ضحكتي فيها غموض ودمعتي فيها غرابه
ان كتمت الجرح ..من طيبتي ..ولعيون الأخوه
وان كتبته ..ماكتبته غير ..لعيون الكتابه
الكتابه جرح ياحبي وضعفٍ فيه قوه
والكآآبه عيب فيني تعرف حدود الكآآبه
والمشاعر لو اخفيها غصب عني تفوه
والقصيد يدق بابي لو مادقيت بابه
غارقه حضرة جنابي في هوى حضرة سموه
وفي هوى حضرة سموي غارقٍ حضرة جنابه
والأجابه في السؤال اللي تسميها مروه
اي مروه وانت حادني على مر الأجابه
هو انا اللي من عذابه يرفق بحال عدوه
والا انا اللي دون فرحة وقوا كل القرابه
هو انا ذاك الصغير اللي بدنيا الحب توه
والا انا اللي ضاع عمره بالهوى وافتى شبابه
هو انا اللي عن سيوف البرد قام وشب ضوه
مادرى الا وناره احرقت زاهي ثيابه
ومن عذابه يسأل امه كيف غاب ووين هوه؟؟
يسأل امه من عذابه هو متى ينتهي غيابه؟؟
كل فرح وكل جرح/ ن / في طرف عيني تشوه
ضحكتي فيها غموض ودمعتي فيها غرابه
سو فيني يازماني كل مابقيته سوه
والا انا ماعاد تفرق دامها الأشياء تشابه
والسؤال اللي من اسبابه لقى المجروح جوه
وانثر همه حروف وعاد لجنون الكتابه
وارجع اقول الكتابه جرح ضعف وجرح قوه
الكآآبه عيب فيني تعبر حدود الكآآبه
اتمنى ان تصل هذه الأبيات إلى كل من فقد
اعز واغلى الناس على قلب كل شر
وهما الوالدين