[ نقاش ]

[ٵۅنـثـﮯ ﭱـﻤرٍﯧﮧ ♥]

بِسْمِ اللهِ الْرَحمنِ الْرَحيمْ ..

الْسلآمُ عَليكم وَ رحمةُ اللهِ وَ بَركآته ..

صَبآحكم | مَسآؤكم عِطر وَ فل!


هَالموضوع اجا في بالي ..

وَ بتنمتى تَفَآعل كِبير عَليه مِن الأَعْضَآءْ ..

وَ الْمَوضوع هو إِنو يِجي عُضو|ة

وَ يطرح سُؤَآل قَآبل لَ الْنِقَآشْ ..

وَ ننأقش سؤآ له...

لين نوصل لنتيجهوبعدين

ويرشح عضو/ة بعدة عشان بطرح سؤاله


وَ هَكَذَآ .....

انا الاول
بدي اسأل
مرة كنا بالفصل وعااادي وكل شي عااادي المهم بعدين
قالت الاستااذة انها تعتقد ان اللى بارع في الرياضيات بارع في شؤن حياته او ادراته او التصرف في الازمات وكذا
اهوووو السؤال هنا هل انتم مع او ضد هالكلام وليش ؟؟؟ انا ودي الاستاذة تشاركنا وجهة نظرهاآ

[ساحرة العيون]

السلام عليكم ...

صباح الخير .....
موضوع رووعه

أنا مع كلامها ... خلينا نلاحظ وندقق بس في دروسنا اللي أخذنا السنه بس
الرياضيات فيه دروس تعتمد على الترتيب وعلى براعة الفكر والذكاء

كما ان الحياه فيها أمور تعتمد على الترتيب والمساواه بين كل شي وهذا ما ينطبق مثلا على بعض
المعادلات انك لازم تساوينها وهذا أكثر يمكن بالفيزياء

ولو جيتي بتلاحظين أكثر أن اللي بارع في الرياضيات مو من السهل خداعه
يعني لو رحتي تتبضعين وغشوك بالسعر بأمكانك أظهار غشهم وبسهوله لانك
بارعه في العمليات الحسابيه ..وبهالطريقه ما يمكنهم خداعك بسهوله

وصعب جدا اي شخص منا يقدر يرتقي السلم في أي مهنه دون ان يكون ملما في بعض المهارات الرياضيه ...



حفتك رعاية الله

ودي

ساحرة العيون ....

[ايسكريم مشوي]

لا والله يعني اللى ما يطيق الرياضيات .......
اعترض وبشدة >>> ليش الاخت في محكمه مثلاً
بص يمكن الاستاذة عندها وجهة نظر في الموضوع
بص مو لازم هذا امهاتنا قبل اول في قديم الزمان ما كانوا يعرفوا اكثير في الرياضيات وهذا اهم ما شاء الله عليهم ادارو بيتهم
بعض الاوقات اعتقد انه الانسان مو شرط يصير متفوق في كل المجالات با انه متفوق علمياً هذا ما يوجب تفوقه اجتماعياً


قبلاتي
ايسكريم مشوي

[لمعة جليد]

الموووضوع رائع جدا >> تحب النقاش

بس ياليت اذا تناقشنا ان حنا نوصل لحل اما اذا تناقشنا وصرينا على راينا لا مافي فايده


من النقاش


لي عودة للتعليق على السؤال
تحـ لمعة جليد ـياتي

[ٵۅنـثـﮯ ﭱـﻤرٍﯧﮧ ♥]

السلام عليكم ... <<< وعليكم السلام ساحرتنا الغاليه

صباح الخير ..... <<< صباح النور والفرح والسرور
موضوع رووعه <<< يسلمووو هذا من ذوقك قلبو

أنا مع كلامها ... خلينا نلاحظ وندقق بس في دروسنا اللي أخذنا السنه بس
الرياضيات فيه دروس تعتمد على الترتيب وعلى براعة الفكر والذكاء <<< والله الكلام هذا صح وما في مجال انقاشك فيه

كما ان الحياه فيها أمور تعتمد على الترتيب والمساواه بين كل شي وهذا ما ينطبق مثلا على بعض
المعادلات انك لازم تساوينها وهذا أكثر يمكن بالفيزياء <<< الكلام صح وما فيه نقاش فيه ولكن هل من الممكن ان احنا لو فشلنا في المعادلات اللى انتي تتكلمين عنها ممكن نفشل في المساوة والترتيب والاشياء الثانيه مع اني ما انكر اهميتها في المهن والاشغال وغيرها

ولو جيتي بتلاحظين أكثر أن اللي بارع في الرياضيات مو من السهل خداعه <<< وليش لا
يعني لو رحتي تتبضعين وغشوك بالسعر بأمكانك أظهار غشهم وبسهوله لانك
بارعه في العمليات الحسابيه ..وبهالطريقه ما يمكنهم خداعك بسهوله <<< هذاي العميات البسيطه مثل الجمع او الطرح وغيره الشخص البارع في هالعمليات ما يمكن خداعه في السلع وغيره بس ممكن خداعه في مجالات ثانيه

وصعب جدا اي شخص منا يقدر يرتقي السلم في أي مهنه دون ان يكون ملما في بعض المهارات الرياضيه ... <<< مع احترامي الشديد لج بس كلامي ما كان عن المهنه كنت اتكلم عن الحياة الاجتماعيه والاسرة وتكوين الصداقات وغيرة ولو على المهنه بالامكان ان شخص يكون فلاح من دون ما يدرس رياضيات ومن الممكن انه يكون اب صالح من دون ما يدرس رياضيات واعيد واقول انا ما انكر اهميته في بعض مجالات العمل الاخرى



ويسلمو على مروورك يا ساحرتنا واتمنى انك تستمرين في النقاش

[ٵۅنـثـﮯ ﭱـﻤرٍﯧﮧ ♥]

لا والله يعني اللى ما يطيق الرياضيات ....... <<< اولا هدي اعصابك
اعترض وبشدة >>> ليش الاخت في محكمه مثلاً <<< خفيفة دم هههههههههههههههه
بص يمكن الاستاذة عندها وجهة نظر في الموضوع <<< اهوو اكيد انه عندها وجهة نظر وامتنى انها تشاركنا
بص مو لازم هذا امهاتنا قبل اول في قديم الزمان ما كانوا يعرفوا اكثير في الرياضيات وهذا اهم ما شاء الله عليهم ادارو بيتهم <<< اماهتنا كان زمانهم غير وحتى في زمانا الحين مو كل من تعلم الرياضيات طبقة في بيته ولا وش رايك يا <آيس كريم >
بعض الاوقات اعتقد انه الانسان مو شرط يصير متفوق في كل المجالات با انه متفوق علمياً هذا ما يوجب تفوقه اجتماعياً <<< عادي احنا مو من الممكن انه نلقى شخص متفوق في جميع مجالاته ما في احد كامل بس الانسان يحاول




قبلاتي
ايسكريم مشوي <<< تسلمين آيسكريمتنا

[ٵۅنـثـﮯ ﭱـﻤرٍﯧﮧ ♥]

يسلمووو لمعة جليد هذا من ذوقك
ونتظر عوتك لمتابعة النقاش

[فنار الخليج]

http://alahsaa.net/vb/mwaextraedit4/extra/04.gif


شوفي حبيتي يا انثى قمرية ... ليش ما اعجبتك العبارة ؟؟ أنا أشوفها واضحة اللي بارع في الرياضيات ناجح في الحياة وما قلت اللي ناجح في الحياة بارع في الرياضيات يتهيأ لي واضحة العبارة هذي أولاً
ايسكريم مشوي صيري دقيقه في القراءة وواضح أنه اللي بارع في الرياضيات أكيد بيكون ذكي لذلك برع في المادة ولأنه ذكي سيبرع في مجالات الحياة وفي الأزمات وأمهاتنا اللي قبل من قال أنه ما عندهم رياضيات اللي شاطرة في حساب وتوفير مصروفها ومصروف اعيالها ومتطلباتهم أكيد بارعه في الرياضيات عشان كذا حتى اعيالها سبحان الله بتشوفينهم متفوقين وممكن تشوفينها تعتمد على رب الأسرة وتبدع في مجال آخر ما عممت
الشي الثاني اللي خلاني اقول هالكلام .. طوال دراستي في الكلية هذا الكلام يوصل لنا بمختلف العبارات من أساتذتنا .. اللي تقول أنا ارتاح وانا ادرسكم واللي تقول أنا اعرف انكم موفقين في الحياة والدليل أسلوبكم الراقي وتعرفون كيف تتعاملون حتى مع أطفالكم بأسلوب رزين وحكيم وحتى مرة دكتور مادة يدرس الأقسام الأدبية والعلمية يقول لنا (انتوا مختلفين عن الناس التانيين ) ووضح هالكلام باسلوبه
في اجتماعاتنا في الإدارة معلمات الرياضيات نادر ما يستفسرون عن شي .. مو معنى كلامي انزل من مقام غيرهم انتبهوا مو معنة كلامي اني ابين تميز ناس على حساب ناس وعلى فكرة في عندنا معلمات ناجحين اجتماعياً وتخصصهم عربي لكن تعالي اسأليها أي مسألة يبي لها تفكير وسرعة بديهة رياضيه تشوفينها تجاوب وبثقة .. أليست متميزة ؟
الخلاصه شوفي كل من يتميز وأنا أقول يتميز في هذه المادة بالذات وبمتلك رتابة التفكير ... بيشوف أثرها في حياته من اسمها رياضة للعقل تخلي عقلك عنده سرعة بديهة وفهم في حل المشاكل الحياتيه مو شرط كلها لكن ما ننكر شلون هالمادة ترتب تفكيرك ولا خصصت انا لا معادله ولا حساب ولا براهين يكفي أنك تستوعبين ما فيها من فروع .... تخيلي نفسك عملتي تمارين رياضيه وبعدها شاركتي في اي نشاط في الرياضة بيكون مستواك واحد لو انت مو رياضيه ولائقة جسدياً؟؟؟ ما اعتقد
نفس الشي بالنسبة للعقل .. ممكن تقول لي وحده ممكن اقرأ كثير واصير ناجحة صح ممكن جداً لكن تخيلي لو انك تقرئين كثير وأنت شاطرة في التحليل والتركيب وفهم المعادلات الصعبة بتقدرين تستوعبين اللي تقرئينه أسرع وتستفيدين أكثر ....
لي رجعه للنقاش لو عندكم سؤال ويسعدني طرح أي موضوع وواضح أنه هالكلمة أثرت فيك أنثى قمرية وهذا شي طيب وعلى قكرة أنت بارعة لكن ينقصك شيء ما
عندي تعليق بسيط ...أنثى قمرية في شي ما حبيته في النقاش وانت بكيفك في اسلوبك هذا رأي وأنا بقوله ولا تتضايقين ما حبيت اسلوب الاقتباس والتعليق ... قولي ردك وخلاص وعشان كذا إذا عندك رد أو رأي أو استفسار لا تقتبسين وتردين بلون مغاير أنا أشوفه أسلوب غير لطيف وكأن المسألة مو دعوه للنقاش دعوة للتحدي لأني أشوف هالأسلوب في المنتديات ويعملونه اللي متحديين بعض مو اللي عندهم حجه واضحة وكأنهم يبحثون في كلام العضو الآخر وينقبون عن خطأ... صيغي اللي فهمتي من كلامهم بالرد فقط ...وأنا على ما اعتقد أشوف السالفة نقاش مو رأي وضد
طيب إذا خلصتوا نقاش كلمتي أنا عندي سؤال واستعدوا كلكم لنقاشه في كثير منكم يجتمعون بصفة .. عندكم قردات للتميز لكن لا تستغلونها ...ابي اعرف نفسياتكم
ليش البنت تصير عندها المؤهلات اللي تخليها تتفوق وتهمل ؟ هل هو عناد ؟ هل هو تأجيل ودائماً يخدعك التسويف .. سوف اعمل في المرة القادمة سوف اجتهد في الاختبار المقبل وما تنتبه إلا السنه طافت والمشكلة أنها تدري أن بإمكانها تصير أحسن ...هل هو ضعف أو ردة فعل لمواقف تمر عليكم
هل المسألة متعلقة بصعوبة الحياة واصابكم نوع من الامبالاة واليأس ؟ هل افتقدتوا الموجه لكم وابتعدتوا عن الأمل ؟ عندي هذا السؤال ولكن وضعت لكم هذه المبررات لأتحسس نفسياتكم ومستعدة أناقشكم ويمكن أساعدكم إذا انتوا حابين ..
خلصوا موضوع أنثى قمرية وانتظر اسألتكم بخصوصه وبعدين خلونا نتناقش بصراحة واريحية عن نظرتكم للمستقبل ولماذا تهمل طالبة عندها قدرة للتميز والظهور

[ٵۅنـثـﮯ ﭱـﻤرٍﯧﮧ ♥]

تسلمين استاذة فنار على تصحيح الفكرة
وتامرين من ناحية اسلوبي راح اغيره من اعيوني

وسؤالك لي
عودة بعد قليل مع بقيت الاعضاء واتمنى انهم يتفاعلون

[ساحرة العيون]

السلام عليكم ,,,,

عزيزتي أنثى قمريه ,,,,

أنا كلامي صحيح 100% ومتاكده منه

واتوقع فنار الخليج ما قصرت ماأقدر أزيد على كلامها


شكري


ساحرة العيون

[ساحرة العيون]

ليش البنت تصير عندها المؤهلات اللي تخليها تتفوق وتهمل ؟ هل هو عناد ؟ هل هو تأجيل ودائماً يخدعك التسويف .. سوف اعمل في المرة القادمة سوف اجتهد في الاختبار المقبل وما تنتبه إلا السنه طافت والمشكلة أنها تدري أن بإمكانها تصير أحسن ...هل هو ضعف أو ردة فعل لمواقف تمر عليكم
هل المسألة متعلقة بصعوبة الحياة واصابكم نوع من الامبالاة واليأس ؟ هل افتقدتوا الموجه لكم وابتعدتوا عن الأمل ؟



وتتعدد الاسباب .........

الاسباب كثيره وممكن تكون من ضمن اللي ذكريتهم ..


يعني ممكن تكون البنت في قمة الذكاء لاكن للاسف تكون انسانه مهمله ,,,وموعارفه لمصلحتها

وقد يكون الضغط من قبل الاهل .....
وكثير في ناس من هالنوع مثل سالفة علمي وأدبي ونظرة الاهل ,,لها

أو ان البنت اصلا من جايه للدراسه
يعني جايه ومو شايله هم الدراسه ولا أي شي
جايه اتسلى وأشوف صديقاتي وأسولف وأتزين ,,,,
وهذا ايضا منتشر


وممكن ضعف اراده ..مثل ما قلتي
أو أن البنت تكون هي محطمه أصلا وافكارها
سلبيه ويجي لها من يحطمها زود وينزل من معنوياتها ,,

وجكاية التأجيل ((التسويف ))هذي فعلا المصيبه
لو كل شي بنأجله ((يعني سوف أقوم بفعل ذالك))عمرنا ما راح ننجح
ونحصل على اللي نبيه ....يعني

لو كل وحده منا حطت بالها لدراستها وعطت من وقتها الكثير وقت مخصص لدراستها وسوت Delete لأي شيء ممكن أنه يعطلها عن دراستها والنظر لمستقبها
كان أنحلت مشاكل البنات بالدراسه ,,,وما صار في فشل عندهم أو ضعف
,,اوتراجع في الدراسه ,,,

اللي فعلا جاد في دراسته ويبي يدرس مختلف تماما عن اللي جاي للمدرسه قاصدا ((للسوالف ))أو التهرب من مشاكل تحصل بالبيت ,,,


عذرا حسيت أني طولت بكلامي


لكم أرق التحايا ...


ساحرة العيون ...

[ٵۅنـثـﮯ ﭱـﻤرٍﯧﮧ ♥]

هاااااااااااااااي انا قلت لي رجعه ورجعت بس سورري تأخرت


ليش البنت تصير عندها المؤهلات اللي تخليها تتفوق وتهمل ؟ هل هو عناد ؟ هل هو تأجيل ودائماً يخدعك التسويف .. سوف اعمل في المرة القادمة سوف اجتهد في الاختبار المقبل وما تنتبه إلا السنه طافت والمشكلة أنها تدري أن بإمكانها تصير أحسن ...هل هو ضعف أو ردة فعل لمواقف تمر عليكم
هل المسألة متعلقة بصعوبة الحياة واصابكم نوع من الامبالاة واليأس ؟ هل افتقدتوا الموجه لكم وابتعدتوا عن الأمل ؟


ايه انا مع ساحتنا العزيزة ... انه يمكن تتعد الاسباب
بس انا بقول لك شي الحين ... انا بنت في وسط اسره كبيرة مكونه من اب وام <<< الله يحفظهم لي
وطبعاً مع 6 اخوات و5 اخوه وما يقارب الـ 13 حفيد يعني انا في بيت اهل وبيت الاهل ما يخلى من البزارين
وبيتنا اهوو بيت وفوقه شقق يعني اخواني اللى يتزوجون ما يروحون بعيد والعيال يكونون متواجدين دايما عدا الاجازات طبعاً لانهم يطلعون
وفي وقت الاختبارات النوم اللى يجيني مو طبعي ومن قرادة حظي ان انوار غرفتي اختربت لا انوار ولا ابجورة ولا شي المشكله اني اقول لاهلي صلحوهم
ما احد يهتم ولا يعطوني وجه فغرفتي ما اقدر اذاكر فيها واروح الصاله يجي اخوي الكبير ويشغل التلفزيون وبعد محاولات مني عشان يطفيه ما يعطني وجه
ويقعد يشوف الكورة المهم انا ما اعرف اذاكر والتلفزيون يشتغل اتشتت واطلع واروح المطبخ واموت من الحر واطلع وغرفة اخواني بينامون وغرفة ابوي ما يرضى
والتهويه حارة وارطوبه المهم ما يبقى الا غرفة الطعام اذاكر فيها واقعد اشووي وتجي امي تشوف التلفزيون واقولها "يمه حرام عليك انا وراي اختباااااااار " تقول لي روحي دوري لك مكان ثاني تذاكرين فيه انا ابي اشوف التلفزيون انقهر حدي واتحلطم انا خبري الامهات يقولون لبناتهم قوموا ذاكروا وانتي انا اقول اني ابي اذاكر ما تعطيني وجه المهم في النهايه اشغل مكيف غرفتي واجلس اقبال باب غرفتي في وسط الممر واللى رايح واللى جاي ... ومو البزر اللى يجي يحووس في آلتي الحاسبه وتحقيق اشلون تطلع الارقام واشلون تشتغل تعرفين اسألة البزران ويقعد يلاحقني ههههههههههههه
...... وبعدين امل و اذاكر بسرعة واسكر الكتاب .

بس هذا كله مو مهم لاني في النهايه مو الظروف اللى تصنعني انا اللى اصنع ظروفي ....
فلو ابي اذاكر اذاكر المتفوقات مو احسن مني ...خخخخخخ<<< واثقة
بس طبعاً اللى يصير
يسبب لي الممل والضجر وبسبب الملل ما اذكر يعني في النهايه السالفة وما فيها الا "الملل" .. انا اعترف اني بهذا التصرف اعتبر مهمله ... انا لو ما ابي ادرس او جايه المدرسه للعب بس جان ما نتبهت في الحصة بس في الحصة انا انتبه لاني ما احس بالملل في الحصص بس المشكله وقت المذاكرة ....
انا ودي بس احس الملل يمنعني .....


وسوري على الاطاله

اونثى قمريه