي أدور على أي شغله أن شاءالله أشتغل شغاله
ابوها عصب: لالا وشيلي الفكره من راسك أنتي فاهمه
ولف كرسيه وهو معصب
ناظرت في أمها لقت في نظراتها لوم وعتب أزعلت ملاك وراحت لامهاوقالت
يمه أبيك تفهميني البيت يبي من يصرف عليه وأبوي مايقدر لحالحه أبيك تفهميني يايمه
بكت أمها: المفروض أخوك اللي ماأدري وينه للحين هواللي يدور الشغل
أبتسمت ملاك عشان تخفف عن امها: طيب أنا وشفيهالوأشتغلت
أخير وافق أبوملاك أنها تدور على شغل وهي مخلت مكان الاراحتله
اليوم الثاني
طق طق طق
كانت ملاك منسدحه على رجل أمهاوتلعب بشعرها
أمها:ملاك يمه أفتحي الباب تلقينها أم خالد جارتنا
ملاك: طيب يمه (أرفعت شعرها بهمال وراحت)
ملاك: هلا ياخالتي تفضلي
أم خالد: زاد فضلك يابنتي
وتدخل أم خالد وتسلم على أم ملاك أمها:وشلونك يأم خالد
أم خالد: الحمدلله أنتي وشلونك
وأخذتهم السوالف لمادخلت ملاك بصينية القهوه
أم خالد: أناسمعت أنك أتدورين على شغل
ملاك: أي والله ياخالتي بس مالقيت
أم خالد وكنهاجاده: وأنتي في بالك شغله معينه والا أي شغله
ملاك :لاياخالتي أبي أي شغله ماخليت مكان الارحت بس ماالله كتب
أم خالد تبي تساعدهم :طيب أناأختي أم فارس جارتها بتسافر شغالتها تشوف أهلهاو...
أم ملاك عصبت: وقفي يأم خالد بنتي ماتشتغل شغاله عند أحد
أستحت أم خالد: أنا أسفه ياوخيتي بس حبيت أساعدكم
أزعلت أم ملاك من اللي يصير
بعد هدوءوصمت ارجعوا للسوالف الا وحده كان تفكيرها بلكلام اللي قالته أم خالد
أم خالد: يالله أنا بستأذن أبي اروح
أم ملاك: مسرعك توك مامدانا أستانسنا
أم خالد: مره ثانيه أنشاالله مع السلامه
ملاك وامها :مع السلامه
(كانت تحرك قصتها وتفكر )
نادتها أمها:ملاك يمه وش فيك سرحانه
ملاك وخايفه من رد أمها: يمه أبي أشتغل شغاله مافيها شي
ماردت أمهاوأكتفت بلبكي من القهر وماتدري وش تسوي بنتها عنيده وراسها يابس وأذابغت شي تسويه
(كلمت ملاك أم خالد وأخذت رقم اللي بتشتغل عندهم وطلع بيت رجل أعمال معروف أمها وابوها رفضوا بسبت الاولاد لان عندهم ثلاث اولاد وبنت وحده كبرها بس هم واثقين فيهاوبتربيتهم)
مرت الايام وجا يوم وداع أمها وابوها طبع راح كله بكي
ملاك : خلاص يمه راح أجيكم كل خميس وتشوفيني
(طبعاأم جابر اللي بتشتغل عندهم ملاك أرفضت بس أقنعتها ملاك وحالهم الصعب فوافقه تجيهم الخميس وترجع الجمعه فوافقة )
كانت بسياره تبكي على حالها اللي وصلها للي هي فيه شغاله ياملاك٠شغاله
وصلت للبيت أوالقصر
أنفتحت البوابه ورفعت عينها وشافت اللي كانت تحلم تشوفه(كانوايقولون حلو وكبير بس ماتوقعته كذا هذا في الاحلام بنسبه لها طبعنا) بوابه كبيره معتقه بذهبي والحديقه كبيره كلها أشجاروورود٠ اللي واقفه قدامه شي من الخيال (مسكينه ماقد شافت بيت غيربيت أم خالد)
دخلت البيت وستقبلتها شغاله٠قالت في قلبها هذولي كم يبون شغاله صدق ماشفت خير
نادتها أم جابر وانبهرت ملاك منها كانت لابسه جلابيه فخمه وحاطه ميك أب ملاك: نعم
أم جابر:أسمعي أنتي الحين تشتغلين عندي يعني الاوامر اللي على الخدم الباقي تنطبق عليك٠مفهوم
ابلعت الغصه ملاك:مفهوم
أم جابر:وأكيدبماأنك وافقتي تشتغلين عندي أكيد ماراح تشتغلين وأنتي متغطيه أكشفي خليني أشوف
صارخت ملاك:لاالغطوه مراح أنزلها
وقفت أم جابر معصبه: وترفعين صوتك علي شغالات أخر زمن وبستهزاء والله أنتي اللي بتشتغلين عندي نزلي أشوف
أنقهرت ملاك وكانت تبي ترد بس رضت لانها هي اللي جابتهالنفسهاتشتغل شغاله وأكشفت
أنبهرت أم جابر يوم شافت ملاك ماكانت تتوقعهاكذا هذي المفروض ملكه موشغاله كانت ملاك المسكينه متزينه عشانهاأول مره تطلع كانت حاطه كحل وروج زهر كانت ملامحه ناعمه عيونهاوسيعه وحواجبهامقوسه وخشمه طويل وفمه صغيربس أذا ضحكت تطلع أسنانها وغمازاتها ضحتهاوأبتسامتها جذابه أنقهرت أم جابرمن اللي تشوفه وقالت
انتي متأكده أنك جايه تشتغلين
أرفعت راسهاملاك: مافهمت أكيد جايه أشتغل
ظحكت أم جابر:واللي جاي يشتغل يحط كحل وروج ويدري أن فلبيت عيال
أنصدمت ملاك وانقهرت وقالت:ماكنت أدري أني بوطي الغطوه
أم جابربصرامه :مالك شغل عندي روحي دوري على غيري
أرفعت راسهاملاك من الصدمه والدموع تجمعت في عينهاوقالت:لاالله يخليك قولي وش أسوي وأسوي حنا حالنا صعبه وأنتي أكيدتعرفينها والالوالزمن ماحدني ماجيت وأشتغلت تكفين لاتطردين
(كانت فيه عيون تناظر في المنظرالمؤثر ومتعجب من الي يشوفه)
أم جابربجبروتها:قلت أنقلعي ماأبيك تشتغلين عندي
ملاك ودموعهاتنزل شلالات :تكفين ماأبي أخيب أمل أهلي هم حاطين أملهم فيني تكفين حياتنا صعبه ولولا وسخ الدنيا(الفلوس)ماجيت لازم أصرف على أهلي قولي وش أسوي وأسوي تكفين لاتطردين
أم جابر كنها حنت على الضعيفه اللي تبكي قدامها ورفعة يدها: أجل أسمعي كحل ماأبي روج ماأبي أحجابك ماينزل من راسك أنتي فاهمه
ابتسمت ملاك: شكرا من جد شكراوماراح أنسى معروفك معي
وبدت ملاك تشتغل لها الحين يوم مارتاحت في نومتها يمكن ماتعودت برى بيتها بس طبقت كلام أم جابرلاكحل ولاشي والطرحه عليها
أدخلت عليها مها
(خلونا نعرفكم على عايلة أم جابر لهاثلاث أولاد الكبير جابرمتزوج وله أولادعمره ٢٦
وطلال المتوسط يشتغل في شركة أبوه و عمره٢٣
وحمد اخرالاولاد عمر ١٩صايع يحب البنات وبنت وحيده ومدلعه وجميله أحلامن ملاك عمرها٢٠ كبر ملاك نرجع للقصه)
أدخلت مها المطبخ وشافت ملاك
مها:أنتي الشغاله الجديده
أبتسمت ملاك: أيه أناالجديده
صارخت مهاونقزت أعيونها: سعوديه ماصدق أنامن شفت وجهك قلت في شي غلط
أضحكت ملاك من ردت فعلها: لاحبيبتي صدقي في هزمن توقعي أي شي
مها:طيب وش اللي حدك تصيرين شغاله
ملاك حزنت:موقلت الزمن يحد الناس على أشيامانبيها
مهامنصته ودها تعرف وش قصتها:طيب ليش الزمن حدك ممكن تقوليلي قصتك
ملاك أبتسمت وارتاحت لمها تحسهاطيبه عكس أمها: ممكن
أنا بنت ماعشت زي كل البنات أنابنت عشت على الهم
من يوم سافر أخوي فيصل اللي كان شايل البيت فوق راسه وماخلانا بحاجت شي
قاطعتهامها:ليش هووين سافر
ملاك :لاتقاطعيني(هزت راسهامهابخلاص وابتسمت)جته بعثه من الحكومه يكمل دراسته برى بلبدايه رفض وقال من يهتم فيكم ويشوف متطلباتكم بس أبوي هاوشه وقال هذا مستقبلك وحنانعرف ندبرأنفسناراح ومن يوم راح والبيت كل يوم فيه هوشه بسبت أخوي الله يهديه أكبر مني بسنه يصيح ويصارخ يبي فلوس وإذا أخذها ماعادأنشوفه أمي تعبت وابوي كذامرينخفض عنده الضعط بسببه وبلامبالاه(وتوريها أثرالجرح اللي بيده)هذي أخر مره أخذ من أسواره ذهب كانت هديه من أبوي رفضت بس هوسحبهامني وجرحني كل يوم فليل أبكي على الحال اللي فيها وأخوي اللي مايدري عنا تخيلي البيت يجلس يوم يومين مافيه أكل كذامره يشترولنا الجيران معهم
أكره الذل بس الحاجه لوأنا لحالي كان أموت ولاأخذت بس أنا عندي أم وابو لازم ياكلون وأهتم بصحتهم (وتمسح دموعها) وهذي هي قصتي والزمن اللي خلى سعوديه تشتغل شغاله
مهاماسكه بكيتها:ماشاالله ياملاك وللحين صابره لوأنا بمكانك كان مت
أبتسمت ملاك: أحمدي ربك على النعمه
مها:بصراح أرتحت لك كم عمرك
ملاك مستانسه :حتى أنا أرتحت لك عمري ٢٠داخله ٢١
أنقزت مها وجلست جنبهاورجعت شعرها ورى :يعني كبري ياسلام أنامن زمان كان نفسي عندي أخت واااااي وناسه
أضحكت ملاك على حركاتها:حتى أنا تمنيت يكون عندي أخت
مهامبتسمه:خلاص صرنا خوات من اليوم طيب قوليلي أخوك وش يدرس قلتيلي أيش أسمه
ملاك رجعت لها الحياه :فيصل يدرس طب لانه ممتاز مشاالله عليه
مها:وانتي تدرسين
ملاك نزلت راسها:كنت أدرس لين خلصت الثنوي وجلست فلبيت
مها معصبه:طيب ليش ماكملتي واهملتي مستقبلك
ملاك وكن الدموع بتنزل:كنت ناويه أكمل بس لماأبوي تعب وانشل صعب علي أخلي أمي لحالهابلبدايه عصب فيصل بس يعرف أني عنيده واستسلم
مهامستحيه: تصدقين ودي أشوف فيصل
أضحكت ملاك: هههههههه وش تبين فيه
مها أستحت:بس أحس طيب وحنون طيب قوليلي هو ليش ماجاء يأدب أخوه ويشوف حالكم
نزلت راسه ملاك وزينت الطرحه:أبوي حلف عليه مايجي لين يخلص دراسته وبشغلي تراه مايدري عنه وذاتبين تشوفين صورته أناجايبه صورنامع بعض
مها أنقزت:واي وناسه يالله تعالي وريني صوركم وتسحب ملاك وقاموا
(البنات ماكانوا يدرون عن اللي قاعد يسمع سوالفهم )
في غرفة ملاك
كانت ملاك منزله الطرحه ورافعه شعرها بأهمال كانت كيوت حتي مها أنهبلت عليها
ملاك:هذا أخوي فصولي حبيب قلبي(فيصل أكبر من ملاك ب٤سنين وسيم بمعني الكلمه )
أنهبلت مهامن يوم شافته يوم ملاك تتكلم عنه تبي تشوفه ويوم شافته أنهبلت عليه
مها:مشاالله حلو تصدقين فيه شبه منك
ملاك مستانسه: فديته أخوي٠
مهاوهي ترفه شعرها الي طاح علي عيونه:شكلك تحبينه
ملاك :موأحبه الا أموت فيه
مها بأهتمام:طيب يكلمكم
ملاك بعفويه:أيه يكلمني ويسأل عن ماماوبابا ويسولف معي لين ينقطع الخط بيني وبينه
وفجأه دق جوال ملاك وأنقزت تجيبه ولتفتت لمهاوعلى وجهها أبتسامه وقالت:الذيب عند ذكره
أنجنت أنهبلت داقات قلبهاتدق لماأسمعت صوته الخشن اللي فيه رجوله وتقول في نفسها أثقلي يابنت تراك توك تعرفينه(لان ملاك حاطه عسبيكر)(الميكروفون)
ملاك:فيصل كيف أختباراتك أنشاالله حليت زين
فيصل: يوه ياملاك أناداق عشان أنسى الاختبارات وتذكريني فيها
ملاك:أبيك تشد حيلك عشان تجينا تعالي مهاوين رايحه(مهاقامت ماتدري وش فيهااول مره تحس بشي غريب ماتقدر تستحمل)
فيصل:ملاك مين تكلمين منهي مها
مها أول ماسمعته ينطق أسمها قالت في نفسها يازين أسمي من فمك أثقلي يابنت وشفيك أنجنيتي (حديث النفس)
مهابهمس عشان مايسمعها:لاحبيبتي أخليكم على راحتكم وطلعت منا ولغرفتهاعلى طول تحاسب نفسها على اللي يصير
فيصل:ملاك أنتي معي والا اسكر
ملاك مبتسمه:لالامعك
فيصل معصب: وشفيك ساكته طيب ومنهي مها هذي
ملاك وهي تطيح على السرير: هذي وحده من صديقاتي مسيره علي يوم كلمتني طلعت
وقعد يسولفون لين أنقطع الخط
مراليوم عادي وهادي على ملاك اللي فقدت مها بعدماستانست فيها فتوقعت ملاك أنهاماهي فاضيه لشغاله مثلي تقابلها اربعه وعشرين ساعه ماتدري أن البنت رايحه فيها
مراسبوع وجاء يوم الخميس
لبست عبايتها وطلعت من غرفتها ركظ صادفها طلال قال:على وين انشاالله(وهو يلوح يده)
كان طلال حلو وجميل بمعنى الكلمه بس معطت لجماله ووسامته مجال قالت ورافعه حاجب:أتوقع هذا مو شغلك
وتروح وتخليه ودعت مهافي طريقها وراحت
وصلت لبيت اللي ضمها وحضنها بفرحها وحزنها شافت أمها وابوها يستقبلونها ركضت لمهم وحضنتهم وقعدت تبكي وتقول :واشتقت لكم أشتقت لكم
لوالزمن يرحم
ومايقسى علينا
كان الهنا والفرح موجود
والذل مبعد(ن)عنا
مر شهر على ملاك وهي تشتغل في بيت أبوجابر علاقتهامع مها حلوه وتضايقت كثير من حمد وكلامه وحركاته بس ماعلمت أحد
أنتي جيبي فطوري بصاله
ملاك منقهره من أسلوبه:طيب وتكلم نفسها شغالتك أنت وجهك
سمع كلامها وقال: وش قلتي وبعدين أذابتقولين شي قوليه بوجهي فاهمه(ويأشربيده)
لفت ملاك معصبه:فاهمه أخ طلال أوامر ثانيه
طلال:لاترفعين صوتك علي تراك تشتغلين عندي
بدت الدموع تنزل على خدها: أدري أني أشتغل عندك أنت وش تبي فيني (وتصارخ)الله ياخذني وارتاح من الذل اللي أنا فيه
وتطلع من المطبخ بتروح تبكي بغرفتها وسط ذهول طلال اللي ماتوقع ردت فعلها
طلال:أناماقلت شي اظاهر بحط فطوري بنفسي
في غرفة ملاك
يارب يارب ساعدني بلي أنا فيه تعبت والله تعبت
ساعات أحس أن الزمن قاسي....ولايمكن يلين
وساعات أحس أن الفرح محال.... ولايمكن يحين
هذا اللي شفته بدنيتي
كل مامضالي من سنين
يامن يعلمني الفرح
ويفرح القلب الحزين
ويفرح القلب الحزين
ملااااااااااااااااااااااااااااك
صحت ملاك مفزوعه من دوامة الحزن اللي فيها وأخذت طرحتها ولفتها بسرعه وطلعت ركض
ملاك:نعم خالتي
أم جابر معصبه وطالعه عيونها:تخلخلت أعضامك أناماني خالتك وتقرب يم ملاك وتمسك شعرها وقالت:هذا أيش هاتكلمي مطلعه شعرك(وتجرشعرهابقوه) لمن قولي ياحيوانه
ملاك تصارخ من الوجع في راسها سمع الصراخ طلال لانه كان يفطروطلع وشاف المنظر
أم جابرتكمل ماهتمت فلي ماسكتهاومعذبتها لين جت مها وشافتهم
مهاخايفه :يمه حرام فكي البنت
أم جابر:هذي بنت الاحيوانه وقليلت أدب
ودف ملاك على الارض وتصعد فوق
ملاك تبكي على الارض: حرام عليكم حرام أناموعبده أناجايه أدور رزقي وتقوم واقفه وتمسح دموعها أنابنت أهلي مربيني أحسن تربيه ومعلمين الصح من الغلط واثقين فيني وأنا عند ثقتهم
وراحت وخلت مها اللي ماتدري وش ترد عليها
دخلت ملاك المطبخ ومانتبهت لطلال لان دموعها معميتها
طلال: أحم أحم
ملاك أنقزت ودخلت شعرهافاطرحه ولفت لمه وقالت:أنت هنا من متى(وتمسح دموعها بظهريدها كانت بريه)
طلال من يوم أدخلت رحمها:من يوم رحتي سويت فطوري بنفسي وشوفي حالتي
ألتفت ملاك وشافت الدنيا منكته والصحون طالعه أبتسمت بعدين أضحكت من شكله:ههههههههههههه
م ا أقدر أسفه هههه وتمسك بطنها
أما طلال يناظر فيها منصدم ويقول أكيد البنت أنجنت بس حلوه وش التفكير هذا ياطلال توك تشوفها أيه أول مره أشوفه تضحك ويناظر فيهاوالابتسامه شاقه وجهه
ملاك أمسكت نفسها غصب ورجعت خصل شعرها ورا الحجاب: أنا أسفه ماكان قصدي أضحك عليك معليه راح أخلص هذا كله بس أنت أكلت
طلال يناظر فيها غريبه البنت توظاربتها أمي مسرع نست بعدين رجع يفكريوم أطلعت ملاك وش سوا
طلال:طيب أنا أعلمك وشلون تصارخين علي ومسويه نفسك زعلانه
وهنا قلب المطبخ فوق تحت كله عشانها
ملاك :أخ طلال وين رحت
طلال قام من الكرسي:لامارحت أنا هنا وبعدين أنا أكلت والحمد لله وطلع ماخلى لملاك فرصه
دق تلفون طلال: هلا ببو خالد
أبوخالد(جابر):هلافيك وشلونك وشلون الاهل عساهم بخير
طلال: لاأبشرك كلهم بخير وسلمون عليك
ابو خالد: أجل أسمع اليوم أنا عازمكم فالمزرعه
طلال: وش عندك عازمنا
أبو خالد: أبد طال عمرك ملينا من البيوت والجدران نروح لمزرعه ونسابق بلخيول ونسمر فيها
طلال:والله حمستني مشتاق لسباقاتنا
أبو خالد:أجل حاول فيهم
طلال واثق: خلها علي يالله فمان الله
أبوخالد:فمان الله
ويركب طلال لأمه اللي كانت جالسه بصاله فوق طلال: يمه ليش جالسه هنا كان جلستي تحت
أم جابر بقرف:مبي أشوف الشيفه اللي تحت
سرح طلال فيها وبضحكتهاوبلي سواه
أم جابر:طلال يمه وش فيك
طلال صحى على نفسه:معلينامنها أبيك بسالفه
أم جابر بأهتمام:خيريمه
طلال:يمه بصراحه طفشنا من الروتين نبي نغير جو بنروح للمزرعه وش قلتي
أبتسمت أم جابر:أنت تدري ماعندي مانع (وكشرت) بس ذي الشيفه ماتروح
طلال بأستغراب:منهي
أم جابر بقرف:من غيرها ملاك
طلال انقهر:لا يمه حرام نخليهالحالهامسكينه
أم جابر: مسكينه الا حيه
طلال:يمه الله يهديك أنتي وش عليك منها أنتي بطريق وهي بطريق هاوش قلتي
أم جابر:اللي تشوفونه
نظفت ملاك المطبخ وجلست تناظرفالحديقه عشان ترتاح وماأمداها الامها:ببببوووووووووووووم
أنقزت ملاك من مكانها:الله يقطع بليسك يامهاخوفتيني
مها جلست على الكراسي:لانك جبانه
ملاك :أناموجبانه بعدين قوليلي وينك من اليوم
مها أستحت:بصراحه مستحيه منك
ملاك بستغراب:مستحيه مني ليش
ناظرت فيها مها:من اللي صار اليوم
أبتسمت ملاك بطيبت قلب وحطت يدهافوق يد مها:مهما صاريامها أنتي مالك شغل حطي هذا في بالك
هزت مهاراسه وفجأه دخل طلال :ياالله قوموا رتبو لوازم الرحله
أنقزت مها:رحله أحلفه
طلال يتطنز: أحلف (بجد) يالله جهزوا كل شي ومع أذان العصر بنطلع
مها راحت لملاك:ياي ياملاك أخير راح أعرفك على بنات عمي
ملاك:بس أنا ماراح أروح
رجع خطوه طلال ولف عليها وقال:حنا ماعندنا بنات يجلسون لحالهم وطلع وخلاهم
ناظرت مهافي ملاك:خير أن شاالله بتجلسين احسن يوم طلال هاوشك
ملاك منزله راسه ماأمداها تقول حرف الا أم جابر تقول: أنتي(تاشر بيدها لملاك) قومي جهزي الاغراض بسرعه وانتي(تأشريدها لمها) أطلعي
مها:لايمه بساعد ملاك بتجهيزات
عصبت أم جابر:أقول أطلعي وتناظرفي ملاك حتى عيالي صاروا يكسرون كلمتي
ملاك:خلاص يامها أطلعي والاراح أخلي الشغل عليك كله
مها: أناماأدري ليش أمي تعاملك كذا
ملاك: ربك كريم روحي جهزي نفسك
مها:وانتي
ملاك: أناوش عندي ماعندي شي
مها بنظرات تخوف: طيب وطلعت
ملاك:هذي وش فيها
رتبت ملاك كل شي حتى سوت كيك وحلى وجت تبي تطلع صادفهاطلال ناظرت فيه وهوبعد يناظرفيها لانهم قريبين من بعض نزلت عيونهاوبعدت وقالت:طلال أبي أطلب طلب
أنبله طلال ماعاد يعرف وش يقول:وش تبين
ملاك:إذابتروحون للمزرعه نزلوني عند أهلي وروحوا
عصب طلال:انا إذا قلت لا يعني لا بتروحين معنا جهزتوا
ملاك:أيه خلصنا
ومشى داخل المطبخ وشاف صينيت الحلا والكيك وقال :هذا أيش
خافت ملاك:مثل منت شايف
حلاوكيك
طلال:ادري انه حلا وكيك من اللي مسويه
ملاك :أنا ومنزله راسه
أبتسم طلال من حركتها وقال معصب:وليش تسوينه حناماندري أيش مسويه فيه
أرفعت راسها معصبه :تدري وش حاطه فيه سم عشان تاكله وأرتاح منك اوف
وطلعت عشان تتجهز
طلال: غبي ياطلال ليش غبي بطقاق اللي يطقها دلوعه وأخذا الاغراض واركبوا كلهم السياره متجهين للمزرعه طبعا أم جابر ماركبت مع طلال أركبت مع حمد عشان ماتبي ملاك معها
كانت سيارة طلال هدوء
طفشت مهامن الهدوء: طلول شغل المسجل
طلال:أختاري السديه وشغليه
فتشت مها في الدرج ومالقت اللي تبيه لفت يمه وقالت:ماعندك للوسمي
طلال: أيه ماعندي لاني ماحبه
مها:فيه أحد مايحب الوسمي(وتلتفت لملاك)صح ملاك
ملاك: تبين الصراحه
مها:أكيد
ملاك: عادي عندي كل المغنين متشابهين
مها:أقول انطمي أحس وش عرفك بزين
ويشغل طلال شريط من عنده
خلك بجنبي لاتخليني
محتاج قربك يانظر عيني
يفداك عمري باقي السنيني
خل الزعل يازين خاف الله
كانت ملاك تطالع فشوارع والسيارات من زمن ماشافتهم وينك يافيصل تشوف حالنامن بعدك وماكانت تدري مين اللي يناظرفيهامن الامرايه ويتاملها
في هالوقت دق جوال ملاك طلعته من الشنطه وشافت الاسم أستانست
وقالت: معليش تقصرفي الصوت
لفت مها:مين اللي يتصل خرب جونا
ملاك مو رايقه له ماتشوف قدامه الافيصل وبس ردت
الو
فيصل: حياالله هالصوت
ملاك: الله يحيك وشلونك وش أخبارك
أعرفت مها ان ملاك تكلم فيصل وقعد قلبها يدق أطبول معلومه مها مسميه فيصل الحب الغريب لانه ماتدري وشلون دخل قلبهابس ماعلمت أحد وأكتفت بقول يمكن أعجاب وموحب حقيقي فأنصتت
فيصل : أنا الحمد لله تمام أنتم وشلونكم وامي أبوي وبندر
ملاك: كلهم طيبيب بس ينتظرونك تجي وتفرحنا بشوفتك
فيصل: خلاص أجل ابي أقولك شي
ملاك: قول وسرك في بير
فيصل: راح أجي الشهرالجاي أخذت أجازه أسبوع وراح أقضيهاعندكم لاتعلمين أحد
ملاك طايره من الوناسه:أحلف يافيصل
فيصل:والله يالله ياملاك أكلمك بعدين مع السلامه
ملاك:مع السلامه
لفت مها تستهبل: مين
ملاك واعيونها تلمع:فيصل
طلال:ومن فيصل هذا
لفت ملاك يمه: أخوي الكبير وقصرت صوتها فديته
ماقدرت مها تمسك عمرها:وش يبي
ملاك:أبدا مشتاق لي عندك مانع
أستحت مها وتكلمت ملاك: أذاوصلت راح أقولك
وصلوللمزرعه ونزلو الاغراض ودخلتهم ملاك داخل وماقصرت مها
مها: يالله ماتبين تقوليلي
ملاك بستغراب: وش أقول
مها تتأفأف:أف يعني أنتي وش قلتيلي بسياره
تذكرت ملاك بس سوت نفسها ماتذكرت: نسيت ذكريني
مها بنفاذ صبر: فيصل وش قال
ملاك:أها توتذكرت مشاالله عليك يامها مانسيتي مع طول المسافه
قالت مهافي نفسها بلاك ماتدرين قاعده على نار
مها:قولي مشاالله
ملاك أبتسمت ابتسامه أول مره تشوفها مها وقالت: فيصل بيجي الشهر الجاي عنده اجازه ماتدرين قد أيش مستانسه
مها طيرت عيونها ماهي مصدقه حبيبهابيجي
سمعوا حمد ينادي ملاك وطلعت عشان تجيب باقي الاغراض
مها فرحانه: ماصدق حبيبي بيجي وقفت كلامها ماتدري كيف أطلعت من فمهاهالكلمه شالت فكرت أنها تحبه بس قالت أذا أناماحبه ليش مهتمه فيه ليش أبي طاريه ليش
ملاك أدخلت ولقت البنت سرحانه: مها حبيبتي وش فيك
مها: لاحبيبتي مافيني شي بس أحس راسي يوجعني
وقامت عشان تروح لغرفتها
أستغربت ملاك يوم نجي كانت فرحانه والحين (أرفعت أكتوفها )مدري عنها بس خلني أرتب الاغراض
صلوا العصر فالمزرعه وجوا الاعمام وعيالهم في البدايه خافت ملاك بس سمت وتوكلت على الله
دخلو شغالاتهم كانوا ثلاث شغالات وقعدوا يناظرون في ملاك خافت المسكينه لانهم يتكلمون وماتدري وش يقولون
لين دخل حمد وشاف ملاك كيف خايفه ناظرفاشغالات وقال: جهزوا القهوه والشاهي مفهوم بصراحه رحم ملاك
طلع حمد من المطبخ متوجهه لشباب اللي جالسين عند الخيول
ها وين رحت يابوالشباب
حمد:رحت أقول حطوا القهوه والشاهي بس أكسرت خاطري
ياسر:ومن اللي أكسرت خاطرك لايكون شغاله ههههههه
لين جاء ولد عمهم طارق:أقول حمد مين جاي معكم
حمديناظر فيه:محد
طارق بأصرار:الا في أحد جاي معكم أناشفت وحده تشتغل فاالمطبخ
وقف طلال اللي كان راكب الخيل يوم سمع الكلام
حمد: أيه هذي شغالتنا
طارق منقز أعيونه:شغالتكم أنت من صدقك هذي شغاله
حمد:شفت عاد
جاء طلال وقف عندهم
ألتفت طارق يم طلال يبايتأكد
:صدق ياطلال هالبنت شغالتكم
طلال:ايه فيها شي
طارق: طيب ملامحه موأندنوسيه كنها خليجيه
حمد ضحك: ههههه موخلجيه وأنت الصادق الاسعوديه شفت وشلون حلوه(ويغمزلطارق)
طارق ببتسامه جانبيه: مو حلوه الاجميله
أنقهر طلال ومايدري ليش منقهر بس قال: أتوقع أن البنت جايه تدور رزقها مو مثل البنات اللي تبغون
ياسريناظرفي حمد:لايكون هذي اللي كاسره خاطرك ياحمد نفسي أشوفها
حمد:أي والله يوم دخلت كانت خايفه
طلال في نفسه ياليتي وديتها لهلها راح وخلاهم يكملون سوالفهم
فالمطبخ جت مها لملاك:ملاك
تعالي أعرفك على البنات
ملاك خايفه:بس يامها أمك بتزعل أناشغاله
مها قربت لملاك :ماراح تزعل بعدين شوفي فيه شغالات يسدون مكانك
ملاك مصره: لا يامها مابي أطلع من المطبخ (وبظحكه)والاتبينها تخفخني
هنا دخل طلال بعد ماسمع كلامهم وقال: أنتم وش تسون هنا
مها كنهالقت الفرج: أشو أنك جيت ياطلال
طلال: خير ويطالع في ملاك اللي منزله راسها صدق ماشفت فيها شي غلط بنت محترمه ولسانهاطويل
مها: أقولها تعالي أعرفك على البنات تقول لا
طلال يناظر فيها: وليش لا ياملاك
ملاك جاهابرود فضيع أول مره ينطق أسمي حتى هو مايدري شلون نطق أسمها أنتبهت لنفسها وقالت:لاني مابي مشاكل
رفع حاجب:مشاكل من مين
ماردت ملاك وقالت
مها: من أمي بس أناقلت أمي ماراح تدري عنها وبعدين في شغالات يسدون مكانك
طلال بجد: خلاص بتروحين مع مها وأتوقع الحين مافيه شغل وكل الشغالات بغرفتهن واكيد أنتي مو جالسه عندهن
مها بنفاذ صبر: ياالله عاد وش قلتي ياملاك صرتي شغاله مدلعه
ملاك تضحك: أي والله مدلعه بس أذا ظربتني أمك ياويلك
ضحك طلال وقال: أضربيها وأنا بساعدك
أستحت ملاك ماتدري وش فيها
مها زعلانه: يوه حتى أنت ياخوي معها أثنين على واحد مايصير
قربت ملاك من مها وتمسح على ظهرها :خلاص حبيبتي راح أخلي طلال يظربك خفيف وش قلتي بس لاتزعلين
مها: خلاص ومشوا قدام أنظار طلال اللي مايدري وش فيه أول مره يشعر بشعور حلو ودافى أناأحبها هز راسه بلا وش فيك ياطلال تراها شغاله ماهي من مستواك شيل التفكيرمن بالك
وطلع من المطبخ بعد ماشرب مويه
أتمني من قرء الجزء الاول ان يكون أستمتع وأنتظروا الجزء الثاني لان راح تشوفون أحداث جديده تواجه ملاك وقصة حب مستحيله وهوالجزء الاخير
كل الخير لكم ..