المساعد الشخصي الرقمي

مشاهدة النسخة كاملة : هل فيه مجال للتسجيل الحين والا اكتفيتوا

ياحووبي للاحساء
08-10-2010, 05:23 PM
السلام عليكم ورحمة الله وبركاته

حبيت استفسر هل فيه مجال للتسجيل الحين
توني عرفت انو ولدي ممكن يقبل السنه الجايه مدرسه لان عمره يعتبر العمر المحير
ومثل ماتعرفون الروضه الحين صارت مرحله اساسيه للطفل مع تطور المناهج
ومابي تفوته الروضه

واذا فيه مجال .. كم رسومكم كل فصل بلحاله والسنه كامله ؟؟
وهل تتوفر باصات ؟؟ مع العلم حنا من سكان الخالديه أ
وياليت رقم الروضه

شاكره ومقدره
روضة المجد الأهلية
08-10-2010, 08:47 PM
أسعد الله مساؤك ,,
نرحب بك وبرغبتك في التسجيل لأننا في روضة المجد لانرفض كل من يود الإنضمام إلى قافلتنا ..
وسنتمكن من الرد على جميع إستفساراتك من خلال : هاتف الروضة : 5810440
جوال الروضه : 0506589630
ولك شكري وتقديري ...
ياحووبي للاحساء
08-10-2010, 10:48 PM
واسعد الله مساءك
شكرا لك لسرعة ردك ع الموضوع
باذن الله و الله لايعوقنا بشر اتصل عليكم
واستفسر منكم اكثر
ياحووبي للاحساء
30-10-2010, 10:48 AM
اولااسمحوا لي لاني رديت متاخر لان لاب توبي خرب فجاه وتوه تصلح
ثانيا احب اشكر الاخت اللي ردت علي بالروضه وربي كلامها عسل
وغصب ع الوحده انها تسجل ولدها من كلامها بس ويشهد علي ربي
اني شاريتكم مثل ماانتوا شاريني لكن ابوه رفض بحجة انها بعيده مع ان الباص هو اللي بيوديه مو هو بس الشكوى لله
لكن عني انا كنت اتمنى لان سمعتكم ذهب ونشاطاتكم واضحه وباينه للكل
كلمه بخاطري وقلتها وكنت حريصه اني اقولها وخصوصا للاخت اللي ردت علي
ارجع واقول انها عسل وكنز لـ المجد لان بالنسبه لي انا الاسلوب في التعامل اهم شيء
شكرا لكم من الاعماق