اسئلة القدرات العامة .. للصف الثالث ثانوي .. الرجاء الدخول ,,

[ذكرى الانين]

السلام عليكم ورحمة الله ...
كيف حالكم يابنات ,, انا اليوم اختبرت .. وجهزت لكم موضوع عن الاسئلة .. بس الظرو ف
حاليا تمنعني انزلهم .. ان شاء الله احاول .. بكرة تكون هنا .. ولين ما أنزل الاسئلة .. اتمنى من باقي الاعضاء
اللي اختبروا اليوم ينزلون بعض الاسئلة اللي تفيد الطالبات ..


واللي جات بالاختبار ,, والله يسهل عليكم يارب ..
لي عودة .. في أمان الله ,,:30:

[صدى الأحزان]

http://alahsaa.net/vb/mwaextraedit4/extra/38.gif


مرحبا ذكرى أهم شيء أنك جاوبتي والله إن قلبي معاك
وإن شاء الله ربي يوفقنا قولي آمييييييييييييييييييييييييين

[ذكرى الانين]

آآآآآآآآآآآآمين يارب ..
حياك صدى الاحزان ,,
ابشركم الظرف انحل ..

[ذكرى الانين]

السلام عليكم ورحمة الله وبركاته ..
صباحكم ... ومساؤكم معطر ومليئ بالطاعات والخيرات ..
يارب يسهل عليى جميع المسلمين في كل مكان اختباراتهم ..
حياكم يابنات في موضوعي المتواضع .. انا اطمنكم عني وعن كل اللي كانوا مختبرين معي
الحمد لله اختبرنا بحمد الله .. اختبار باذن الله حلو وسهل ممتنع على الجميع ..
ووناااااااسة .. والوقت حماس ..
طبعا الموضوع هذا .. انا نزلته عشان نكتب أسئلة القدرات الي جاتنا ..
ويستفيدون منها بنات ثالث اللي اختبارهم الاسبوع الجاي ..
وانا أتمنى الكل يشارك .. ويكتب مايتذكره ..
والله يوفقكم يا أحباب .. ويسهل عليكم .. ويوفق اختيااااركم ..
ويارب يكون عليكم يووم حلو ..
............................................
وطبعا يابنات .. نصيحة من اختكم ..
لا تتوتروووون .. ولا تخااافوا ..
وقابلي السؤال بابتسااااامة ..
اذا جيتي تدعين ادعي لكل اللي في القاعة معك .. وكل المختبرين ...
القسم اللفظي حلووو ورااائع .. والكمي أروع .. لكن سرعة الحل شي اساسي ..
هم 4 أقساام .. قسمين لفظي وقسمين كمي ..
وكل قسم 25 دقيقة .. يعني ساعتين ..
بس حماااااااااااااااااااس ووناسة .. أقصد الوقت ... تحلين .. المراقبة تقول باقي مثلا 10
يللا وحماس وتحلين ... بعدها صوت جرس خفيف وهادي مو كنك في مكان حريق
جرس هادي يوحي بانتهاء الوقت
بعد ما ينتهي الوقت الكل يقلب الصفحة ..
طبعا في نفس القسم ... ممكن تتنقلين بين الصفحات .. لكن من قسم الى قسم غير
مسموح الا بعد انتهاااء الوقت ..
ومعاملتهم .. حلوة .. انتي اهم شي بياناتك تكون على الطاولة .. وحلي ولا كأن في ناس ..
من دون توتر .. وان توترتي في البداية ممكن يأثر عليك عشان كذا لا تتوترين ..
تصدقون يابنات انا في اختبار المدرسة العادي .. مافي شي ما يجيني ..
توتر .. خوووف ............. << كل الشلة ترابط عندي لين ما انتهي ..
بس اليوم قلت لا لو سمحتوا ما أستقبل زيارتكم ..
لا ن أمس كانوا مسيرين علي .. ولهم شهر تقريبا قاطين وجههم ..
المهم .. <<<< كفايه هذرة ..
نجي للجد ..
أنا بحاول أنزل لكم اللي أذكره .. وأتظر باقي البنات ينزلون .. بالتوفيق ان شاء الله ..
لي عـــــــــودة .. // ذكـــــ الانين ــــــــرى ..

[ذكرى الانين]

بسم الله الرحمن الرحيم ..
في القسم اللفظي .. القسم الاول .. جابوا لنا نص عن التوحيدي ..
ويتكلم عن شخصيته ,, والقسم الثاني .. عن الارادة والجهد .. والعادة << كلام علمي ,,
وجابوا .. تناظر لفظي .. كثروا من الترادف .. والمكان .. والوظيفة .. والتضاد .. والفئة ..
وجزء من كل ..
وبعدها معاني الكلمات ..
الكلمات .. سهلة ممتنعة .. يعني تجيك كلمة سهلة حد الماااااااااااء ..
وحلووووة .. حد السكر اللي اذا كثرتي منه يضرك ..
واكمال الجمل الناقصة .. بعد اشياء ما تلخبط واضحة ..
ترى في النص .. في سؤال مموه .. يعني السؤال تكون في منه اجابتين ..
بس ان فهمتي الفقرة تطلع وحدة هي اللي صح ..
,,,,,,,,,,,,,,,,,,,,,,,,,,,,,,,,
الكمي ..
بسم الله ..
الكمي بعد حلو .. بس اللفظي احلى ,,,
جابوا لنا عن الاس .. قارني بيناتهم ..
وجابوا لنا أعمار .. عمر أحمد << ما اذكر الارقام بس بكتب أمثلة ..
عمر احمد 35 .. وعمر ابراهيم نص عمر خالد .. ومجموع عمرهم 42
المهم نسيت .. بس انه يعطيك معلومات عن اعمارهم .. " أحمد , وخالد , وابراهيم ..
يقولك اذا لافرق بينهم كذا .. كم مجموع أعمارهم ..
* الهندسة .. جابوا لنا هندسة .. وعلى قول استاذة شروق يحبونها ..
لانهم كثروا منها ..
غرفة مستطيلة .. مساحتها ... ويبون يحطون بلاط مربع .. احسبي مساحة المربع ..
المساحة معطاه ..
* دائرة مرسوم داخلها مربع .. ومظلل الدائرة ..ويقول احسبي مساحة المنطقة المظلله ..
ويعطيك طول ضلع ...
* نسبة زيادة ... ومعطينا القيمة اللي اشترى فيها ويبغى النسبة ..
* وجابوا لنا ... س+ ص = مثلا " 45 ., ص + ع = 66 , ع + س = 43
احسبي س + ص + ع =
* النسبة المئوية .. يحبونها ..
* مخطط بياني جابوا لنا واااحد .. فيه نسبة أرباح شركات ,,,
ويقولك .. طاعي الفرق بين أعلى ربح وأقل ربح ..
* مقارنات .. يحبونها مثل عيونهم .. لا ن القسمين جابوا منها ..
والمقارنات ماهي صعبه حييل ..
ويجيبلك احداثي سيني وصادي .. مرسوم داخلهم مربع ..
عطاك ( أ, ب) = ( 4 , 4 )
ويبغى إحداثيات ( ج, د) << أول سؤال رازينه لك..
* ويجيبون .. مجاهيل يبون قيمتها ..
* رواتب ..
* أعمااار ..
نسب ..
* وجابوا هند خذت من مصروفها 50 وعطتهم لريم .. وريم صرفت 20 ..
ومصروفهم متساوي .. كم مصروف هند ..
* رسمة فيها نسب مجوع طلاب كلية ..
مقسم .. منهم فيزياء .. ومنهم حاسب .. ومنهم ...... مثلا زراعة ..
كم نسبة الطلاب اللي دخلوا حاسب ..
* ويجيب لك .............أآآممممممممممممممممممم...... بصراحة ..
الاسئلة بدت تداخل ,, وهذا اللي في بالي ..
ان تذكرت شي ورتبت أفكاري بنزله هنا ..

.............
بنات .. انا اللي كتبته تقريبي .. مو السؤال حرفيا .. بس الفكرة .. نفسها ..
والاسئلة .. سهله .. سهلة .. سهلة .. بس توكلي على الله ..
واستغفريه .. ومثل ما قلت الدعوة .. حاولي تتقربين من الله وتدعيه ..
توكلي عليه حق التوكل ..
شوفي في الاختبار .. مافي أحد معك ولا أحد بينفعك .. لا أمك ولا أختك
وصديقتك .. ولا أقرب الناس لك .. اللي بيكون معك في القآآآعة ..
هو بس الله .. هو اللي ان توكلتي عليه بيعينك ..
بنااااااات قابلوا السؤال بابتسااااامة .. يخفف التوتر ..
المشرفات .. لاتتوترين اذا طلبوا منك شي .. حلي وهم يشوفون شغلهم ..
واتبعي التعليمات بالحرف ..
واعتبريه يوم سعيد .. لكي تكوني سعيد ة ,, أنا عارفة اني هذرة ..
بس اعذروووني ..
وانا حاضرة لأسئلتكم .. واستفساراتكم .. طبعا في عضوة ثانية بتكون معي ,, وتساعدني ..
يعني تطمنوا .. وممكن يشاركو ن باقي العضوات ..
سبحانك اللهم وبحمدك أشهد ان لا اله الا انت استغفرك واتوب اليك ..

[هيونه الحنونه]

مشكوره ربي يعطيك الف الف الف عاااافيه

[جنوون]

ذكرى شنوووووو هذا وربي شكلة مرررررررة صعب من جد زااااد خوفي تقوولين كلام وهذرة عن الرياضيات والله ماني عارفة كيف رااح احلهاا
اللة يعييييييييييييين
وربي يوفقك

[lemon juice]

أحس انهم متوسعين لكم في الأسئلة يا ذكرى .. بس من جد حمااااااااااس:8:
و البنات اللي خافوا خذوا المواضيع اللي تكلمت عنها ذكرى و ادرسوها كويس ..:25:
و ان شاء الله كل شي بيكون تمااااااام
و مبروك القبول بإذن الله للجمييييييييييييييع >>> مقدما :28:

>> في شيء لاحظته .. البنات يردون بخط كبييييير على المواضيع.. شفيهم رادين هنا بخط صغير ؟؟؟

[الفراشة فوفو]

يعطيكم العافية

[الملكه دلع]

آممممـ
هذآ كم سؤآل إن شـآء آلله تستفيدوون
على آنكم مآتستآهلون مكثرين آلمهآترآت هآليومين
ربي يصلحكن


السؤال الأول:
محمد اعطى لإبنتيه مريم وريم مصروفهما الشهري فإذا اعطت مريم لريم 50ريالا ،وصرفت ريم 20 ريالاوكان ماتبقى مع ريم مساويا لما مع مريم فما هو الفرق بينهما؟

السؤال الثاني:
صرفت هند 1\3 مصروفها ،ثم صرفت 1\6 الباقي فكم بقي معها إذا كان راتبها 1200ريال؟

السؤال الثالث:
عدد اذا ضرب في العدد الذي يليه كان حاصل ضربهما مساويا لحاصل جمع العددين مضافا الى الناتج 19؟

السؤال الرابع:
ن=1
ن(ن-1)^2\1\ن؟

السؤال الخامس:
كم الأعداد التي بين(2\5 ،13\14)؟

السؤال السادس:
اذا ضاعفنا طول ضلع مربع ثلاث مرات فإن مساحته تتضاعف،،
أ-200 ب-300
ج-600 د-500

السؤال السابع :
مامساحه المعين في الشكل؟ انا حاولت ارفع الرسمه اذا كانت ترتفع بس ماقدرت يعني ماقيد رسمت رسمه ورفعتها،،
المهم هو مريع وفيه مرع منصفو وفيه من جوا معين واعطانا طول ضلع المربع الكبير كان يساوي جذر200


السؤال الثامن:
اذا اردنا تبليط غرفه بكاملها فكانت نسبه بلاطه واحده 2\25وطول ضلع البلاطه الواحده 20 سم فكم بلاطه يمكن انو توضع في الغرفه؟

السؤال التاسع:
اذا كان محيط الدائره =4ط فكم تبلغ مساحتها؟




آآآآىممممممـ يقلون يجي نفسهآ بس غير آلترتيب
يقلووون وليس كل مآيقآل يصدق
تحيآآتي
ملووكه

[الملكه دلع]

بقيه الأسئله،،
السؤال الثامن:

قارني بين جذر 15 وجذر 5+جذر10

السؤال التاسع:
اشترت فاطمه تلفزيون بقيمه 1900ريال وجوال تنقص قيمته ب900 ريال عن قيمه التلفزيون ،فبكم اشرت الجوال والتلفزيون معا(انا حاطه ارقام من عندي عشان ماافتكر الأرقام الي جات ).؟


السؤال العاشر:كم نسبه الموظفون الى غيرهم ،،جاب دائره ومقسمه لدرجات وكانت درجه الموظفين 120درجه؟

السؤال الحادي عشر:
مدرسه بها 30 طالبه من الأدبي وكانت نسبه طالبات الأدبي الى العلمي 5:3 فماعدد الطالبات جميعا في المدرسه؟

السؤال الثاني عشر :
مالعدد الذي لايجب ان يكون في هذه السلسله 93،63،77،87؟

السؤال الثالث عشر:
ماهو العدد الذي اذا قسم عل 27 كان الناتج 15 والباقي 3؟(الأرقام من عندي بس السؤال بنفس الصيغه)؟

دعووووووووآتكم :(

[الملكه دلع]

هنآ
موقع
يزيد
فيه
تجميع
آلآسئله
http://www.yzeeed.com/vb/showthread.php?t=97093

إذآ مآضبط معكم آلرآبط ..
خبروني وآنسخ لآسئله وآنزلهآ
وبس :(

[ساروونه]

بالتوفيق يابنات وان شاء الله القبول في الجامعه

[ذكرى الانين]

مشكوووووورين كلكم على المروووووور ..
ومشكورة ملوكة على جهووودك ..