سؤال وأبغى إجابة صريحة.......؟!!!

[فطووم]

السلام عليكم
ايش علومكم ان شاء الله بخير
انا في بالي سؤال ومن زمان يدور في راسي ولازم اعرف جوابه
لاني كل من سألت مايرضون يردون
سؤالي بالنسبه للفتيات مو مهم اما الشباب بيكون مهم عندهم
سؤالي يقول انت ايها الشباب اذا كنتو زعلانين ومتضايقين
ولا عندكم احد تبحون له عما في خاطركم ولاتقدرون تصيحون
مثل مايقولون بعض الرجال اللي يصيح مو رجال
كيف تطلعون اللي في قلبكم تتمون كاتمينه طول حياتكم ماتتعبون
ماتمرضون من الكتمان البنت معروف عنها صياحه بأمكانها تصيح في اي وقت
وتطلع اللي في خاطرها ومكدرها اما انتو كيف اتطلعونه
انا يوم سألت ابوي واخوي الكبير وخالي سكتو ولا ردو علي بكلمه
اما يوم سألت اخوي الثاني قال انفحط
اتمنى انكم تجاوبون بكل صراحه
واذا كان السؤال يزعجكم على راحتكم لاتردون
اتمنى اني مازعجتكم ولاضايقتكم


تحيااااتي
فطووم

[أبوعبدالرحمن]

لا يا اختي فطوم .. ما اسكت ولازم ارد على هالسؤال
الشاب عنده القدرة على كتمان مثل هذه المشاعر مومثل البنت ما تحمل
و التفحيط يمكن لبعض المراهقين الصغار .. ولا فائدة فيه
لكن اذا الامر يستدعي بكاء الشاب .. سيبكي ولكن بعيدا عن أعين الآخرين :15:
مو مثلكم يافطوم صياح في صياح على اقل شيء :5:
يعطيك العافية

[المياسه]

~*¤ô§ô¤*~*¤ô§ô¤*~فطوووم~*¤ô§ô¤*~*¤ô§ô¤*~

السلام عليكم ..

هو صحيح الموضوع مهم للشباب أكثر بس يعني يعني يعني لازم أحشر نفسي <<<عندها لقافه مو طبيعيه ..

مثل ماقال أخوي أبو عبدالرحمن عند الشباب قدره للإحتمال وخليني أقول لك شي الرجال مايبكي كثير لكن إذا بكى صدقيني دمعه

وحده منه عن ألف بنت تبكي بالذات الرجل الشرقي عندنا يملك الرجوله بكل معاني الكلمه صحيح فيهم قسوه بس فيهم الحنان سبحان

الله الرجل الغربي بخلاف الرجل الشرقي يبكي ويبوح بكل شي في خاطره وتحسين فيهم ضعف بعكس رجالنا وعلى فكره قوة

الإيمان يساعدهم في الكتم والتحمل وبرضوه الكبرياء كبرياء الرجل يمنعه ان يكون ضعيف وعلى فكره شي بعد النسيان نعمه من

ربنا وصدقيني الرجل إذا مايقدر يتحمل معناتها مو مؤهل ليكون رب اسره أو زوج أو أب أو حتى أخ يكون سند لأخته في الحياه هذا

شي لهم من ربي قبل كل هذي الأشياء عشان كذا أعطوا القوامه على النساء والعصمه بيدينهم ...

فهمتي ياحلووه كلامي ..وآسفه إذا طولت عليكم ..

<<كثيره هذرتها هالبنت ..

آسفه من جد طولتها وهي قصيره ..

وتقبلي تحياتي فطووم ..

أختــك :ـ

~*¤ô§ô¤*~*¤ô§ô¤*~الميـــاسه~*¤ô§ô¤*~*¤ô§ô¤*~

[ماجد عبدالله]

السلام عليكم ورحمة الله وبركاته

أختي عن نفسي أنا عندي صديق غالي على قلبي إن ما كان توأم روحي أقول له كل شئ ..

ما أكتم اللي في قلبي .. من أتضايق أدق عليه وأفضفض..

[اسيرالوقت]

الله يكون في عونهم ؟

وعون كل المحبين !

اذا تضايقة أنفخ راس الي أحبهم وعصب عليهم وهم ومالهم ذنب ...

ذنبهم اني أحبهم وشكي لهم عاد هم الله يعينهم يتحملوني

فطومه موضوعح مميز اخاف مشلحه الفكره