لماذا نذهب إلى المدرسة ..؟؟!!؟؟..لنتعلم ..!!

[9بياض الثلج9]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

..
لدي سؤال ..
لماذا نذهب غلى المدرسة ..؟؟
..!!..

اكيد بجاوبون لنتعلم ..

طيب تتعلمين ايش ..؟؟!!

شنو اتعلم ايش ..؟؟ اتعلم دروس ..

طيب انتي مقتنعه بهذا الشئ ..؟؟!!

....

الصراحه حنا مانروح للمدرسه علشان نتعلم ..!!

نروح بس علشان ناخذ شهاده .. او ناخذ نسبة وننتقل للمدرحله اللي بعدها ..!! وهكذا ..
طيب ليه نتعب نفسنا .. بس نقلد الغير .. صحيح حنا شطار يعني مو كلنا .. بس حتى لو كنا شطار .. بس لان حنا متعودين على هذا الشئ .. او يمكن عندنا طموح نبي نوصل له ..

ودايم نبقى المركز الاول في كل شئ ..
على الفصل وعلى المرحله اللي حنا فيها سواء في اولى او ثاني او ثالث..

بس يمكن علشان نرضي غرورنا .. اخذنا الاول ..

طيب واذا اخذت الاول ..!!

زاد في عمرك شئ ..!!

صحيح انه يعتبر تميز .. بس بعض المرات انا احفظ المنهج حفظ بس بعد مااخلص منه واخذ الشهاده يتبخر كل شئ ..

تدرون ليه ..؟؟ لان حنا ماندرس علشان نتعلم .. علشان ناخذ درجه كامله وناخذ المركز الاول وارضينا غرورنا وعطونا هدية .. ووو لكن عقلك فيه شئء ..؟؟!!

وحتى اذا ذاكرنا .. وماقدمنا زين في الاختبار او نقصت منا درجه او نصف درجه او حتى ربع .. نزعل وحالتنا حاله ..

بس مايكون لندرس ان ناخذ المعلومة بشكل صحيح ..


...

طيب ليه مانبدأ نتعلم صح .. ..؟؟!!

حرام ان الممكلة تطبع لنا كتب وفي النهاية نشقها ونرميها ونحرقها .. ونسوي فيها اللي مايتسوى ..

يوم اختبار الحديث .. استاذة آمال الله يجزاها خير عتنا اوراق .. علشان تعلمنا طريقة اسئلتها .. ومدام انها حديق اكيد قال صلى الله عليه وسلم ..

المهم .. في يوم اختبار الحديث والنهائي .. خلاص خلصنا ونزلنا امشي انا وصديقتي ..

الا اشوف اوراق كثيره مرميه كلها حديث ..

ولا باين ان اثر جزم عليها -الله يكرمكم-انا انصدمت .. قلت الى هذي الدرجه وصل الاستخفاف .. وان عادي ارمي شئ فيه قال صلى الله عليه وسلام .. ومن العادي جدا اصبح ان يرمون ورق او كتب باللغة العربية .. ربي عز هذي اللغة وانزل فيها القرآن .. نجي حنا ونرميها ونذلها .. ولا القهر ان محد شايلها ..

...

صراحه نادر جدا اللي يستاهلون الكتب اللي تنطبع هذي ..

لو تاخذين كتب احد البنات اللي مالهم هم الدراسه .. تشوفينه كله اشعار .. ماتشوفين اسم الماده الا اذا ركزتي ..

!!

طيب سؤال ..::

الحين حنا نذكر الدروس اللي درسناها في ثاني متوسط او لى متوسط او حتى الفصل الدراس الاول ..!؟؟!

حتى لو بنذكر بنذكر شئ .. يتعلق بموقف معين سؤال اكان محزن او مفرح ..

للاسف .. حنا يبيلنا يقظه من هذي الناحية .. مو بس هذي الناحية .. بس لان انا اتكلم عن هذا الموضوع ..

انتي تبين تتعلمين صح روحي المرسه .. ماتبين ربي يحفظك ..

ساعدي امك او خدامتكم في البيت .. تكسبين اجر على فكرة .. بس اذا حطيتي النية الحسنة ..

انا ودي اقول كلام كثير .. بس هذا اللي في بالي الحين ..

ووياليت نحس بطعم المدرسة قبل مانخلصها ونندم ان ماستمتعنا فيها قدر المستطاع ..

واسأل مجرب ولا تسال طبيب ..

سبحانك اللهم وبحمدك اشهد ان لا اله الا انت استغفرك واتوب اليك ..

9بياض الثلج 9

ساعد في نشر والارتقاء بنا عبر مشاركة رأيك في الفيس بوك

[العنــsmileــود]

بارك الله فيك على طرح
هذا الموضوع الهام ..

[منـــsmileـــور]

يعطيك العافية يابياض الثلج 000

[احساس طفلة]

طرح رائع وفقتي للخير
وانا معك في كل ماذكرتيه
جزيتي خيرا

[sweet lady]

يعطيك العافية..
شكرا لاهتمامك

[cute]

يــعـــطـيـــكـ الــعـــاااافــيــــه

مــــودتـــــي ,,,

cute

[بنت الكون M]

وفقك الله يابياض الثلج
وكلامك كله صحيح وخاصةً الكتب الي يكتبون فيها اشعار مدري ليش
شو هالحركه

جزيتي اعالي الجنان

[9بياض الثلج9]

يوم قريت الموضوع .. لقيت اخطاء كثيره ..
.....
عادي طوفوا ..

العنود ..منور .. احساس طفلة ..sweet lady..
cute..mnop915..بنت الكون

...

مشكورين يالعسل نورتوا موضوعي ..

والله يسعدكم .. ويوفقكم .. ويدخلكم الجنة ..

وجزاكم الله خير ..

اضفتم رونقا اضاء على صفحتي نورا ..

اختكم : بياض الثلج