بنتي يتيمه وابي ادخلها بروضه حكوميه

[ام طفليني]

السلام عليكم ورحمة الله وبركاته


الله يجزاكم خيرررر ممكن تساعدوني براي .. انا بنتي مواليد 1431 هـ . الكل يقول لي المفروض الحين تدخلينها الروضه عشان السنه الجايه تدخل مدرسه

لاكن انا اقول لا السنه الجايه تدخل روضه ومدري من الصح اان ولا الي حولي ...

الوكاد اني قررت اتابع تسجيل بنتي باحد الروضات الحكومه .. وانتو طبعا عارفين وش صار بالبدايه قالو عن طريق الموقع وانا تسنترت عند ذا الموقع لين وصلني خبر انو شنو ؟؟ خلاص التسجيل صار وخلص بالروضات ..

مع العلم اني رحت للروضه وقالت لي التسجيل عن طريق الموقع ..

طيب الحين انا وش اسوي لو كان كلامهم صحيح , تروح على بنتي سنه ؟؟ انا ماقدر ادخلها خااااص .. دام الحكومه موجوده ليه اادفع 4 ولا 5 الاف .. المفروض اليتامى يتكفلون طبيعي بهم الحكومه

كيف اقدر اتصرف ؟! اروح للرئاسه اكلمهم عن وضع بنتي ؟؟ ولا الروضه نفسها ..


وصحيح الحين بدينا اسبوه من درسوو اتوقع ماراح استفيد اي شي وراحت على بنتي سنه





محتاااااره وضاااايعه واحاتي بنتي .. بنتي كل يوم تقول لي ماما ابي اروح الروضه وانا مو عارفه وش اسووووي .. اووووف ياربي


تكفون الي يعرف روضه وله ايد فيها يرد علي .. انا بروح بكراا وبشوف وش بيصير معي واالله يوفق الجميع

[khaled]

ربي يحفظ بنتك ويخليها كم تاريخ ميلادها

باليوم والشهر والسنة؟

[ام طفليني]

آآآ مييييين ربي يجزاك خير


تاريخ ميلادها .. 30 /3 / 1431 هـ

[ام طفليني]

رحت لروضتين اليوم .. وقالو بنحطها بالاحتيااااط .. بنسبة واحد بالميه انو نتصل عليك ونقبلها ..

وقالو انو ناقصها كم شهر .. سالتهم يعني لو بروضه خاصه يقبلونها ؟ قالو اي الخاص يقبلون ..

طيب اروح ع بنتي سنه عشان كم شهر والخاص بيقبلونها طيب اقبلوها انتو وخلاص ..



انا اطالب بوضع اولويات بالقبول بالروضات الحكوميه بدايتا من اليتيم الى مابعده وخاصه اذا اليتيم ماله عايد مادي .. غير الضمان .. < وش دعوه مطالبك مسموع ..





الله كررريييييم وياريت القى الحل من عندكم ولا امري لله ادبرها ونظغط على انفسنا ها الكم شهر

[ام طفليني]

( الشكوى لغير الله مذله )

[قلب لا يسكنه انسان]

انا ايضا سمعت انه التقديمات كلها صارت من خلال الموقع علي النت

[رامونة الانجليزية]

سبحان الله وبحمده