السياحة الداخلية وماداراكم الساحية الداخلية امحق من سياحة
كل شي مرتفع وغالي حتى حرارة الشمس مرتفعه
الشمس تاصل حرارته 60 درجة والارصاد يقولون 30 وين الباقي شكل سلف يبون العالم تسدح بالشماس لين يصير الواحد وجه اشهب تقل جاي من معركة عاصفة الصحراء وصاير تقل ضب بس له نـفـيـخ والشقق وما ادراكم الشقق والمواد الغذائية دبل واثري أسعار الغرف والشقق 400 ولا 500 ريال لليلة الوحده والببسي بعشر ريالات السنه الجاية تحصل الببسي 100 ريال ورغم انهم يقولون مضر لصحة ويسبب مرض السرطان على كذا يبيلك يومين وتشحذ بالشارع من غلا الاسعار وعااد العزوبية وماداركم حالهم الله يكون بالعون اذا تمشيت بالاسواق ولا جيت مكان قالوا خاااااص للعوائل يمكن حتى بكرا يقولون الجنه خاصه للعوائل استغفر الله العظيم الواحد مايدري وين يولي ماغير نتبطح بالشوارع تقل متسولين الله يستر شوف اروبا فنجال وعلوم ارجال وفلة حجاج ما احد يقولك وين رايح مو مثل هنا أأأأأخ لو انا اصير وزير لسياحة كان اخلي اهل اروبا كلها تجي هنا يتسيحون عند بدل ماحنا نروح عندهم
اوريهم المناظر الخلابه النفود والصمان والربع الخالي عااد بالربع الخالي يقولون العقرب الله يستر كبر السيارة الله يكفينا شره هاذي تمردغ لها عربان ابيه تمردغ هالحمران الاروبيين لو جيون عندنا سياحة اوريهم برج اللمملكة والفيصلة بس لازم نحدد لهم موعد لانه اكيد طول العطله للعوائل ولاطريق الدمام ابو حدرية اللي مكسر له 10000 سنه وهو على وضع وشركة الموصلات في سبات طوال السنه لاحياة لمن تنادي ابي الاروبي يجي بعشرف الاف دولار واخليه يرجع يشحذ
بقولكم قصة واقعية حصلت معي واحد من الشباب من اصدقائي الخاصين تزوج العام وجاء شهر العسل لشرقية جلس كم يوم بالشرقية الا يتصل علي الرجال يبي سلف يقول ابي فلوس ترجعني لاهلي مابي شهر العسل خلاص توبه امحق شهر عسل تاليه سلف
ياسياحة ياخرابيط شنهو هذا امحق من سياحة وهذا والله ياخوان شي واقع ولاتزعلون من الصراحة لاننا كلنا عشناه وشفناه الواحد اذا بغى يروح سياحة لازم يأخذه معه خيشة فلووس عشان السياحة والله يكون بعون الجميع