اتحاد اتصالات .. والبنوك .. وأِشياء أخرى

[ماجد عبدالله]

السلام عليكم

انكشفت البنوك على حقيقتها وإن النظام فيها صفر على الشمال ..

كم يوم بس وشركة وحدة عملت عمايلها في البنوك ...

لا نظام ولا شئ ..

انكشفت البنوك على حقيقتها .. يوم صار عندهم ضغط ما قدروا يسيطرون عليه .

تخيلوا هالناس اللي يبون يساهمون يدورون الاستمارات ..

شدعوة مافيه استمارات في البنوك ..

كنت في بنك الرياض .. وزحمة مرة ..

ولا فيه اي نظام .. والناس طوابير في البنك .. ولا فيه الا موظفين اثنين بس ..

وبدل ما يجيبون موظف زيادة .. زادوا عدد السكرتية الى 3 ... مو عشان يسوون

نظام .. لا بس عشان يصرخون على الناس .. وكنهم جايين يشحذون ..

لا وانا واقف اسمع السكرتي يتصل على الشرطة ويقول نبي عسكري ..

عجب والله .. كيف تبي عسكري وليه ؟

ومن اللي تسبب في اللي صار غير نظامكم الزفت ..

بس الحمد لله ان اللي كلمه ما عطاه وجه وقال له تصرفوا انتم ،، واحنا مو فاضيين ..

ايه هذاالكلام الصح ..

في الجانب الثاني المدير يجي ويدخل الشباب اللي يبيهم غرفة صغيرة ويقول

للعامل البنقالي لا تخلي احد يدخل .. تخيلوا بنقالي يصرخ على سعودي ..

المهم قام المدير واخذ شدة كاملة فيها استمارات كثير .. ووزع على هاللي في الغرفة ..

والناس اللي برا معصي حصلوا استمارة ..

طيب اناابي اعرف دام فيه استمارات عندك ليه ما تعطي هالناس اللي واقفين ..

يعني الاستمارات هذا لمن بتجلس ...

من المفروض ان الاستمارات تكون موجودة للي يبي يساهم .. ولو كانت متوفرة للناس

ماكان صار اللي صار ..

وانا سمعت ان موظفين البنوك صاروا يبيعون الاستمارات بمساعدة من مدراءهم ..

طيب من المسؤول ؟؟

[البندر]

هذا لسان حال ألي ما حصلوا استمارات مساكين ...

وحال جميع المواطنين الي ما عندهم حيله

لا فظ فوووووووك يا بوعبد الله على ها الكلام

[ham2003]

إذا لم تستحي فاصنع ما شئت

[الكهفه]

إذا لم تستحي فاصنع ما شئتlllll

[خياال]

والله يابو عبدالله انك صادق

عندنا بالرياض صارت مصايب تعرف الرياض فيه عدد سكان بالهبل فالوضع صاير أمر

يعني ماسك سرى ثلاث ساعات وآخر شيء قالوا قفلنا تعالو بكرة

يعني ثلاث ساعات من عمري راحت ببلاش

بس بالطقاق خلصت المعاملة , واللي سكت راحت عليه وراح وقته

باقي شركات كثير وبنشوف بيتعدلون ولا بيتكسون زيادة

تحياتي لك
خياال