كرسي الإعتراف

[جوهــ العطاءـرة]

وووووول شالأسئله>>فنار ربنا يكون في عونك انشاء الله
عموماً اشتقت لكم موووووووت فاتتني اشياء كثيره بالمنتدى
واخبار وتطورات مهمه الصراحه وحشتوني ماتوقعت اني متعلقه بالمنتدى لهالدرجه
أكيد لأني أحبكم ومعلماتي لاسيما عساكم بخيير وسلامه
مع تحياتي>>جوهــ العطاءــــرة

[اميره بصمتي]

هلا اميره بقلبها ..ما وقفت الموضوع
بس انا هالفترة مشغووولة جدا
فراح امسكك زمام الامور في هالموضوع
اذا ماعليك كلافة طبعا
اوكي؟؟
يلا سي يو

[ٵۅنـثـﮯ ﭱـﻤرٍﯧﮧ ♥]

طيب بانتظار العضو الجديد

[عاشقة(ف)أم حسين]

ننتظــــــــــــــــــر
العضو الجديد
وياريت
تكون
م- الفهيــــــــد<<إشتقت لهاااا
حيييييييييييييييل

[ايسكريم مشوي]

>>>>>>>>>>>>>>>>>>>>>>>>> بانتظار العضوة الجديده

[أميرهـ بقلبها]

اووووكي قلبوووو

شرايكووووووم في أنثى قمريهـ ......؟؟

[عاشقة(ف)أم حسين]

ياااااااسلااااااااام
يااونااااسة

[أميرهـ بقلبها]

قبل مانبدأ تفضلي هذي وجبهـ خفيفهـ عشان تقدرين تجاوبين وانتي مليااانهـ < لافااضيهـ

وشوية مكسرات علشان ما تستملين خخخخخخ

يلا بسم الله نبدأ

1-أكيد مر عليك في حياتك لحظات حلوه ولحظات مره وسؤالي هو: وش أحلى لحظه في حياتك و تحسين أنها محفورة في ذاكرتك ومهما تقدم فيكي العمر راح تتذكرها!!!!!!

2- شي ندمتي عليه في حياتك؟
3- ماهي أكلتك المفضله ؟
4-ماهو برنامجك اليومي من الصبح لين تنامين وخصوصا انك الحين ربه منزل ؟؟
5-متى تسقط دموعك؟
6-ماهو الشيء الذي يعجبك بالمنتدى ؟؟
7-ماصفة الصديق بالنسبة لك ؟؟
8-موهبه تمتلكها أنثى قمريهـ؟ واخرى تتمنى امتلاكها؟؟
9-اغلى نصيحة قدمت لك ؟ وممن؟
10-كم مره حسيتي نفسك مظلومهـ وبقوه ؟؟
11-من هو أكثر عضوو دخل قلبك ؟؟
12-وش أحلى شيئ في طفولتك؟
13-شخص ساندك وووقف بجانبك عند الافراح والاحزان؟ومن وراء نجاحك؟
14-هل حصل لك موقف غير مجرى حياتك او غير نظرك للحياه او غير نظرتك لبعض الامور؟
15-ماذا تعني لك هذه الكلمات:

الحب؟
الحنان؟
الفقر؟
التسامح؟
اليتم؟
الأحترام؟
الفرح؟
الحزن؟
الوحده؟

[عاشقة السعااادة]

شكرا لك اميرة بقلبها على اختيارك الرائع بس ننتظر اجابات الحلوة انثى قمرية

واتمنى انه تكون العظوة التي بعدها م الفهيد

[ٵۅنـثـﮯ ﭱـﻤرٍﯧﮧ ♥]

مشكوورة ع الكل بس يا خوفتي اقعد اكل ولا اجاوب <<< مو على كيفك
يلا بسم الله نبدأ


1-أكيد مر عليك في حياتك لحظات حلوه ولحظات مره وسؤالي هو: وش أحلى لحظه في حياتك و تحسين أنها محفورة في ذاكرتك ومهما تقدم فيكي العمر راح تتذكرها!!!!!!
والله اخاف اقوول لكم ما تصدقون بس ما عندي ذكرى مميزة باشكل اللى وصفتيه كل الذكريات الحلوة بمستوى واحد
مثلاً اول ما صرت عمه وخاله كانت ذكرى حلوه ومثلاً اول مرة عرضت لوحاتي كانت ذكرى حلووة واول مرة رسمت فيها رسمه حللوة صحيح كانت متواضعة بس لها مكان بقلبي
المواقف الحلوة اغلبها بنفس المستوى

2- شي ندمتي عليه في حياتك؟
والله كان يوم كنت في عمر خمس سنوات تقريبا كان الفرووض اسوي شي وانا سويته لاني كنت خايفة
وكل ما اتذكر اني ماسويته احس نفس غبيه بس ارجع واقول لنفس كنت اصغيرة ما كان بيدي شي
3- ماهي أكلتك المفضله ؟
الهريس
العيش الحساوي
والمضروبه
والدجاج وكل شي دسم احبه <<< مدري ليش اجل عصقوله
4-ماهو برنامجك اليومي من الصبح لين تنامين وخصوصا انك الحين ربه منزل ؟؟
هههههههههههههههه اعجبتني سالفة ربة المنزل
الممهم نظامي اجلس مع صلاة الفجر واضل اشووي وبعدين احووس بالنت بعدين اشوف الفطور بعض اخواني يشترون من برا فما اسوي شي واشوف عيال اختي لان عندها دوام الصباح
وبعدين اشوف المطبخ اوووف اكره مكان بالبيت اشوف المعاين طبعا انا اغسل واختي الصغيرة بعدين ترتبهم والغدا انا ما اضبطه حيييل وما احب اسويه
المهم تجي وحدة من خواتي المتزوجات تسويه وما يصير انا اقعد رجل على رجل ارووح اساعدها المهم بعد الغدا لازم الماعين <<< يا ربي معهم ما يخلصون
وبعدين اشوف الغرف وطبعا الغرف علي بس غرفة الطعام مناوبه يوم انا يوم اختي الصغيرة بحكم ان غرفة الطعام اكثرة غرفة تتوسخ
وبعدين ما بين وقت والثاني اريح اشووي اتصفح النت
وبعدين يجي وقت العشاء ونفس الشي اطبخ مع وحدة من خواتي المتزوجات طبعا خواتي مناوبه كل يوم وحدة بس امس بس فترة الظهر جات اختي ام علي وبعد العشاء لازم الماعين << الرحمه يا ربي
بس امس ماكان احد موجود بس انا وللاسف راحت علي نومه وشروا العشاء من برا مع ان ابووي ما يحب اكل برا المهم الفمرووض انام في 10 او 11
بس امس نمت بعد صلاة المغرب وجلست الفجر وهكذا ايامي
عندي احساس انكم ما راح تقرون الاجابه لانها طويله لو انا مكانكم ما اقراها
5-متى تسقط دموعك؟
اذا حسيت اني مظلموه بقووة ونادر انا ما اصيح ما تصير مواقف حييل بس وقت الفراق او الموت
عاد هالمواقف ما تصير دايما
6-ماهو الشيء الذي يعجبك بالمنتدى ؟؟
الاعضاء
7-ماصفة الصديق بالنسبة لك ؟؟
انا احب انه تعامليني صديقتي مثل اختها بس

8-موهبه تمتلكها أنثى قمريهـ؟ واخرى تتمنى امتلاكها؟؟
والله انا ما اعرف اسمها بس اهيي موجود مع وحدة معاي بالفصل
الممهم اهيي انك تقدين ترسمين البسمه على الشخص اللى قدامك مهما كان حزين ومهموم انا اعتبرها موهبه لانه صعب انك تخلين شخص حزين يضحك
9-اغلى نصيحة قدمت لك ؟ وممن؟
والله النصحيه ما اذكرها نصاً بس فيما معنها اهيي
انه مهما كان الشخص اللى قدامي عنيف وشرير ومهما كانت افعاله وتصرفاته ما دامه ما مسك بشي انتي ما عندك الحق تعادينه او تمسينه بشي
وفي وحدة ثانيه اهيي
ان مهما غلطت انا اقدر اصلح الخطأ او اقدر اداركه اذا ما زال قائم
والله اخاف اقول لكم منو الشخص تضحكون او ما تصدقون هههههههههه
الصراحة هذا الشخص ما اعرفه حييل اهوو دايم يجيني في احلامي بس ويقولي شي على الاشياء اللى سويتها في يومي ويمشي وطبعا اللى فوق من ضمن الاشياء اللى يقولها
10-كم مره حسيتي نفسك مظلومهـ وبقوه ؟؟
اوووه مرات اكثيرة ما ادري كم عددهم
11-من هو أكثر عضوو دخل قلبك ؟؟
فنار وشرقاويه
12-وش أحلى شيئ في طفولتك؟
احلى شي يمكن اني كنت شيطانه حدي وماخل احد في حاله وازعج الكل ههههههه
ومرات كنت اسطر الاطفال كنت شريرة كان عندي ولد خالة في نفس عمري بس انا اقوى منه وكل ما تحصل لي فرصة اسطره لاني ما كنت احبه وما اتركه لين يصيح <<< شريرة من يومها خخخ
13-شخص ساندك وووقف بجانبك عند الافراح والاحزان؟ومن وراء نجاحك؟
امممم خواتي
الصراحة وراء نجاحي ما فيه احد انا ما اذكر اصلاً لان ما فيه مكان هادي اذاكر فيه
واذا كنت اذاكر ي مكان فوضى ما اركز واحس نفسي الخبط معلوماتي بس
فاكل اللى احله في الاختبارت من اللى اجمعه في الحصص
14-هل حصل لك موقف غير مجرى حياتك او غير نظرك للحياه او غير نظرتك لبعض الامور؟
ايه<< انتوا ما قلتوا تبون اقوله <<< تتهرب
15-ماذا تعني لك هذه الكلمات:

الحب؟ امممممممم لا تعليق<< ما اعتقد ان عندي خلفيه عنه حييل
الحنان؟ الله عاد هذا احلى شي بالكون
الفقر؟ لا تعليق
التسامح؟اعتقد انه شي اساسي في الصداقه
اليتم؟ ااممممممممم لا تعليق <<< مصختيها
لا والله انا ما جربته وما اعرف عنه اكثير مع ان ابووي يتيم بس احسه عااادي
الأحترام؟ اساسي في التعامل
الفرح؟ مع انه صعب المنال بس حتى لو ما لقينه نقدر نصنعه
الحزن؟ اعتقد انه شي موجود بكل مكان ما فيه احد خالي احسه مثل الدخان يطلع من كل السطوح
الوحده؟ اسوء شعور ممكن يحس ابه الانسان

يلاا تسلمين اميرة ع الاختيار
اوووه خلصت <<< تعبت

[ايسكريم مشوي]

ياااااااااااااااي ياالله اونثى على الكرسي يا شماتي فيها هههههههههههههههههههههه
ويووووو يا اونثى انتي على الكرسي ويووووووووووووو

[احبه]

ايسكريم مشوي لا تتشمتين بعد شابة العسكريم وتتكلم ولا راح يجي لك يوم ويجلسونش على الكرسي ويا ويلك

[عاشقة(ف)أم حسين]

يالله اللي بعدوه

[جوهــ العطاءـرة]

أنا أرشح العضوه الجديده إنها تكون>>ايسكريم مشوي
من بعد مماشفتك بلفة السيكل ماشفتك ثانيه....
مع تحياتي.. جوهــ العطاءــرة

[أميرهـ بقلبها]

عشوقه ليش مستعجله على طرد انثى من على الكرسي

للحين ماشفت احد سألها يعني لهدرجه اهي مكشوفهـ وكل شي

تعرفونهـ عنها

مااشوف تفاعل من الاعضاء نفس قبل ليييييش .....؟؟