بسأأأأأأفر لك...........

[كلي شقاوه]

بسافر لك ،
يا راحل عن مداراتي ،
بدور لك عذر وآجيك ..
بتوّه عيني عن داري ،
وأشّر لي على دارك /
وأهاجر لك وأنا : المنفي
لجل ألقى بك أوطاني !

بـ أسولف لك عن : أحلامي
وأفسّر لك : حكي هـ الليل ،
أبـ أرسم وجهك بـ ( غيمة )
وأبي تمطر لي أشواقك ،
تعال إحلم معي .. مرّة
وشوف [ الحلم ] بـ عيوني /
تعال : وسادةٍ وأحباب
وكون الحضْن و الفرحة !

بسافر لك يا المهاجر ،
مثل هـ الطير وأسرابه ..
وإذا بـ النيّة ما ترجع ؟
- برجّع لك : [ سنين العمر ]
وأغنّي لك أغانينا ..
وأحلّف شوقٍ بقلبك ،
يراعيها أمانينا /
تمرّدنا ،
- حكاوي الروح ،
طعم قهوتنا والضحكات
كراسي لعبنا والخوف ..
تسرّعنا ، تجافينا !


بسافر لك
: يا جارحني ،

وأجيب الجرح والذكرى ..

وبـ أمسك هـ الدوا بيدك ،
وأطيّب كل ما فيني ..
وأظنّي بـ أجرح أعماقي ،
لـ أجل أنزفها أشواقي ،
وأتمّ آقول : داويني ..
أنا أصلاً : عشقت الجرح

مدامه جاني من قلبك ..!


بسافر لك : سما و بحور

و بـ أغرّق لك سفن الأحلام ،
وغرّقني بعد أكثر ..
ولا بـ أطلب نجاةٍ منْك ،
لـ أنّ عيونك : المرسى ،
و كفّك راحتي واليمْ ..
يا بحري والغرق يا أنتْ /
يا موجٍ رافضٍ يهدى ،
مثل هـ النبض واللهفة
مثل هـ الحب وآماله ..!




بسافرلك غصب مو طيب !

وأبي بـ العود تعزفني ،
( وتر الإحساس ) : ترْفق به ..
و تلمس أجمل أوتاري ،
وتهديني لحن يبقى ..
لحن خالد ولا أنساه
لحن حبّي و إحساسك ،
لحن عينك و كلماتك ..

يا أعذب لحْن بـ الدنيا !



بسافر لك شجر وأغصان ،

وأظلّل خافقك فيني ..
لجل تنبت لك عيوني ،
زهر الأفراح في عينك
ونحصد بسمة الأيّام ،

ونفرح بـ اللقا ونعيش .. !



بسافر لك

ساعد في نشر والارتقاء بنا عبر مشاركة رأيك في الفيس بوك

[جمالي باخلاقي]

[كلي شقاوه]

منوره الصفحه بمرورك العطر
يعطيك العافيه