قد ايه الدموع غاليه علينا بس ساعات بتنزل غصب عننا لان ساعات الجرح بيبقى اقوى من ان الانسان يحبس دموعه ويخبيها , وساعات كتير الدموع بتبقى هى الدوا من الجرح وساعات بتغسل قلوب وبتطهرها وساعات بتكون دليل جامد على الفرحه ,,يعنى على قد ماهى صعبه وعلى قد مافى ناس بتعتبرها ضعف بس هى فى اوقات كتير بتبقى الحل الوحيد لينا علشان نرتاح وبما انها كده فهى اكيد نعمه من ربنا لازم نشكرة عليها لانها بجد نعمه كبيرة ...
يعنى مثلا لو واحد مخنوق من حاجه ومتضايق جدااا ومش عارف يعمل ايه بمجرد ما بتنزل دمعه من عينه بيرتاح وبيبدء يعيد التفكير تانى ويمكن يلاقى الحل ويكون السبب دمعه !!
وساعات كتيررررر الدموع بتبقى بسبب الفرح والسعاده ودى طبعا احلى دموع دمووووع الفرح......
وفى ناس دموعها قريبه وفى ناس مش بتحب دموعها تنزل قدام حد لكن فى النهايه الدمووع وسيله فى معظم الاحيان للتعبير عن كتير من اللى جواانا بس ياترى هل الانسان اللى دموعه غاليه اوى او بمعنى تانى استحاله تنزل منه قدام حد الا فى اصعب الظروووف ده بيبقى انسااان قاسى على نفسه ولا لآ؟؟؟
ياريت الاقى عندكوا اجابه ,,,,,