ث9م
05-12-2011, 04:08 PM
بسم الله الرحمن الرحيم
اللهم صلِ على محمد
طبعا لا يخفى عليكم مبنانا المتهالك اللي حتى احتياطات السلامة تخلو منه وحتى مافيه اي دواعي للدراسه
لا افياش لا مكيفات لادورات مياه وانتم بكرامه لافصول واسعه لاطاولات تكفينا ولا كراسي لامقصف واسع لا اشياء مرتبه في المقصف
ولكن لنا الله تعبنا نتكلم ولا في اي تحرك
مانقلنا مبنى وشكلنا ماراح ننقل الا اذا المبنى سقط وقتها بيصدقون انه مايستوعبنا اببببد
اليوم واجهنا يوم عصيب في الثانوية التاسعة بالمبرز .. صار التماس كهربائي بالمقصف ونار ودخان واشياء
وكانوا هناك بناات داخله وجاتهم انهيارات عصبيه ونفسيه
ومع ذلك ما سمعنا صوت انذار .. اللي نبهنا ان في انسانه الله يعطيها العافيه كانت واعيه وطفت عداد الكهرباء وسمعنا صرخه مدويه وانتبهنا
وغير كذا كانت بداية الحصة الخامسه واحنا طلعنا لما استوعبنا اما البنات اللي ماعندهم معلمات وكانوا قريبين من الحدث ماانتبهوا ولما استوعبوا حضروا المعلمات متأخر للبنات اللي مايدرون بالموضوع
وفوق كل هذا في مبنى مااخلي الا بعد خمس او عشر دقايق من خروجنا وبقى فصلين يختبرون المعلمات مو مصدقين ومو راضين يطلعونهم
وطلبنا احنا والمعلمات والكل اخلاء للمدرسه ومااحد راضي يقولون الامر بسيط مايحتاج اخلاء
وطبعا بعد مده وقدرها المطافي حضر وقالوا امر بسيط وزاولوا الدراسه وشغلوا الكهرباء
والمديره تقول امر عادي وبسيط ويحدثث في كل المدارس وخصوصا في الشتاء المفروض تتوقعون هالاشياء وهذا احنا 10 سنين بهالمبنى " في الحقيقه اكثر بس الله العالم " وماصار الا الخير ورجعوا فصولكم
ولما قلنا مانبغى للحين احنا خايفين ومانبغى ندرس وبنغيب بكره قالت غيبي واذا غبتي شهر انا اللي بسويه بخصم عليك .....
طيب وخوفنا ودموعنا وروعتنا وش صار فيها ؟ والمعلمات يبغون يختبرونا وين الاحساس فينا ؟
وأولياء الامور لما حضروا قالوا لهم مافي شي وماصار الا الخير وبنتاتكم في رعايتنا والاباء اللي يبغون بناتهم مارضوا يطلعونهم ليييه ؟ مااندري
وبعد ساعه تقريبا من الحدث اخلو المدرسه ولما جينا نبغى ندق ع اهالينا قالوا التليفون خربان
طيب سكتنا على كل شي حتى وسيلة اتصال بالخارج مافي ؟؟؟؟
احنا نطالب بحل سريع وجذري ونتمنى ننقل لمدرسة ثانيه تعبنا من العذاب .. وتقولون ليه نحب الاجازات ونكره الدراسه ، الله العالم بالحال
والحمدلله اللي طلعنا سالمين ومافجع اهالينا فيها
واحب اشكر كل المعلمات اللي تعاونوا معنا
واشكر الاحساء نيوز انهم نزلوا الخبر على الاقل في من حس فينا
وهذا رابط الخبر واتمنى توصل اصواتنا لادارة التربية والتعليم
http://hasanews.com/news.php?action=show&id=18871
طبعا هذا غيظ من فيض وجزء من مشاعرنا واحاسيسنا .. اترك المايك لكم وللي حضروا الحادثه
والحمدلله على سلامتكم
اللهم صلِ على محمد
طبعا لا يخفى عليكم مبنانا المتهالك اللي حتى احتياطات السلامة تخلو منه وحتى مافيه اي دواعي للدراسه
لا افياش لا مكيفات لادورات مياه وانتم بكرامه لافصول واسعه لاطاولات تكفينا ولا كراسي لامقصف واسع لا اشياء مرتبه في المقصف
ولكن لنا الله تعبنا نتكلم ولا في اي تحرك
مانقلنا مبنى وشكلنا ماراح ننقل الا اذا المبنى سقط وقتها بيصدقون انه مايستوعبنا اببببد
اليوم واجهنا يوم عصيب في الثانوية التاسعة بالمبرز .. صار التماس كهربائي بالمقصف ونار ودخان واشياء
وكانوا هناك بناات داخله وجاتهم انهيارات عصبيه ونفسيه
ومع ذلك ما سمعنا صوت انذار .. اللي نبهنا ان في انسانه الله يعطيها العافيه كانت واعيه وطفت عداد الكهرباء وسمعنا صرخه مدويه وانتبهنا
وغير كذا كانت بداية الحصة الخامسه واحنا طلعنا لما استوعبنا اما البنات اللي ماعندهم معلمات وكانوا قريبين من الحدث ماانتبهوا ولما استوعبوا حضروا المعلمات متأخر للبنات اللي مايدرون بالموضوع
وفوق كل هذا في مبنى مااخلي الا بعد خمس او عشر دقايق من خروجنا وبقى فصلين يختبرون المعلمات مو مصدقين ومو راضين يطلعونهم
وطلبنا احنا والمعلمات والكل اخلاء للمدرسه ومااحد راضي يقولون الامر بسيط مايحتاج اخلاء
وطبعا بعد مده وقدرها المطافي حضر وقالوا امر بسيط وزاولوا الدراسه وشغلوا الكهرباء
والمديره تقول امر عادي وبسيط ويحدثث في كل المدارس وخصوصا في الشتاء المفروض تتوقعون هالاشياء وهذا احنا 10 سنين بهالمبنى " في الحقيقه اكثر بس الله العالم " وماصار الا الخير ورجعوا فصولكم
ولما قلنا مانبغى للحين احنا خايفين ومانبغى ندرس وبنغيب بكره قالت غيبي واذا غبتي شهر انا اللي بسويه بخصم عليك .....
طيب وخوفنا ودموعنا وروعتنا وش صار فيها ؟ والمعلمات يبغون يختبرونا وين الاحساس فينا ؟
وأولياء الامور لما حضروا قالوا لهم مافي شي وماصار الا الخير وبنتاتكم في رعايتنا والاباء اللي يبغون بناتهم مارضوا يطلعونهم ليييه ؟ مااندري
وبعد ساعه تقريبا من الحدث اخلو المدرسه ولما جينا نبغى ندق ع اهالينا قالوا التليفون خربان
طيب سكتنا على كل شي حتى وسيلة اتصال بالخارج مافي ؟؟؟؟
احنا نطالب بحل سريع وجذري ونتمنى ننقل لمدرسة ثانيه تعبنا من العذاب .. وتقولون ليه نحب الاجازات ونكره الدراسه ، الله العالم بالحال
والحمدلله اللي طلعنا سالمين ومافجع اهالينا فيها
واحب اشكر كل المعلمات اللي تعاونوا معنا
واشكر الاحساء نيوز انهم نزلوا الخبر على الاقل في من حس فينا
وهذا رابط الخبر واتمنى توصل اصواتنا لادارة التربية والتعليم
http://hasanews.com/news.php?action=show&id=18871
طبعا هذا غيظ من فيض وجزء من مشاعرنا واحاسيسنا .. اترك المايك لكم وللي حضروا الحادثه
والحمدلله على سلامتكم