حياك الله أخوي في منتداك .
أخوي هذي سياسة المنتدى، والرد قبل التحميل مو عشان زيادة الردود ، أخوي لك موضوعين في المنتدى هذا واحد منهم ، عشان كذا ما مره عشت وضع اللي تعبان على مرفق وينزله للجميع عشان يستفيدون منه ويتفاجأ إن اللي حملوا الملف 100 عضو واللي راد عليه واحد بس ..
الهدف من الرد قبل التحميل هو تحريك المواضع وتبادل مواقعها وعشان ما تروح في الصفحة الثانية من غير محد يستفيد منها .
وليه نتباها بعدد الردود والمواضيع ؟
أسسنا المنتدى وكلفنا مبالغ كلها لوجه الله لا فيها مباهاة ولا شئ .
أخوي ياليت تشاركنا بمواضيعك ومرفقاتك عشان نستفيد منها وندعي لك في ظهر الغيب ، ومواضيعك انت ماراح نخلي مرفقاتها مخفية ، راح نفتحها حتى للزوار دام إنك تبغى هالشئ ، لكن البقية اللي يشاركون بجهودهم ويتعبون على مرفقاتهم لابد يكون لهم حق. أنا ما فعلت هالخاصية إلى بعد ما تضايق المشاركين بجهودهم وملفاتهم اللي عملوها .. الكلام هذا كان عام 1425هـ وللحين ماشيين عليه والوضع عاجبهم .
إذا إنت تقول إن المواضيع قديمة فأنا أقول جزاه الله خير اللي بينزل مرفق يفيد الغير حتى لو كان قديم ، وإنت قبل تحمل الملف أو ترد على الموضوع شوف تاريخ كتابة الموضوع وراح تعرف إن الملف قديم .
وأنا ما أقدر أحذف مرفقات قديمة .
أخوي ياليت بدل معرفة وجهة نظر الغير في موضوعك إنك تفكر كيف تفيد زملائك في المهنة وتنزل لهم مواضيع ومرفقات من عملك تفيدنا وتفيدهم ..
وياليت أشوف لك أكثر من موضوعين في المنتدى .
تقبل تحياتي .
أخوك
خالد السعيد .