[lemon juice]

لا لا مو مقلب من جد رحنا ورجعنا هههههههههههههههههههه
>>> بدري استثنائيه تردين على سالفة البخاري خخخخخخخ يلا انتظر ردك على الرحلة <<<
المهم أكمل لكم بعد ما انصعقنا من انهم مودينا مكان ما يعرفون شنو فيه .. ما قصروا عطونا 50 ريال مصروف للجيب >> بس حتى هذي وقعنا عليها خخخخ
كانت رحلة الذهاب سعيدة كنت جايبه معي كتب .. أبو شلاخ البرمائي و المناعة الفكرية .. عطيت سرسر تقرا معاي .. نمنا شوي و صحينا .. وصلنا الرياض تقريبا الساعه 12 ظهرا
وقف الوفد >> خخخخخ يعني باصنا و الباص الصغير اللي قلت لكم عنه و سيارة الأمن و السلامة هههههه
البنات مساكين يبغون يروحون دورة المياه و بنات شوي و يسوون مظاهرات يبغون يصلون الظهر >> أساسا ما أذن و يقدرون يجمعون جمع تأخيري مع العصر .احنا مسافرييييييين
المهم نزلوا و صلوا >> ساعه إلا ربع عشان يصلون و يدخلون دورات المياه و انتوا بكرامه >> وييييييييين الخطة الزمنية للرحلة
بعد ما رجعوا البنات ظلينا ننتظر خارج الرياض يمكن لييييين الساعه وحده و ربع توقعوا ليش ؟؟؟
ما في أحد يدل مقر المؤتمر و ينتظرون واحد يجي يدليهم و شكل هذا الواحد راح يتغدى ولا راح يجيب عياله من المدرسه ولا شاف له واحد و قعد يسولف معاه ....بنمووووووووووووت حر
المهم انه جاء في النهايه و وصلنا المؤتمر الذي مقره مركز الملك فهد الثقافي الساعه 2 بعد الظهر.. اول ما نزلنا شفنا درج طويييييييييييييييييييييييييييييل يمكن 100 درجة أنا كنت بصراحه أدور الباب اللي ندخل منه
لكن استوعبت ان ما في باب و الناس يرقون من الدرج عذاااااااااب قلت يلا.. هو درج واحد نرقاه و خلاص .. صعدنا الدرج و الاستقبال كان زححححححححححمه و فووووضى الصاعقة الكبرى
كانت انهم قالوا لنا ان الفترة الأولى انتهت و إن الآن بريك إلى الساعة 4>>>و احنا بنرجع الساعه 6 >>>ك هذا الفيس أنسب
المهم رحنا صلينا الظهر و العصر جمعا و قصرا بعدين رجعنا نزلنا الـ 100 درجة و تغدينا كان غذاء سعيد لكن البوفيه كان أمام المكيف خخخخ عذاااب .. >> احنا مش جايين ناكل عااادي
الساعه 3 و ربع صعدنا الـ 100 درجة >> طبعا كانوا وزعونا مجموعات لكن خرااااااااااااااااط صرنا نحوس على كيفنا خخخخ أحسن
دخلنا قاعة الأفلام الوثائقية و الحمد لله كانت مفتوحه و تشتغل قبل نهاية البريك بـنصف ساعه .. شاهدنا فيلم وثائقي رااائع عن التوحد و بعده فيلم راااائع عن علاقة الإنتباه في التعلم من اعداد طالبتين من طالبات قسم التربية الخاصة بجامعتنا العزيزة .. صفقنا و طلعنا >>> خخخخ حلفي عاد
سمعنا ان طالبات الطب مع دكتورتهم بيروحون قسم الملصقات العلمية و لحقناهم >>>مع الشقر يا سمرا هههههههههه >>> من تأليفي هالمثل .. بس من جد كان حلو القسم و كان بجانبه متحف راااائع
عن الآثار و التطور في النقد و الصناعات بشكل عاااام من عهد الرسول عليه الصلاة و السلام إلى يومنا هذااا أعجبني ملصق علمي مقدم من طالبة بجامعة أعتقد انها الجوف هي بنفس عمري و نفس قسمي تقريبا >> اقتصاد منزلي .. قدمت بحثها عن أسباب السمنة المفرطة .. و تحمست منها اني اشارك بمثل هذه المؤتمرات الكبيرة و حتى إن كنت صغيرة
>> تقريبا هذا الملصق الوحيد اللي شاهدته لأن الباقي كانوا باللغة الانجليزية و لمواضيع طبية .. لا أفهمها مع الأسف
بعد كذا رحنا قاعة المؤتمرات نفسها >>> يووووووووووووه نسيت اقول لكم إن علشان نوصل لقاعة المؤتمرات و قاعة الملصقات لازم نصعد تقريبا 3أو 5 طوابق مو ذاكره بس عذااااب و ربي عذاااب في بنت كانت عندها اعاقه تبهدلت يا حياتي .. >>>> نرجع لمحور حديثنا .. رحنا قاعة المؤتمرات كان في دكتور من كلية العلوم الزراعية أتوقع بجامعة الملك سعود يتكلم عن أثر الفلفل الأسود في الحشرات اللي تضر النباتات حماااس الموضوع بس ما فمهت شي خخخخ بس اعتقد انه يوصي باستبدال المبيدات الحشرية للنباتات بـ الفلفل الأسود بعد كذا أعلنوا عن جلسة شبابية للحوار مع الدكتوره نوره بنت عبد العزيز المبارك رااائعه جدا جدا هالدكتوره و ناجحة ما شاء الله تبارك الرحمن و تتكلم عن فشلها كما تتكلم عن نجاحها كان حوار ثري جدا جدا معاها ..
بعد ذلك توجهنا إلى قاعة الدراسات الإسلامية و شفنا المشرفات على الرحله هناك >> صراحة حسينا بالأمااااااااااااااان .. و كان في بحث مقدم عن البدع في ذكر الله ..
طلعنا من هالقاعة و رحنا للمصلى ننتظر صلاة المغرب .. عشان نجمع المغرب و العشاء و نمشي .. صلينا و لله الحمد و ركبنا الباصات >> للأمانة وزعوا كيك قبل المغرب خخخ ..
طبعا كنا ميتين جوع من هالدرجات اللي رقيناها و هالطوااابق .. نبغى عشاااء قالوا ما في لين توصلون و تعشوا في بيوتكم يعني الساعه 10
طيب أجل ليش عطيتونا مصروف 50 ريال ؟؟؟ طيب ع الاقل نبغى بقااااااله قالوا ماااافي .. خير يعني نمووووووووووووووت قبل ما نوصل لأهلنا لااااااااااااااا نبغى نموت عند أهلنا
المهم في النهاية الدكتورة اللي مع بنات الطب قالت بتنزل البنات على مسؤليتها ياااااالبى قللللللبها نزلنا محطة البنزين و لقيناالبقالة مسكرة لصلاة العشاء رجعنا ركبنا الباص .. ولا المشرفات دقوا على الجامعه و اشتكوا على الدكتوره و قالوا خلاااااااااااص ما في بقاله بعدين يا حياتي السواق عطف علينا .. و قال انا انزل اشتري لكم بس اكتبوا لي في ورقه >>> لفينا رااااااااااااااااااااااااسه مسكين .. بس الحمد لله ع الأقل أكلنا شي .. وصلنا تقريبا الساعه 10 و ربع و قبل ما نحط رجولنا على أرض الوطن المشرفات حطوا رجولهم بسياراتهم و انحششششش يا ولد ... لحقت وحده نهم و قلت لها : كيف تمشون و تتركونا ؟؟؟
قالت : انتو كبااار و انا ارتفع عندي الضغط و راسي يوجعني .. و الحارس معااااااكم .. خيييييييييييييييييييييييير .. المهم الله يكثر من أمثال الحارس جلس معانا لين مشينا و كنت أنا آخر وحده لأن أبوي كان في الرياض عنده شغل و أمي دبرت لي سياره لكن السياره بااااااااااااااااااارده و ما عندها ما عند جدتي .. وصلت بيتنا الساعه 12 و كانت رحلة سعيدة مليئة بالفائدة و الغباء و سوء الإدارة

تاااااااااااااغي ..


اي صح نسيت >> كل هذا و نسيتي .. كان في شي غباءي ان في رجال في كل مكان مع ان المؤتمر قسمين رجالي و نسائي >> يعني ما فصخت عباتي و حجابي و نقابي حوال 15 ساااعه .. تخيلوا دخلنا المغاسل بنعدل عباياتنا ولا دخل علينا هندي هههههههههههههه