جميل ما سطره قلمك اختي الغاليه .... ولكن هناك ناس ابتلاهم الله بالصراحه واذا ناقشته وناصحته يرد عليك بقوله انا
مااعرف اكذب وانافق مثل غيري .... انا اعتبر الشخص الصريح جدا يعاني من نقص مثله مثل الشخص الي يحب ان يجاملوه الناس ويصفقون له فهو يحاول ان يثبت ذاته بطريقه ليجذب انتباه الناس اليه
بقولك على موقف اختي الغاليه ..... في مره كنت معزومه انا وصديقاتي على زواج صديقه لنا المهم
غنت المطربه اغنيه هاديه قامت وحده من البنات ترقص واحنا كنا نشجعها من مكاننا وبعد ماخلصت جات عندنا وهي مبسوطه مره وقالت لنا هاااااااا يابنات كيف رقصي حلو ترى اول مره ارقص بس عشان زواج ساره
كلنا قلنا ماشالله عليك فري نايس ......حلو مره .....الا قالت وحده من البنات .... بصراحه ماتعرفين ترقصين
الاغنيه في وادي وانت و رقصك في وادي ثاني كنك ترقصين دسكو ..... ضحكوا مجموعه من البنات ...وحاولنا انا ووحده ثانيه نغمزلها نبغاها تسكت الا قالت بصوت عالي انا صريحه خلاص تبغيني اجاملك مثلهم والله مره رقصك حلو ..... وطوول الحفله البنت المسكينه ماارقصت جالسه في مكانهاحاولنا فيها ماقدرنا كسرت بخاطرها صاحبتنا الدفشه و الصريحه مره ........... وبس الله مبتلينا في هالبنت تكسر وحنا نصلح ........ تدفش بالكلام وحنا نرقع وراها..هي ماتقصد ..وهي تقصد .....
عااااااد تربطنا معها عشره عمر وصداقه ......... ولو بحثتي بداخلها تلقين قلب محطم ومشاكل مالها عد
كأنها تتهرب من واقعها......والله اعلم
شكرا للجميع على الاطلالة الرائعه
تقبلوا تحياتي
اختكم / غزل