[align=center]
[/align]
[align=justify]
لمشتركي DSL يجب الانتباه لموضوع السرعة القادمة من شركة الاتصالات أي ( سرعة الخط ) كثير منا يطلب سرعة معينة ولكن ما يتغير شئ عنده سوا في الفاتورة لكن السرعة نفسها .
مثال حصل لي :
كانت سرعة اشتراكي 512 وبعدها حولت إلى 1024 وهذي رسومها في الشهر 150 ريال ، المهم أنا جلست 4 شهور تجيني الفاتورة على إنها السرعة 1024 ولكن في الحقيقة السرعة ما تبدلت مع إنهم قالوا لي تبدلت ، قلت لهم طيب سرعة تحميل الملفات ما تغيرت عندي نفس أول ما تزيد عن 60 كيلوبايت في الثانية . رغم إني طالب 1024 والمفروض ما تقل عن 125 كيلوبايت في الثانية .،قالوا المشكلة من المواقع اللي تحمل منها يمكن عليها ضغط حتى الفني جاني وقال غيرناها .
أنا ما قتنعت بالموضوع ورحت أشيك داخل صفحة المودم قلت أكيد السرعة موجودة ، وفعلاً اكتشفت الكارثة بأن السرعة ما تغيرت وموجودة 512 ، كلمتهم وما اقتنع الفني الا يوم وريته السرعة في الجهاز ، وبعدها بدلوا السرعة وعوضوني عن الرسوم اللي دفعتها .
شئ ثاني بعد أحيانا السرعة تتبدل كل فترة وفترة ، يعني يبي لك يوميا تشيك على المودم ، انا مرة شفت سرعة تحميل الملف 7 كيلوبايت بينما المفروض 128 كيلوبايت ، ورحت شيكت على المودم وحصلت السرعة فقط 99 بدل 1024 ... إخواني احذروا وشيكوا باستمرار على السرعة .
تحياتي .
أخوكم خالد .
هذا شرح بالصور للي عندهم مودم SpeedTouch اكتب فوق في الرابط 10.0.0.138 ثم بتفتح صفحة المودم واضغط على أيقونة Broadband Connection وشوف الصور .
[/align]
[align=center]
[/align]