اقرأها وأنت هادي ورايق‎

[نسايم الود]

السلام عليكم ورحمة الله وبركاته

السالفة وما فيها خمس دقائق يا غالي

من وقتك

وإذا ما عندك وقت خلاص قفل الرسالة ومتى ما فضيت أرجع لها.

أقراها وأنت هادي ورايق ومركز زين زين

.. أرجوك تقرا هذي الرسالة إلى الأخير ..

وتأكد إنك أنت المستفيد ورح تحس براحة رهيبة

. أكيد إنك شايف الناس في هذه الأيام كيف قاعدين يسعون ويتفننون في طلب الرزق

.. هذا راح يأخذ قرض ودخل بالأسهم

وهذاك طول يومه بمعارض السيارات
والثاني احترق وجهه بالصناعية

وهذاك طاحت عيونه من كثر ما درس وسهر وتعلم

.. وهذا ما عاد شاف أهله من كثر ما يدور بالمخططات

والمساهمات العقارية ... و و و و و ...

وبصراحه ما أحد يلومهم ..

الكل يبي رزقه يكثر وينبسط بحياته

.. بس فيه شغلة ناس كثير جدا جدا ما فكروا فيها

.. حتى أكبر العقليات الإستثمارية ما جت على بالهم

إلا من رحم ربي .
يقول الله سبحانه وتعالى

{ فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * }

.. الإستغفار :

يا ناس يا عالم الإستغفار سبب رئيس لأشياء حلوه في حياتنا .

. أشياء ياما وياما تمنيناها

.. من فينا ما يحب المطر ...؟
من فينا ما يحب المال ....؟
من فينا ما يحب يكون عنده أولاد وبنات ...؟
من فينا ما يحب يعيش بوسط جنات وأنهار في الحياه الدنيا ..؟

هذي كلها أشياء خيالية .. من جد خيالية ..

وماهي صعبة ولا مستحيلة على رب العالمين سبحانه ...

الله قادر إنه يحققها لنا ...

بس إذا حققنا المطلوب منا ..

وش المطلوب منا ....؟

شي واحد وبس .. ولا أسهل منه

.. {الإستغفار}

والإكثار منه .. طيب والنتيجة ..؟

أنا أقولك النتيجة :

النتيجة عسى ربي يحفظك ويسلمك إن الإستغفار سبب في نزول المطر

{بإذن الله} ...

. وسبب في زيادة الرزق وبالعربي زيادة المال

.. وسبب في إن الواحد منا يرزق بالذرية الصالحة إن شا الله {البنين} .

. وسبب في تحول أراضينا إلى جنات وأنهار .

. وهذا مو كلامي

ولا كلام الشيخ .....

... أو المطوع .......

.. أو الداعية .......

.... لا هذا كلام الله سبحانه ..

. الله الله في الإكثار من الإستغفار ..

{ استغفر الله الذي لا إله إلا هو الحي القيوم وأتوب إليه }

لكم ودي...
نسايم الود

ساعد في نشر والارتقاء بنا عبر مشاركة رأيك في الفيس بوك

[غموض أنثى]

مشكوره نسومه صج هذا الواقع اللي احنا نشوفه
الناس تتراكض ركض على المال
بس ينسون الأستغفار وهذا شي المفروض ماينسي
تقبلي مروري
غموض أنثى

[نسايم الود]

مشكورة والله يعطيك العافية.....

ودي0.0.

نسايم الود..

[عاشقة السعااادة]

يعطيك العافيه يانسايم

وننتظر منك المزيدد

من هذه المعلومات المفيدة

[أميرة بأخلاقها]