آلمتني تلك الكلمة
عندما سمعتها من أبنتي ماما أبي آكل لحم خنزير
تعجبت وقلت من قال لك بأن لحم الخنزير يأكل؟
قالت هنا الكرتوني يقولون لذيذ لحم الخنزير
قلت لها ماما... المسلمين ما ياكلون لحم الخنزير
حاولت احاورها بأسلوب طفلة علشان تفهم
بدأت تسأل ليه وشلون ولماذا الخنزير ؟؟
جاوب على أسألتها وكنت أعتقد بأنها فهمت الدرس!!
في اليوم الثاني أي أمس بالتحديد
لبست إحرام الصلاة لأصلي الظهر
قالت ماما كلة تصلين أنا ما أحب الصلاة
قلت لها المسلم لازم يصلي كل المسلمين يصلون
قالت أنا ما أبي أصير مسلمة وما أبي أصلي
أبي آآآآآآآآآآآآآآكل خنزير
كدت أن أضربها ولكن تمالكت نفسي
وقلت
أتعلمين بأن هذي المحطة نيكلودين هي اللي علمتك على هذي الأشياء
بس لا تقولين لي ياماما أبي نيكلودين مرة ثانية
وقلت لها اللي يأكل لحم خنزير يصير لسانة أسود وما يعرف يتكلم
وأخيراً أقتنعت وقالت خلا ص ماما ما أبي آآآآآآآآآآكل خنزير
وحرمت أحط لها هذي القناة اللي علمت بنتي أشياء المفروض ما تعرفها...........
تجربة مريت فيها وحبيت أنقلها لكم (دفء الكون )
