< حوار عادي بين أفراد عائلة متعصبة >

[ساروونه]

< حوار عادي بين أفراد عائلة متعصبة >




7
7
7



الأب مخاطب الابن : تعال وله ..

الابن و بكل براءة : نعم ..

الأب : نعامة ترفصك بنص بطنك .. تعال وله ..

الابن : ليش شو سويت ؟

الأب : سواك ضريب يخلع رقبتك ..

الابن : شو في ؟

الام : شاوي يشوي عضمك .. رد على ابوك بأدب وله ..

الابن : هو انا حكيتلك شي ؟

الأب: يحكحكوا جنابك بالعصاية .. اوقف عدل يا حيوان ..

الابن : حاضر ..

الأم : يحضروا على قبرك انشالله .. لما ابوك يحكي انت بتخرس ..

الابن : أخرس ؟

الأب : أيوة .. ان شالله خرسة ..

الابن : ماشي ..

الأم : اجاك مشش بركبك ما تقوم منه انشالله ..

الابن : مشش ؟ شو هادا المشش ؟

الأب : اما انك قليل حيا .. وبترد على امك كمان ؟ هات العصاي وتعال وله ..

الابن : انا رديت على امي ؟ يمّـه احكي كلمة ..

الأم : موا يمزع نيـعـك وله .. حكيتلك اخرس ..



< الابن الان اصبح مغلوب على أمره ومش فاهم ايش الموضوع فسكت >



الأب : أما جيل قليل حيا .. احكي وله .. مالك انخرست ..

الابن : شو احكي ؟ اذا حكيت بتقولوا عني قليل حيا وبتشوفوني غلط ..

الام : حية اللي تقرصك ان شالله .. قلتلك تأدب وانت بتحكي مع ابوك ..

الأب : ايش " بتشوفوني غلط " هاي .. شايفنا عميان ولا حول ؟

الابن : لا اله الا الله .. محمداً رسول الله ..

الأم : الله يوخذك انشالله .. يا ريتني خلفت ابن الجيران ولا انت ..

الأب : انا مش عارف هاذا الولد متى بدو يصير زلمه .. دايماً فاظحني بين الرجال

الابن : طيب شو اعمل عشان تشوفني زلمه ؟

الأب : قلتلك اخرس يا حمار .. خلاص ولا كلمة ..

الابن: يا الله .. يا الله .. يا جماعة شو مالكوا .. شو في ، فهموووني ؟

الأم: اه صحيح .. انت ليش ناديت ع الولد يا زلمه ؟

الأب : بتصدقي يا مرا اني نسيت .. نساني شو كنت بدي منه هالكلب ..

خلص روح ارجع على غرفتك يا ابني ..



8
8
8




مسكين الولد شكله متعذب مع آهله ،، آشفقت علييه ،، خخخخ

المهم يكووون عجبكووون الموضوووع اليوووم ،،

ولآ تنسوووني بطلتكووون العطرهـ ،،









،، تـ ح ـيـآتـي لـلـ ج ـمـيـع ،،

[موتي]

حوار عائلي مفروض ما ادخل
بس مشكورة يا سارونة

[ساروونه]

العفوووووووووووووووو


يسعدني انك اول الحضور مشكوره